Liburutegi Zerbitzua

1. – Agindu honen helburua da:

   1. Kontratazio Elektronikoko Erregistro Telematikoa sortu eta arautzea.

   2. Lizitazio elektronikorako prozedura arautzea eta hori kudeatzeko aplikazio informatikoa onartzea, P90 aplikaziokodearekin. Aplikazioaren ezaugarriak agindu honetako I. eranskinean agertzen dira.

   3. Jakinarazpen eta helbide elektronikoaren zerbitzua (P91 kodea) onartzea, eta horren erabilera arautzea euskarri informatikoaren laguntzarekin kudeatzen diren administrazio-kontratazioko lau prozeduratan. Ondokoak kudeatzea: administrazio-kontratazioko espedienteak (L29 kodea), lizitazio elektronikoa (P90 kodea), Euskal Autonomia Erkidegoko Kontratisten Erregistro Ofizialean izena eman, izen-ematea aldatu edo baja ematea (K60 kodea), eta izena eman, izen-ematea aldatu edo baja ematea (K68 kodea).

2. – Agindu honetan ezarritakoak ez du aldatzen administraziojarduketei ezargarria zaien araubide juridikoa, izapide telematikoaren berezko berezitasunetan izan ezik.

1. – Adierazi diren prozedurak eta aplikazioak Ogasun eta Herri Administrazio Sailak erabiliko ditu, bai eta horri atxikitako HAEE-Herri Arduralaritzaren Euskal Erakundea eta EUSTAT-Euskal Estatistika Erakundea izeneko erakunde autonomoek ere.

2. – Aurrekoez batera, Euskal Autonomia Erkidegoko Administrazioaren gainontzeko sailek, horien erakunde autonomoek eta zuzenbide pribatuko ente publikoek ere erabili ahal izango dituzte. Horretarako, beren borondatez onartu behar dute horiek erabiltzea, eta sail interesatuak eta Ogasun eta Herri Administrazio Sailak elkarrekin baimena eman behar dizkie.

1. – Baliabide telematikoak agindu honetan jasotzen diren izapideetan erabiltzeak identifikazioa eta organo eskudunak eskumen hori erabiltzeko aukera izatea bermatuko ditu eta baita ere emandako agiriak kautoak direla eta osorik eta egoera onean daudela ere, agindu honetan zein hura garatzeko den araudian ezarritakoaren arabera.

2. – Izapide telematikoan sinadura elektroniko onartua erabiliko da.

3. – Aurreko idatz-zatian ezarritakoari uko egin gabe, 10. artikuluan aurreikusten den aurkezpen-agiriari dagokionez, organo partehartzailearen identifikazioa ziurtagiri elektroniko batek sortutako sinadura aurreratu baten bidez egiteko aukera izango da. Ziurtagiri elektroniko hori agindu hau garatzean zehaztuko diren ezaugarriak dituen aplikazioan ezarriko da. Horrela sortu den sinadurak sinadura eransten zaien administrazio-agirien egiazkotasuna eta osotasuna bermatuko du.

4. – Aplikazio informatikoa erabiltzerakoan, honako hauek bermatu beharko dira:

   1. Horiek erabiltzea eta horietan jasotako datu eta informazioetara jotzea baimendutako pertsonei mugatzen zaiela.

   2. Datuak eta informazioak aldatu edo galtzeari eta komunikazioak interzeptatzea prebenitzea.

   3. Prozesu informatikoak baimenik gabeko manipulazioetatik babestea.

1. – Izapidetze telematikoa egin nahi dutenek ziurtagiri elektroniko onartua eduki beharko dute, Agindu hau aplikatzerakoan hori buruz ezartzen denari jarraituz. Onartutako ziurtagiriak, eta horien ezaugarriak, ondorengo idatz-zatian adierazten den atarian emango dira argitara.

2. – Izapidetzeak burutzeko, interesdunak Euskal Autonomia Erkidegoko Herri Administrazio osorako den Atarian, euskadi.net delakoan, sartu beharko dira edota bertan jasotako berariazko edukira zuzenean jo www.contratacion.info helbidearen bidez.

Agindu honetan onartzen diren aplikazio informatikoek aukera eskainiko diete interesdunei eurek egin dituzten izapideak modu telematikoan kontsultatzeko. Kontsulta 4. artikuluko 2. paragrafoan adierazten den web helbidean egingo da, eta bertara jotzeko ezinbestekoa izango da sinadura elektroniko onartua izatea, dagokion ziurtagiri elektronikoan oinarritutakoa.

