Muskildi
Zuberoako mendebaleko udalerria, Maule-Lextarreko kantonamenduan. Musculdy du izen ofiziala. Mugak: iparraldean, Phagola, ekialdean, Urdiñarbe, mendebalean, Donaixti-Ibarre eta Phagola eta hegoaldean, Altzürükü eta Donaixti-Ibarre. 24,06 km2. 1999ko datuen arabera, 280 biztanle (muskildiarrak). Auzo nagusiak: Etxarte, Goihetxe, Kurrikarte, Mendiburu eta Oxkaxeko lepoa. Abakaria (Uhaitzandi ibaiaren adarra) erreka igarotzen da udalerritik. Euskara, zuberera; euskaldunak, % 98. Ekonomia jarduera nagusiak abere hazkuntza (ardi eta zerri azienda) eta laborantza (bazkarako landareak, artoa) dira. Aipagarri dira XVI. mendeko San Zipriano eliza eta San Antonio Paduako otoitzlekua. v Historia. 1324. urteko dokumentu batean aipatzen da lehen aldiz Muskildiko herria Muskilly izenaz.
