Liburutegi Zerbitzua

1. Dekretu honen helburua da Euskal Autonomia Erkidegoko basogintzarako diru-laguntzei buruzko araubide-markoa zehaztea, honakoekin bat etorrita: 1698/2005 (EE) Erregelamendua, irailaren 20koa, 1974/2006 (EE) Erregelamendua, abenduaren 15ekoa eta Euskal Autonomia Erkidegoko Landa Garapen Iraunkorrerako Programa 2007-2013.

2. Dekretu hau lurralde historikoetako foru-organoek garatuko dute marko-hitzarmen honetan adierazitakoari jarraiki eta honakoekin bat etorrita: 1698/2005 (EE) Erregelamendua, irailaren 20koa, 1974/2006 (EE) Erregelamendua, abenduaren 15ekoa eta Euskal Autonomia Erkidegoko Landa Garapen Iraunkorrerako Programa 2007-2013.

Lege honen ondorioetarako, zentzu honetan ulertu behar dira jarraian datozen kontzeptuak:

1. Baso eta baso-azaleren definizioa abenduaren 15eko 1974/2006 (EE) Erregelamenduan, 30. artikuluan, ezarritakoarekin bat etorriko da, Lurralde Historikoetako foru-organoek garapen arauetan ezarritako eta justifikatutako salbuespenen kaltetan izan gabe.

2. Nekazaritza-lurtzat joko ditugu azken bost urteetan baso-jardunerako erabili ez direnak eta nekazaritza eta abeltzaintzarako bideratu direnak. Horrekin batera larreak, sastrakadiak, belaze naturala eta artifizialak eta etze-larreak.

3. Nekazari izango da nekazaritzako ustiategi baten titular den pertsona eta EAEko Nekazaritzako Ustiategien Erregistroan izena emanda duena. Lan-jarduneko zati handi bat nekazaritzako lanetan ematen duena eta bere errentako zati nabarmena jardun horretatik jasotzen duena.

4. Inbertsio ez-produktiboak izango dira nekazaritza- edo basogintza-ustiategiaren balioa nabarmenki handitzen ez duten inbertsioak.

5. Hazkunde bizkorrekoak eta epe laburrean hazten diren espezieak izango dira errotazio-aldia (lursail batean errenkan egindako bi moztaldien arteko tartea) 15 urtetik beherakoak dutenak.

Diruz lagun daitezkeen lineak, Europako araudiak ezartzen duenarekin bat etorrita, honakoak dira:

1. Basoen balio ekonomikoa handitzeko laguntzak, 1. ardatza.

2. Basogintzako ahalbideak berreskuratzeko eta aurrea hartzeko neurriak ezartzea, 2. ardatza.

3. Baso-ingurunerako laguntzak, 2. ardatza.

4. Inbertsio ez-produktiboentzat laguntzak, 2. ardatza.

5. Nekazaritza-lurretan lehenengo aldiz baso-sartzeak egiteko laguntzak, 2. ardatza.

Dekretu hau dela medio ematen diren laguntzak itzuli behar ez diren diru-laguntzak izango dira.

1. Dekretu honetan aurreikusitako laguntzak batera finantzatutako dira, Landa Garapenerako Europako Nekazaritza Funtsaren (LGENF) eta Bizkaia, Araba eta Gipuzkoa Lurralde Historikoetako foru-organoen funtsen bitartez, Euskal Autonomia Erkidegoko Landa Garapen Iraunkorrerako Programan 2007-2013 ezarritakoarekin bat etorrita.

2. Europako LGENF funtsaren eskutik honako portzentajeak finantzatuko dira kopuru osotik (laguntzaren arabera):

   1. Basoen balio ekonomikoa handitzeko laguntzetan % 32.

   2. Nekazaritza lurretan lehenengo aldiz baso-sartzeak egiteko laguntzetatik % 50.

   3. Baso-ingurunerako laguntzen % 50.

   4. Basogintzako ahalbideak berreskuratzeko diru-laguntzei eta aurrea hartzeko neurriak ezartzeko laguntzen % 50.

   5. Inbertsio ez-produktiboentzat laguntzen % 50.

3. LGENFk egindako ekarpenak, dekretu honetan agertutako laguntzei dagokienez, Euskal Autonomia Erkidegoko Landa Garapen Iraunkorrerako Plan Orokorraren 2007-2013 Finantza Koadroan jasota daude. Hori dekretu honen eranskinean dago eta ez da hor adierazitakoa edo eranskina berritzetik sortutako kopurua baino altuago izateko. Berritzea burutzeko Nekazaritza, Arrantza eta Elikadura sailburuaren agindua beharko da. Horretarako Europako Batzordeko Erabakia aurretiaz izan beharko da, aipatutako Euskal Autonomia Erkidegoko Landa Garapen Iraunkorrerako Plan Orokorra 2007-2013 eraldatzekoa.