1. – Teknika elektroniko, informatiko edo telematikoen bidez sortu diren agiriak izaera horretako euskarrietan gordeko dira, agiria sortu zeneko formatu berean, edo agiriok erreproduzitzeko behar den informazioaren identitatea eta osotasuna bermatzen duen beste edozein formatutan.

2. – Agiriak gordetzeko erabiltzen diren baliabideek edo euskarriek segurtasun-neurriak izan behar dituzte, agirien osotasuna, egiazkotasuna, kalitatea, babesa, zaintza eta gordetzea bermatuko dutenak, eta, bereziki, pertsona erabiltzaileak identifikatzea eta sarreren kontrola bermatuko dutenak.

3. – Euskarriotan gordeko diren agiriak dagokion administrazio-espedientearen parte izango dira, espedientearen parte diren gainontzeko jarduketekin batera, agiriok sortzeko erabili den euskarria, fisikoa edo telematikoa, aintzat hartu gabe.

Administrazio-espedienteak izapidetzerakoan, agiriak, idazkiak edo komunikazioak formatu elektroniko, informatiko edo telematikoan sinatuta jasotzen badira, eta, aldi berean, paperean jasotzen badira, bertsio elektroniko, informatiko edo telematikoa soilik hartuko da kontuan.

Agindu honen eremuan, Administrazioak teknika elektroniko, informatiko eta telematikoak erabiltzen baditu, erabilera horrek antolamendu juridikoak ezartzen dituen mugak izango ditu, eta, bereziki, abenduaren 13ko 15/1999 Lege Organikoan, Datu Pertsonalak Babestekoan, xedatutakoa betetzen dela bermatuko du.

1. – Kontratazio Elektronikoko Erregistro Telematikoa sortzen da, agindu honek jasotzen dituen prozeduretan sinadura elektroniko onartuaren bidez eman edo jasotzen diren eskabide, idazki eta komunikazioak hartu eta emateko.

2. – Arrazoi teknikoak direlaeta zerbitzua eteten bada, etetea ahalik eta aurrerapen handienarekin jakinarazi behar zaie Erregistroak izan ditzakeen erabiltzaileei. Aldiz, etetea ez balego programatuta, posiblea den guztietan, Erregistrora jotzen duenean etenda dagoela adierazten dion mezua ikusi behar du erabiltzaileak.

1. – Interesdunak izapideak burutzen dituenean, sistemak pantailan agerraraziko ditu zein diren aurkeztu diren agiriaren datuak, nork aurkeztu duen azalduko da, Erregistro Telematikoaren barruan zein hurrenkera-zenbaki duen bai eta eguna eta ordua ere.

2. – Berresteko mezuak aurkezpen-agiriaren balioa izango du, interesdunak inprimatu eta informatikoki artxibatu ahal izateko moduan konfiguratuko da eta erregistroaren identitatea bermatuko du.

3. – Interesdunak ez balu berresteko mezua jasoko, edo transmisioan akatsa edo gabezia izan dela adierazten duen mezua jasoko balu, harrera burutu ez dela esan nahi du, hortaz, aurkezpena edo izapidetzea beste une batean edo beste baliabide batzuk erabilita egin behar da.

1. – Epeak zenbatzeko orduan, idazki edo komunikazio baten aurkezpenak indarrean dagoen araudiaren arabera izango ditu eraginak.

2. – Epea betetzat joko da transmisioa epe horren barruan hasten bada eta arrakastarekin burutzen bada.

1. – Kontratazio-espedienteetan lizitazio elektronikoko prozedura erabili ahal izango da, horrela baimentzen badu kontratazio organoak eta administrazio-klausula berezien agirian jasota badago.

2. – Lizitazio elektronikoa erabiltzeko aukera aldatu egin daiteke, hain zuzen ere ondokoen arabera: une bakoitzean operatibo dagoen lizitazio elektronikoaren euskarri den aplikazioaren ezaugarri tekniko eta funtzionalen, kontratazio mahaiek antolaketan duten egoeraren, sinadura elektronikoko teknikak erabiltzeak gizartean daukan zabalkundearen, eta, bereziki, hirugarrenen sinadura duten agiriak kontratazio-prozeduran aurkezteko aukeren arabera. Lizitazio elektronikorako jartzen den web orrian jakinaraziko da zein diren kontratazio-espedienteek elektronikoki lizitatu ahal izateko une bakoitzean bete behar dituzten ezaugarriak.

