ekiseto
iz. Bot. Equisetaceae familiako landare mota. Landare horiei azeri-buztan ere deitzen zaie. Lurpeko errizoma bat dute korapiloz eta korapilo tarteez osatua; korapilo horietatik sortzen dira zuztarrak, eta zuztar horiek bi eratakoak izan daitezke: emankorrak eta antzuak. Gehienetan leku heze ilunetan bizi diren arren, zenbait mota leku lehorretan ere hazten dira.