4. Landa Garapenerako Europako Nekazaritza Funtsak «LGENF» emandako laguntza Euskal Autonomia Erkidegoko erakunde ordaintzaileak beteko du. Ordainketarako honakoek ezartzen duten prozedura jarraituko da: 194/2006 Dekretua, urriaren 3koa, Europako laguntzak ordaintzeko prozedura ezartzen duena eta Euskal Autonomia Erkidego erakunde ordaintzailearen eta Bizkaia, Araba eta Gipuzkoako foru aldundien arteko hitzarmenetan, NBEF eta LGENFko funtsekin finantzatutako diru-laguntza zuzenen ordainketa eta landa garapen iraunkorrerako neurrien kudeaketari buruzkoa.

1. Agindu honetan jasotzen den laguntza-modalitate bakoitzean ezartzen diren baldintza eta beharkizun bereziez zein espezifikoez gain, eta, kasuak kasu, Lurralde Historikoetako foru-organoek dekretu honen garapenerako ezarriko dituztenetaz gain, eskatzaileek ondoko baldintza orokor hauek bete beharko dituzte:

   1. Diruz lagundu daitezkeen inbertsioak edo gastuak Euskal Autonomia Erkidegoaren lurralde-esparruaren barruan egin behar dira.

   2. Laguntzaren eskatzaileak betebehar fiskalak eta Gizarte Segurantzarekikoak egunean izan behar ditu.

   3. Ezin izango du diru-laguntza edo laguntza publikoak eskuratzea eragozten dituzten zehapen administratiborik edo penalik jasota izan, ezta horretarako legezko inolako debekurik izan, sexu-bereizkeriagatiko debekuak barne, Emakumeen eta Gizonen arteko berdintasunerako otsailaren 18ko 4/2005 Legearen amaierako seigarren xedapenean zehaztutakoarekin bat etorriz.

1. Laguntza eskabideak baso-azalera dagoen eta gaian eskudun den lurralde historikoko foru-organoari zuzenduko zaizkio, edo haren zatirik handiena, bertan burutuko baitira jardunak edo inbertsio-laguntzak. Horretarako laguntza zehatzentzako inprimakiak erabili beharko dira, Lurralde Historikoetako foru-organoek garapen arauetan ezarritakoarekin bat eta Euskal Autonomia Erkidegoko erakunde-ordaintzailearekin koordinatuta.

2. Lurralde Historikoetako foru-organoek eskabideak aurkezteko tokiak zehaztuko dituzte beren garapen arauetan, Herri Administrazioen Araubide Juridikoari eta Administrazio Prozedura Erkideari buruzko 30/1992 Legeko 38.4. artikuluan ezarritakoaren kaltetan izan gabe.

3. Lurralde Historikoetako foru-organoek beren garapen arauetan ezarriko dute eskatzaileek eskabidearekin batera aurkeztu beharko duten eta beharrezko den dokumentazio orokorra eta espezifikoa.

Lurralde Historikoetako foru-organoek dekretu honetan deituko dituzte ezarritako diru-laguntzak.

1. Gaian eskudun diren Lurralde Historikoetako foru-organoei dagokie dekretu honetan aurreikusten diren diru-laguntzak kudeatzea, baso- edo nekazaritza-azalera bertan kokatuta badago edo diruz lagun daitekeen inbertsioaren zati bat bertan burutzen bada. Halaxe adierazten baita 94/2006 Dekretuan, urriaren 3koa, Europako laguntzak ordaintzeko prozedura ezartzen duena eta Euskal Autonomia Erkidego erakunde ordaintzailearen eta Bizkaia, Araba eta Gipuzkoako foru aldundien arteko hitzarmenetan, NBEF eta LGENFko funtsekin finantzatutako diru-laguntza zuzenen ordainketa eta landa garapen iraunkorrerako neurrien kudeaketari buruzkoa.

