emari
iz. Emaitza, dohaina. || Segundoko, orduko… iturri batek ematen duen, ubide edo hodi batetik igarotzen den ur edo isurkari kopurua. v Geogr. Ibai batek daraman ur kopurua. Ibaiaren ibilguko zati jakin batean denbora jakin batean igarotzen den ur kopurua ibai horren emari absolutua da. Emari absolutua segundoko, minutuko edo orduko m3-an edo litrotan neurtzen da. Emari absolutua ibai arro osoa kontuan hartuta neurtzen bada, emari erlatiboa lortzen da. Emari erlatiboa segundoko, eta km2-ko m3-an edo litrotan neurtzen da. v Mek. Denbora tarte jakin batean berezko ibilgu edo ibilgu artifizial bateko zati jakin batetik igarotzen den isurkari kopurua.
