Euskararen tresnak

Lur hiztegi entziklopedikoa

Kultura eta Hizkuntza Politika Saila

Bieberbach, Ludwig Georg Elias Moses

Alemaniar matematikaria (Goddelau, Alemania, 1886 - 1982). Bere izeneko konjeturari esker da ezaguna (1916). Konjetura hori Louis de Brangesek osorik ebatzi zuen 1984an. Horrez gainera, Bieberbachek polinomioen bidez funtzioak hurbiltzeko moduak ere aztertu zituen. Aldizkari bat ere sortu zuen, Deutsche Mathematik; aldizkari horretan, matematikak lantzeko judu estiloa alemaniar estiloari kontrajartzen zion.