2. Aurreikusitako laguntzak honako baldintzak betetzen dituztenei emango zaizkie: onuradun profila izatea eta dekretu honetan adierazitakoa betetzea, lurralde historikoetako foru-organoek garapen eta gauzatzerako ezartzen dituzten arauak betetzea eta diruz laguntzeko modukoak diren gastu eta inbertsioak egitea.

3. Emango den hasierako zenbatekoa hauek kontuan hartuta kalkulatuko da: laguntza-bide bakoitzerako gehienera ezarri den portzentajea eta Lurralde Historikoetako foru-organoek dekretu hau garatu eta gauzatzeko ezarriko dituzten prozedura eta irizpideak.

Hauekin bat etorrita: 94/2006 Dekretua, urriaren 3koa, eta Euskal Autonomia Erkidego erakunde ordaintzailearen eta Bizkaia, Araba eta Gipuzkoako foru aldundien arteko hitzarmenetan, NBEF eta LGENFko funtsekin finantzatutako diru-laguntza zuzenen ordainketa eta landa garapen iraunkorrerako neurrien kudeaketari buruzko lankidetza-hitzarmenak, honakoa ebatziko du ebazpen bakarraren bidez gaian eskudun den Lurralde Historikoko foru-organoak, baso- edo nekazaritza-azalera bertan kokatuta badago edo diruz lagun daitekeen inbertsioaren zati bat bertan burutzen bada: dekretu honetan ezarritako diru-laguntzen eskabideak ebatziko ditu, bai dagokion foru aldundiak finantzatutako zatia, baita LGENFk finantzatutako zatia ere.

1. Kontseiluaren irailaren 20ko 1698/2005 (EE) Erregelamenduak, 71. artikuluan, eta abenduaren 15eko 1974/2006 (EE) Erregelamenduak, 55. artikuluan, ezartzen dutenaren arabera, ez dira diruz lagunduko, besteak beste, honako gastuak:

   1. Erosteko aukera dakarten errentamendu-kontratuekin zerikusia duten gainerako kostuak, horien artean, errentatzailearen marjina, interesen birfinantzatze-kostuak, gastu orokorrak eta aseguru-gastuak.

   2. Ordezkapena besterik ez diren inbertsioak. Berritzeko inbertsioak izango dira dagoen makineria edo tresneria beste batez ordezkatzean eta ez denean justifikatzen argi eta garbi hobekuntza teknologikorik edo berritzailerik egon denik.

   3. Lurrak eskuratzea ordaindu daitezkeen gastuen guztirakoa % 10 baino gehiago bada.

   4. Zor diren interesak.

   5. BEZa, BEZa berreskuraezina izan ezik, Kontseiluaren 1997ko maiatzaren 17ko 77/338/EE Seigarren Zuzentarauaren 4. artikuluak, 5. ataleko lehenengo paragrafoan, aipatzen dituen subjektu pasibo ez diren pertsonak ez beste onuradun batzuek modu eraginkorrean eta behin betiko ordaintzen dutenean.

2. Dekretu honetako IV. kapituluan erregulatzen diren laguntzei ez zaie artikulu hau aplikatuko.

Dekretu honetan arautzen diren diru-laguntzen onuradunek honakoak bete beharko dituzte: dekretu honetan zehaztutako derrigorrezko betekizunak eta Lurralde Historikoetako foru-organoek garapen arauetan ezarritakoak. Horiekin batera honakoak bete beharko dituzte:

1. Laguntzaren xede den inbertsioa edo gastua emakida-ebazpenean eta, hala bada, luzapen-ebazpenean ezarritako epean gauzatzea, dekretu honen 13. artikuluan ezarritako gehienezko mugarekin.

2. Diru-laguntza eman den xederako erabiltzea.

3. Emandako dirulaguntza onartzea. Onuradunak, laguntza eman zaiola dioen jakinarazpena jasotzen duen egunetik aurrera, hamabost egunetan ez badio berariaz eta idatziz laguntzari uko egiten, onartu egin duela ulertuko da.

4. Diru-laguntza jasoko duten inbertsioak eta gastuak egin ondorengo bost urtetan zehar, gutxienez, mantentzeko konpromisoa.

1. Proiektuak gauzatzeko gehienezko epea abenduaren 31 izango da, ebazpena eman eta handik bi urtera, luzapenak emateko aukeraren kaltetan izan gabe. Luzapena hasierako epetik eta bi urte beranduago arte izan daiteke, irailaren 30a arte.

2. Proiektu baten gauzatzea, luzapena barne, bi aurrekontu-ekitaldi baino gehiagotan luzatzen bada, laguntzen ordainketa abenduaren 31n egingo da beranduenik, laguntza-ebazpen bakoitzean aurrekontu-ekitaldi bakoitzerako hartutako ekonomia-konpromisotik eta bi urtera, gehienez jota.

3. Inbertsioa ez bada ezarritako gehienezko epeen barruan gauzatzen, luzapenak barne, edo berau gauzatu dela egiaztatzen duten agiriak garaiz aurkezten ez badira, LGENFren kontura finantzatutako laguntzaren zatiari dagokionez, LGENFren konturako ordainketa-konpromisoa kenduko da, ekainaren 21eko Kontseiluaren 1290/2005 (EE) Erregelamenduaren 29. artikuluan ezarritakoarekin bat etorriz.

4. Europako araudiak eskatzen dituen kontrol eta ikuskapenak burutu direnean, gaian eskudun diren Lurralde Historikoetako foru-organoek laguntza osoa ordainduko diote onuradunari, bai LGENFek finantzatutakoa, baita foru aldundiek euren aurrekontuekin finantzatutakoa ere.

1. Banakako onuradunei ordainketa egin ondoren, foru aldundiek Euskal Autonomia Erkidegoko erakunde ordaintzaileari eskatuko diote, urriaren 3ko 194/2006 Dekretuan eta EAEko erakunde ordaintzaile eta Bizkaiko, Arabako eta Gipuzkoako Foru Aldundien arteko Lankidetza Hitzarmenean ezarritakoaren arabera (NBEF eta LGENF erkidegoaren funtsek finantzatzen dituzten landa garapenerako zuzeneko laguntzak eta neurrien kudeaketaren ingurukoa), ordaindutako dirua LGENFren kargura itzultzea.

2. Euskal Autonomia Erkidegoko erakunde ordaintzaileak, LGENFren kargura ordaindutako laguntzaren zatiaren funtsak foru aldundiei itzuliko die edo dirua ez itzultzeko aukera gordeko du. Hori guztia, urriaren 3ko 194/2006 Dekretuan eta EAEko Erakunde Ordaintzailearen eta Bizkaiko, Arabako eta Gipuzkoako Foru Aldundien arteko Lankidetza Hitzarmenetan (NBEF eta LGENF erkidegoko funtsek finantzatzen dituzten landa garapenerako zuzeneko laguntzak eta neurrien kudeaketaren ingurukoa) ezartzen denaren arabera.

1. Onuradunei oker ordaindutako zenbatekoak, bai dekretuan edo garatu eta betearazten dituen foru araudian ezarritako bete beharrak bete ez dituelako; edo diru-laguntza jaso duen ebazpenean agertutako baldintzak bete ez dituelako, edo proiektuak osorik edo zatika ez betetzeagatik, laguntza eman zenaren helburua erabat desitxuratuz, edo bestelako edozein erkidegoko araudiaren aplikazioan ezarritako ordainketa prozesuan arazo teknikoak izan direlako laguntza ematen duten foru aldundiek erreklamatuko dituzte, ekainaren 21eko 1290/2005 zenbakidun (EE) Araudiaren 4. artikuluan aurreikusitako gastuak finantzatzeko, beren garapen araudietan ezarritako dirua itzultzeko prozeduraren arabera.

2. Foru aldundiek, oker ordaindutako itzulketen eskaerak izapidetzen dituztenean, Euskal Autonomia Erkidegoko erakunde ordaintzaileari jakinaraziko diote Euskal Autonomia Erkidego erakunde ordaintzailearen eta Bizkaia, Araba eta Gipuzkoako foru aldundien arteko hitzarmenetan, NBEF eta LGENFren funtsekin finantzatutako diru-laguntza zuzenen ordainketa eta landa garapen iraunkorrerako neurrien kudeaketari buruz adostutakoarekin bat.

1. Dekretu honetan aurreikusitako laguntzak elkarren artean bateragarriak izango dira, betiere, koherenteak badira eta laguntza publikoen zenbatekoak, nola bakarka, hala beste laguntza batzuekin batera hartuta, ez badu gainditzen dekretu honen I. eranskinean jasotako finantza koadroan ezarritako muga. Beste diru-laguntza batzuk lortzen badu muga hori gainditzen bada, dekretu honetan araututako diru-laguntzak emateko ebazpena aldatuko da.

2. Halaber, beste laguntza-erregimen batzuei jarraiki Erkidegoan aplikatzen diren beste politika eta neurri batzuekin koherenteak izan behar dute eta Erkidegoko araudiak ezartzen dituen muga orokorrak nahiz sektorialak errespetatuko dituzte. Hori horrela, dekretu honen bidez ez da laguntzarik emango honako hauek finantzatzeko:

   1. Merkatu Antolakunde Bateratuen esparruan emandako laguntza lor dezaketen programak eta neurriak, bi laguntzak bateragarriak direla beren beregi ezarri ezean.

   2. Ekoizpena Merkatu Antolakunde Bateratuaren esparruan ekoizpenari edo Erkidegoko laguntzari ezartzen zaizkion mugen gainetik handitzea helburu duten inbertsioak, baita zuzeneko laguntza-erregimenak ere.

1. Kapitulu honen helburua balio ekonomikoa handitzeko Euskal Autonomia Erkidegoko basoetan egindako inbertsioen laguntzak arautzea da, eta horren bidez, baso-suteak saihesteko neurriak bultzatu.

2. Kapitulu honetan jasotako laguntzen helburua euskal basogintzako ustiategien lehiakortasunari mesede egitea da. Horrekin hurrengoetarako aukera ematen da: lurraldean jada dauden basoak mantentzeko aukera ematea, EAEko basoen produktibitatea handitzeko bideratutako inbertsioak sustatzea eta ekoizpen gastuak gutxitzen lagunduko dutenei laguntzea, EAEko iraunkortasuna bultzatzea, ingurugiroko papera eta bereziki klima aldaketari buruzko Kyotoko Protokoloan ezarritako helburuak EAEk betetzeko karbonoa finkatzeko ekarpena, bai eta EAEko basoetan sortutako egurraren kalitatea eta balio erantsia handitzea ere.

Atal honetan araututako laguntzen onuradunak basoen edo baso-azaleraren jabeak edota titularrak izango dira, pertsona fisikoak zein juridikok eta beren elkarteak, bai eta udalerriak edo beren elkarteak ere.

1. Euskal Autonomia Erkidegoko basoen jabetza edo titulartasuna kapitulu honetan zehaztutako onuradunena izatea.

2. Artikulu honen aplikazio esparrutik kanpo egongo dira Administrazio Zentralaren, autonomikoaren edo foru aldundiaren jabetza diren basoak, edo enpresa edo sozietate publikoenak direnak, bai eta pertsona juridikoen basoak ere, pertsona horien basoaren kapitalaren % 50 gutxienez lehendik aipaturiko erakundeek dutenean.

Diruz lagun daitezke, kapitulu honen arabera, hurrengo hauek:

1. Mozketak, sasien garbiketa eta ebaketa-hondakinak.

2. Bakantzeak, lehenengo garbiketak eta osaketa ebaketak.

3. Energia sortzeko biomasa jasotzea.

4. Kimaketa.

5. Ongarriztatzea eta landareen osasunerako tratamenduak.

6. Basoberritzerako itxiturak eta babesgarriak.

1. Kapitulu honetan jasotako laguntzei dagokienez, diruz lagun daitezkeen gastuak ondorengo dira, besteak beste:

   1. Makineria propioa erostea.

   2. Diruz lagun daitezkeen ekintzak burutzeko kanpoko enpresak kontratatzeagatik sortutako kostuak.

   3. Onuradunak diruz lagun daitezkeen ekintzak bere baliabideekin burutzeko sortutako gastuak.

2. Dekretu honen 11. artikuluaren 1. atalean ezarritakoaren kalterik gabe, hurrengo hauek ezingo dira diruz lagundu:

   1. Amaierako ebaketaren ostean birsortzearekin lotutako inbertsioak.

   2. Basoaren jabeak makinerian egin ez dituen inbertsioak.

3. Aurreko paragrafoetan jasotakoaz gain, Lurralde Historikoen foru-organoek, dekretu honen garapen arauetan, kapitulu honetan jasotako diruz lagun daitezkeen ekintzetara lotutako diruz lagun daitezkeen eta ezin daitezkeen bestelako gastuak zehaztu ahalko dituzte, bai eta gastu horiek justifikatzeko baldintzak edo bestelako betebehar zehatzak ezartzea ere.

Dekretu honetako 6. artikuluan eta, Lurralde Historikoen foru-organoek dekretu honen garapenean ezarriko diren betekizun orokorrak betetzeaz gain, hurrengo betekizun zehatzak izan beharko dituzte:

1. Baso-lurretan 20 ha jarrai edo 35 ha jarraigabe baino gehiago dituzten ustiategiek, Baso Kudeaketa Iraunkorreko Plana izan beharko dute, egokituta egongo dena baso-azaleraren neurri eta erabilerari eta indarreko araudian oinarrituko dena. Gainera, beharrezko estaldura emango dio basogintza-baliabideei, zurgaiak ala ez izan, eta zuzentarau paneuroparren arabera egin beharko da, basoen kudeaketa iraunkorreko eskala eraginkorrean.

2. Aurreko atalaren barnean ez dauden ustiategiek, balio erantsia sortzeko asmoa egiaztatzen duten memoria izan beharko dute.

Artikulu honetan jasotako laguntzak eskatu nahi dituzten pertsonek, dekretu honen 7. artikuluan eta Lurralde Historikoetako foru-organoen dekretuaren garapenean ezarritako agiri orokorrak aurkezteaz gain, ondorengo agiriak aurkeztu beharko dituzte:

1. Hala dagokionean, dekretu honen 22. artikuluaren a) paragrafoan ezarritako Basogintza Kudeaketa Iraunkorreko Plana.

2. Hala dagokionean, dekretu honen 22. artikuluaren b) paragrafoan ezarritako justifikazioko memoria.

Diruz lagun daitezkeen ekintzek diruz lagun daitezkeen jarduerei ezarritako mugak eta baldintzak jaso beharko dituzte, bai eta kimaketen eta mozketen hondakinen kudeaketak eta landareen osasunarekin edo igarobide ekologikoekin lotutako itxituren erabilerak ere. Lurralde Historikoetako foru-organoak izango dira, beharrezkoa baldin bada eta horrelako mugarik ez dagoenean, horren inguruko araudi zehatza ezarriko dutenak.

1. Kapitulu honen eremuan emandako laguntza zuzenaren gehieneko kopurua, diruz lagun daitezkeen ekintzaren arabera, ondorengoak izango dira:

   1. Diruz ordaintzeko aukeratzen den kopuruaren % 60 arte, basoa Natura 2000 aldeetan edo EAEko alde behartsuetan baldin badago.

   2. Diruz ordaintzeko aukeratzen den kopuruaren % 50 arte bestelako aldeetan.

2. Kapitulu honetan ezarritako inbertsioa Basogintza Kudeaketako Planetara lotuta ez badago, laguntza ezingo da inola ere diruz ordaintzeko aukeratzen den kopuruaren % 40 baino handiagoa izan.

3. Inbertsio mota berdinerako, Basogintza Kudeaketa Iraunkorreko Planetara lotuta daudenak gutxieneko % 10eko diferentziala izango dute, plan horietan oinarrituta ez daudenekin alderatuz gero, eta % 15ekoa dekretu honetako IV. kapituluan jasotako baso-ingurunearen laguntza-lerroen aldeko konpromisoren bat borondatez izenpetzen badu.

4. Lurralde Historikoen foru-organoek, dekretu honetako garapen arauetan ezarriko dituzte irizpide, helburu eta balorazio zehatzak onuradun bakoitzari eman beharreko ehunekoa kalkulatzeko, artikulu honen lehenengo paragrafoan jasotako mugen barnean eta LGENFren laguntzen gehieneko ehunekoa errespetatuz, laguntza osorako dekretu honen 5. artikuluan ezarri moduan, kontuan izanik lehentasuna izango dutela baso-ingurumenaren aldeko laguntza konpromisoren bat hartzen duten baso-ustiategiek, dekretu honen IV. kapituluan jaso bezala.

1. Atal honen helburua natura-hondamendiak edo suteak kaltetutako basogintzako ahalbideak berreskuratzeko diru-laguntzak eta aurrea hartzeko neurriak arautzea da.

2. Atal honetan jasotako laguntzen helburua aniztasun biologikoa sustatzea eta baso-ekosistemen kudeaketa iraunkorra bultzatzea da. Horren bidez, funtzionaltasun ekologikoa bermatu ahal izateko eta baso suteen aurre-hartzeari laguntzeko. Bestalde, aurretiazko silbikulturari laguntzea eta baso-suteak, izurriak edo gaixotasun agortzaileak edo bestelako natura-hondamendiak ere saihestu nahi dira.