3. – Kontratazio-espedientearen berariazko klausula administratiboaren pleguak jaso behar du, gainera, lizitazio elektronikoa egiteko agiriak lortu eta beharrezko izapideak egin daitezkeeneko web orriaren erreferentzia. Agiri hori Agindu honetan eta berau garatzeko xedapenetan ezarritakoaren menpe egongo da.

1. – 4. artikuluko 1. paragrafoan jasotako ziurtagiriaz gain, lizitazio elektronikoa egin nahi duten interesdunak Euskal Autonomia Erkidegoko Kontratisten Erregistro Ofizialean alta emanda egon behar dira eta indarrean dagoen ziurtagiria izan behar dute, eta Erregistroak jasota izan behar du zein den lizitatzaileak indarrean duen sailkapena.

2. – Lizitazio elektronikoa egiten duten interesdunek ez dute Euskal Autonomia Erkidegoko Kontratisten Erregistro Ofizialean inskribatuta egotearen ziurtagiririk aurkeztu behar. Ziurtagiria badagoela, indarrean dagoela eta horren edukia ofizioz egiaztatuko da aplikazio informatikoaren bidez.

3. – Lizitazio elektronikoko prozeduraren onarpena adierazia izan behar da, eta lizitatzailearen adostasuna dakar Euskal Autonomia Erkidegoko Kontratisten Erregistro Ofizialean berari buruz dauden datuak lortzeko, baina ondorio bakarrarekin, alegia, datuok lizitazio elektronikoetarako egiaztatzea.

4. – Lizitazio elektronikoa egiten duen lizitatzaileari edozein unetan eska diezaioke organo eskudunak paperean aurkez ditzala edozein agiriren egiaztagiriak edo espedienteko administrazio-klausula berezien agirian exijitutako betebeharrak betetzen direla egiaztatzeko.

1. – Lizitazio elektronikoko prozedurak bermatuko du lizitatzaileek bidalitako eskaintzak eman eta erregistratzen direnean ezinezkoa izatea horien edukia ezagutzea, horretarako egokia den unean eta horretarako legez baimenduta dauden funtzionarioen eta agintarien aldetik izan ezik.

2. – Ondorio horretarako, sistemak bermatuko du eskaintzak zifratuta eta zatikatuta bidaltzen zaizkiola espedientea izapidetzen duen unitateari. Kontratazio mahaiko kideek dituzten klabe publikoekin zifratuko dira eskaintzak. Klabeok lizitazio-iragarkian edo lizitatzeko gonbidapenean argitaratuko dira, dagokion espedientearen barruan. Berrosatu eta deszifratzeko, berriz, legeak exijitzen duen mahaiko kideen quorumak hartu behar du parte eskaintzak irekitzeko ekitaldian, bakoitzak bere sinadura elektroniko onartuaren ziurtagiriarekin.

3. – Proposamenen irekiera publikoa izan behar duten kontratazio-prozeduretan, ekitaldi horretara bertaratutakoen aurrean deszifratu eta berrosatuko dira eskaintzak.

4. – Administrazioak ahalbideratuko du, erabilgarri diren baliabide teknikoen arabera, prozeduran interesdunak direnek irekiera publikoko ekitaldiotara modu birtualean jotzeko modua izan dezaten.

1. – Artikulu honetan adierazten diren formatuetan bidalitako agiri informatikoak soilik irakurri eta izapidetuko dira.

2. – Onartzen diren formatuak hauek dira: .doc, .xls, .ppt, .pdf, .rtf, .sxw, .abw, .jpg, .bmp, .tiff, .zip eta .7z.

3. – Hurrengo artikuluan aipatzen den birusen agerpenak bidalitako eskaintzen operatibitatean izan dezakeen eragina ahalik eta txikiena izan dadin, eskaintzak ondoko formatuetan bidaltzea gomendatzen da: .pdf, .rtf, .sxw, .jpg eta .tiff.

1. – Eskaintzak birusik gabe bidali behar dira, eskaintzak irakurtzea eragotzi ez dezaten edo ezinezkoa izan ez dadin, eta lizitatzaileen erantzukizuna da horrelakorik gerta ez dadin zaintzea.

2. – Edonola ere, eskaintza batean birusak egote hutsak ez du eskaintza baztertzea ekarriko, beti ere eskaintzaren edukira jotzeko aukera badago.

