Dijon
Frantziako ekialdeko prefetura hiria (C魌e-d扥r), Sa鬾e ibaiaren eta C魌e-d扥r mahasti lurralde (Bourgogne ardoa) ospetsuaren artean. 156.787 biztanle. Burgundiako dukerriko hiriburua izan zen, eta aurreko garai oparoetako eraikuntza eta monumentu ugari gorde da Dijonen: XVI, XVII eta XVIII. mendeetako etxe eta eraikuntza publikoak, Saint-Philibert-eko eliza erromanikoa (XVI. mendeko ataria); Saint-Michel-go eliza (XVI. m.); Notre-Dame-ko eliza gotikoa (XIII. m.); Burgundiako dukeen jauregia (1682. urtean berritua). Arte Ederretako museoak XV-XVIII. mendeetako hilobiak, eskulturak, pinturak eta zurezko lan bikainak gordetzen ditu. v Burdinbidegune garrantzitsua denez gero, Dijon-ek industria hazkunde nabarmena ezagutu du azkenaldi honetan. Janari industria tradizionala guztiz ospetsua da: ziapea (moutarde de Dijon), ozpina, garagardoa; industria mekanikoa eta kimikoa. Nazioarteko erakustazoka. Unibertsitatea. v Historia. Erromatarrek sortua (Divio), Dijon herri txikia izan zen XI. mendean Burgundiako dukerriko hiriburu bihurtu zen arte. Dukeen egoitza hiria ere izan zenez gero, bertan ezarri zuten Frantziako erregeen mende zegoen Burgundiako parlamentua. 1513. urtean suitzarrek setiatu zuten hiria. XVIII. mendea oparoa izan zen (unibertsitatea, 1722; apezpiku egoitza, 1731).