Kapitulu honetan araututako laguntzen onuradunak, basoen eta baso-azaleren jabeak edo titularrak, pertsona fisiko edo juridikoak, publikoak nahiz pribatuak izango dira.

1. Aurretiazko silbikultura laguntzetarako jarduera eremua EAEko baso eta baso-azalerak dira, agintari-eskudunek sute-arrisku altua edo ertain dagoela aitortu dutenean.

2. Basogintzako ahalbideak berreskuratzeko laguntzak lortzeko, jarduera eremua EAEko baso eta baso-azalera guztiak dira.

1. Aurre-hartzeko silbikulturarako diru-laguntzak honakoak izango dira:

   1. Basabideak edo pistak jartzea eta zaintzea.

   2. Baso-suebakiak sortzea.

   3. Ur-hornidurazko sarea ezartzea.

   4. Alde garbi eta moztuak zaintzea.

   5. Baso-suteak zaintzeko instalazio finkoak eta komunikazio-ekipoak jartzea edo hobetzea.

   6. Basogintza- eta ehiza-jarduerak ekosistemen funtzionamenduaren hobekuntza ekologikoarekin bateratzeko aukera ematen duten ekintzak.

   7. Onddoen gaixotasuna duten koniferoen baso-sailen azalera ezabatzea, eta erresistentzia handiagoa baina produktibitate gutxiago duten beste baso-espeziekin ordezkatzea.

2. Basogintza ahalbideak berreskuratzeko laguntzen artean ondorengoak izango dira diruz lagun daitezkeenak:

   1. Baso-suteen edo natura-hondamendien ondorioz egindako ebaketak eta ekintza osagarriak.

   2. Baso-suteen edo natura-hondamendien ondorioz egindako landaketak.

Ez dira diruz lagun daitezkeenak izango, atal honen arabera, hurrengo hauek:

1. Baso-suebakiak mantentzea nekazaritza-jardueren bidez, nekazari-ingurunerako laguntzak jaso dituzten eremuetan.

2. Basoen balio ekonomikorako laguntzek babestutako jarduerak, inbertsioak eta azpiegiturak, ez-produktiboak diren inbertsioetarako laguntzak, nekazaritzaren eta silbikulturaren garapen eta egokitzapenarekin lotutako laguntzak.

1. Basogintzako ahalbideak berreskuratzeko laguntzei dagokienez, diruz lagun daitezkeen gastuak ondorengo dira, besteak beste:

   1. Zuhaitzak kentzeko kostuak.

   2. Mozketen kostuak.

   3. Kimaketa kostuak.

   4. Garbiketen kostuak.

   5. Lurra prestatzeko gastuak.

   6. Kimuen eta beren ezarpenaren kostuak.

2. Dekretu honen 11. artikuluaren 1. paragrafoan ezarritakoaren kalterik gabe, aurre-hartzeko neurriak ezartzeko laguntzen ingurukoa, diruz lagun daitezkeen gastuak ondorengoak izango dira:

   1. Diruz lagun daitezkeen gastuak izango dira 29.1. artikuluan ezarritako jarduerak egitetik sortutakoak.

   2. Baso-suebakien ezarpenaren kostuak.

   3. Eremua zaindu ondorengo lanetatik eratorritako kostuak.

3. Aurreko paragrafoetan jasotakoaz gain, Lurralde Historikoen foru-organoek, dekretu honen garapen arauetan, kapitulu honetan jasotako diruz lagun daitezkeen jardueretara lotutako diruz lagun daitezkeen eta ezin daitezkeen bestelako gastuak zehaztu ahalko dituzte.

Dekretu honetako 6. artikuluan eta, Lurralde Historikoen foru-organoek dekretu honen garapenean ezarriko diren betekizun orokorrak betetzeaz gain, laguntzak eskatuko dituzten pertsona eskatzaileek teknikari eskudunak sinatutako proiektu teknikoa izan beharko dute.

Artikulu honetan jasotako laguntzak eskatu nahi dituzten pertsonek, dekretu honen 7. artikuluan eta Lurralde Historikoetako foru-organoen dekretuaren garapenean ezarritako agiri orokorrak aurkezteaz gain, mendi-ingeniariak sinatutako jardueren proiektu teknikoa aurkeztu beharko dute.

