ezpalarta
iz. Izurdearen familiako itsas ugaztuna, 10-en bat m luzea, beltza kolorez baina sabelaldean eta, zuriuneak dituena (Orcinus orca). Bizkar-hegal zorrotza izaten du, zenbaitetan 1,80 metrotarainokoa izatera irits daitekeena. Emea arra baino txikiagoa izaten da. Barailetan 40-50 inguru hortz izaten ditu. Itsaso guztietan bizi da, Ipar Burutik Hego Bururaino. 50 inguruko taldeetan ibiltzen da, erreskadan edo iladatan. Uretatik kanpora jauzi egiten du batzuetan. Arrainak, txibiak edo itsas ugaztunak janez elikatzen da. Erasokor fama du; ehiztari ona da, eta taldean antolaturik aritzen da ehizan.
