Bainuaz gozatu
Ez utzi inoiz ere umeak bakarrik—ezta une batez ere— uraren ondoan edo uretan, nahiz eta ur azala izan. Beti egon behar dute zainduta, erortzeko edo itotzeko arriskua dela eta.
Bainatzeko izendatuta eta zainduta dauden uretan baina zaitez, bainuzainen esanak betez beti.
Egin kasu bainatzeko lekuetan ezarritako seinale eta adierazpideei (bandera, iragarki-ohol eta abar...), bainutarako eta hondartza inguruetako urak nola dauden azaltzeko daude ezarrita; baita megafoniaz arriskuei buruz ematen diren mezuei ere.
Sartu uretan apurka-apurka, batez ere eguzkia hartu ondoren, asko jan ondoren edo ariketa fisikoa egin ondoren.
Atera uretatik berehala síntoma arraroren bat sentituz gero: hotzikarak, nekea, buruko mina, hazkura, zorabioa, bertigoa edo zaineldua.
Lehortu zaitez uretatik ateratzean eta babestu begiak UVA eta UVB iragazkidun betaurrekoekin. Babes zaitez kapelarekin, edan ura, eman zure fototipoaren araberako eguzki-krema babes gabe daramatzazun gorputz-aldeetan. Egin berdin zuk zaindu beharreko pertsonekin.
Zerbitzu eta aldagela publikoak erabiltzen dituzunean, erabili oinetakoak oinak infekzioetatik babesteko.
Uretan astiro-astiro sartu, batez ere eguzkitan egon ondoren, asko jan ostean, edo jarduera físikoren bat egin eta gero.
Komun eta aldagela publikoak erabiltzen dituzunean, oinetako egokiak erabili oinak babesteko.
Uretako istripuek oso ondorio larriak ekar ditzakete; zuhurtasun-arau gutxi batzuk betetzea nahikoa da itotzeak, digestio eteteak eta abar sahiesteko.
Ez bainatu marmokak edo karabela portugaldarrak izanez gero
Ahal bada ez bainatu marmokak edo karabela portugaldarrak izanez gero. Ez itzazu ukitu areetan direnean ere, ezta haien zatiak ere, hilik ere hazkura eragin ahal dute eta
Marmoka edo karabela portugaldar batek "hozka" egiten badizu:
- Zoaz lehenbailehen sorosleengana.
- Ez egin hazka, eta ez igurtzi hozka egindako lekuan.
- Garbitu alderdi hori itsasoko urarekin, sekula ez ur gezarekin.
- Kendu hondarrak pintza batekin, ez eskuarekin, non eta ez dituzun eskularruak erabiltzen.
- Eman hotza, edo hobe, ipini plastikozko poltsa bete izotz hozka egindako alderdiaren gainean.
Informazio gehiago
Azken aldaketako data:
