tineido
izond. Zool. Lepidopteroen ordenako izen bereko familiako intsektuez esaten da. Gau-tximeletak dira, 25 mm inguru zabalak; beldar egoeran daudenean sits izenaz ezagutzen dira. Kolorez zuri-horixkak edo zuri-beltzak izaten dira. Tineido motarik ezagunenak Tineola biselliella, beldar egoeran larru-sitsa esaten zaiona, eta Trichophaga tapetzella, beldar egoeran sits zuri-beltza esaten zaiona, dira.
