Ortuzar, Robustiano
Bizkaitar antzerkigilea (Bermeo, 1883 - Bermeo, 1929). Gasteizen egin zituen eliz ikasketak, eta 1906an apaiztu zen. Jaioterrian egon zen apaiz, urte askoan, eta gazteei nautika irakasten. Abiñako zahar etxeko zuzendaria izan zen. 1925ean, eta R. M. Azkueren hitzaurre batekin, antzerki lanen bilduma bat argitaratu zuen, Oroigarriak. Bermeo’ko arrantzaleen bizikeraz eraturiko antzerkiak izenburupean. Bertan daude Torrenteruan, Doniane bezperako pozak, Zorginkeribako apaia, Ondo pentsatzen zauz, Pitzar bat ur eta Txalupapean antzerki lanak.
