ke
iz. Erretzen ari den edo erabat bero dagoen zerbaiti darion gas multzoa. v Kim. Solido baten partikula txikien suspentsioa gas batean. v Ikatz kea. Errekuntzak sortzen duen karbono partikulen suspentsioa, gasezko hidrokarburoetan edo airean. v Zur kea. Zelulosazko errauts partikulak, kolore argikoak eta usain atseginekoak. Zur batzuen kea urdaiazpikoa, arraina eta beste jaki batzuk keztatzeko erabiltzen da. v Ke kimikoa. Bitarteko kimikoez sortua, helburu militarretarako. v Ke metalikoa. Metalek edo mea metaliko goriek sortzen dutena. Partikulek geometria forma zehatzak izaten dituzte. Oso kaltegarria da zink edo eztainuzko labe garaien ondoan dagoen landaretzarako.
