dekabrista
(Errus. dekabr «abendua»). iz. Hist. 1825eko abenduaren 26an tsarraren aurka altxatu ziren errusiar handiki eta ofizialei ematen zaien izena. Isilpeko elkarte batzuetako kide ziren; gobernu konstituzionala ezarri nahi izan zuten, eta Konstantino Nikolas Pavlovitx, tsar absolutistaren anaia, errege egin. Armada zati baten laguntza lortu bazuten ere, Nikolas tsarrari leial iraun zioten osteek zapuztu zuten saioa eta altxamenduko buruzagiak preso hartu zituzten. Haietako bost fusilatu egin zituzten eta ehun eta hogei Siberiara eraman.