3. – Birusek izan dezaketen eragina ahalik eta txikiena izan dadin ondoko neurriak hartuko dira:

   1. Aurreko artikuluko 3. paragrafoan jasotakoa.

   2. Lizitazio elektronikoko aplikazioak probako lizitaziorako atal bat izango du, non lizitatzaileak sistemaren fidagarritasuna eta bidaliko dituen agirietan birusik dagoen aztertu ahal izango dituen.

   3. Kontratazio mahaiak kasu bakoitzean komenigarriena den erabakia hartu ahal izan dezan eta beste lizitatzaileei kalterik ez eragitearren, lehenengo eta behin modu telematikoan bidali diren eskaintzak irekiko dira beti. Gainera, eskaintza telematiko guztiak ireki arte ez dira publiko egingo eskaintzok. Ondoren, paperean bidali diren eskaintzak irekiko dira.

Lizitazio batean modu telematikoan parte hartzeko aukera iragarri arren, kontratazio mahaiak, edo, bestela, kontratazio-organoak telematikaren bidez eskaintzak aurkezteko aukera aldi baterako eraginik gabe utzi dezake, arazo teknikoak direla eta, lizitazioa ezin denean modu honetan egin.

Honelakoetan, eta teknikaren aldetik posible balitz, egoeraren berri berariaz emango da, lizitazio elektronikoko web orrian jarriko den mezu baten bidez.

1. – Agindu honek aipatzen dituen prozeduretan erabiliko da jakinarazpen elektronikoa, eta beti bermatuko du administrazio-egintzak jakinarazteko ezartzen dituen betekizunak betetzen direla.

   Azaroaren 26ko 30/1992 Legeko 59.3. artikuluan interesdunak edo bere ordezkariak jakinarazpena errefusatzeari buruz xedatzen denaren ondorioetarako, datu-basean grabatuko da zein egun eta ordutan daukan interesdunak jakinarazpena eskuragarri dagokion helbide elektronikoan, bai eta, beharrezkoa bada, interesdunak zein egun eta ordutan jo duen jakinarazpenaren edukira ere.

2. – Jakinarazpen elektronikoa erabili ahal izateko, beharrezkoa da interesdunak berariaz adierazi edo onartu izatea hori izan dadila jakinarazpenerako lehenesten den bidea. Hori adierazi edo onartzeko, horretarako emango zaion helbide elektroniko bat identifikatu edo onartu behar du.

   Onarpen hori orokorra izan daiteke, hau da, 1. artikuluan jasotako prozeduretako bat edo batzuetako espediente guztietarako, baina bai eta espediente zehatz baterakoa ere.

   Halaber, interesdunak, edozein unetan, onarpena atzera bota ahal izango du, jakinarazpenak ez dakizkion gehiago modu elektronikoan egin, eta hori nahi izanez gero, organo eskudunari jakinarazi behar dio.

1. – Aurreko artikuluko 2. paragrafoan adierazten diren helbide elektronikoan egingo dira jakinarazpenak.

2. – Prozedura gauzatutzat edo errefusatutzat joko da interesdunak onartzea edo errefusatzea modu elektronikoan sinatzen duen unean. Nolanahi ere, jakinarazpena errefusatutzat joko da baldin eta jasota badago jakinarazpen hori helbide elektronikoan hartu dela, baina hamar egun natural igaro direla jakinarazpenaren edukira jo gabe; ofizioz edo interesdunak eskatuta jakinarazpenaren edukira jotzea, teknikoki edo materialki, ezinezkoa dela frogatzen den kasuan izan ezik.

   Jakinarazpena onartu edo errefusatu aurretik bertako datuak egiaztatu ahal izan ditzan, helbide elektronikora jo ondoren, egingo den jakinarazpenaren edukiari buruzko informaziorik garrantzitsuena aurkeztuko zaio interesdunari.

3. – Interesdunak, eta horrek berariaz baimentzen dituenek, jakinarazpenera jo ahal izateko, aurretiaz identifikatu behar dira sinadura elektroniko onartuaren ziurtagiriaren bidez.

4. – Jakinarazpeneko sistema elektronikoak egiaztatu egingo du zein egun eta ordutan hartzen diren jakinarazpen elektronikoak interesdunari esleitu zaion helbidean, jakinarazpenera jo den edo errefusatu egin den, eta jakinarazpenera jotzea ezinezko bihurtzen duen zerbitzu-etenik gertatu den.

Interesdunak hala eskatuz gero, aplikazioek komunikazio elektroniko bat bidaliko diote interesdunak berak adierazitako posta elektronikoko helbide pribatura, bere helbide elektronikoan jakinarazpen bat duela ezagutarazteko.