1. Kapitulu honen eremuan emandako laguntza zuzenaren gehieneko kopurua, diruz lagun daitezkeen ekintzaren kostuen % 100era irits daiteke:

2. Lurralde Historikoetako foru-organoek, dekretu honen garapenean, onuradun bakoitzak jasoko duen diru-laguntzaren ehuneko zehatza kalkulatzeko irizpide, helburu eta balorazio zehatzak ezarriko dituzte, artikulu honen lehenengo paragrafoan jasotako mugen barne eta LGENFren gehienekoa errespetatuz, laguntza osorako dekretu honen 5. artikuluan ezarri moduan, eta, gutxienez, honako lehentasun-irizpideak hartuko dituzte kontuan:

   1. Basogintzako ahalbideak berreskuratzeko jarduerek lehentasuna izango dute suteen aurre-hartzearen aurrean.

   2. Iraupen ertain eta luzeko zuhaitz espezieak jartzea aurreikusten duten jarduerak.

   3. Basogintzako Antolamendu-plan Iraunkorraren barneko jarduerak.

1. Kapitulu honen helburua baso-ingurunearen aldeko ingurumen konpromisoetara borondatez hitzartu direnentzako laguntzak arautzea da.

2. Kapitulu honetan jasotako laguntzen helburuak ondorengoak dira: EAEn basoek daukaten ingurugiro papera sustatzea, EAEko Natura 2000 Sarea osatzen duten habitatak eta espezieen kontserbaziora eta berriztapenera laguntzea, baso-ekosistemen aniztasun biologikoa eta kudeaketa iraunkorra sustatzea, beren funtzio ekologikoa bermatuz eta baso-suteei aurre-hartzean lagunduz.

Atal honetan araututako laguntzen onuradunak basoen edo baso-azaleraren jabeak edota titularrak izango dira, pertsona fisikoak zein juridikok eta beren elkarteak, bai eta udalerriak edo beren elkarteak ere.

1. Kapitulu honetan zehaztutako pertsona onuradunen Euskal Autonomia Erkidegoko basoen jabetza.

2. Artikulu honen aplikazio esparrutik kanpo egongo dira Administrazio Zentralaren, autonomikoaren edo foru aldundiaren jabetza diren basoak, edo enpresa edo sozietate publikoenak direnak, bai eta pertsona juridikoen basoak ere, pertsona horien basoaren kapitalaren % 50 gutxienez lehendik aipaturiko erakundeek dutenean.

1. Diruz lagun daitezkeenak, atal honen arabera, hurrengo ekintza hauek izango dira:

   1. Bertoko zuhaitzen arboladiak zaintzea eta birsortzea.

   2. Baso-sartzearen mugak espezie jakin batzuekin.

   3. Mendien kudeaketan eta ustiategietan eragin txikia duten teknikak erabiltzea.

   4. Erriberako landaredia zaintzea eta berreskuratzea.

Lurralde Historikoetako foru-organoek baso-ingurunearen aldeko ingurumen-konpromisoen betekizunak, baldintzak, baimenak eta ereduak ezarriko dituzte eta, gutxienez, honako hau hartuko dute kontuan:

1. Konpromisoak, Lurralde Historikoetako foru-organoek ezartzen dituzten kontratuak edo antzeko baliabide juridikoak kontuan hartuta, 7 urterako sinatuko dira.

2. Baso-jabeek sinatutako konpromisoek dagokien Basogintzako Kudeaketa-Plan Iraunkorrean jasota egon beharko dute.

3. Kontseiluaren abenduaren 15eko 1974/2006 Araudiko (EE) 46. artikuluan ezarritakoaren arabera, konpromisoak, harekin dituen dokumentuetan, berraztertzeko klausula ezarriko du, haren egokitzapena egin ahal izateko hartutako konpromisoei dagokienez, agintari eskudunak ezarri dituen beharrezko betebeharrak aldatzen badira. Onuradunak egokitzapena onartzen ez badu, konpromisoa amaitutzat emango da, diru-itzulketarik eskatu gabe konpromisoaren benetako epealdian.

4. Basotzeko nekazaritzako lurrek barne hartuko dituzten ustiapenean baldintzazkotasunaren beharrezko betebeharrak bete beharko dira, EAEko Landa Garapen Iraunkorreko Planean ezarritakoarekin bat etorriz.

1. Kapitulu honetan jasotako laguntzek sinatutako konpromisoaren ondorioz sortzen diren kostu gehigarriak eta diru-sarreren galerak estaliko dituzte (eskuratu gabeko irabazia).

2. Aurreko paragrafoan adierazitakoaz gain, lurralde historikoetako foru-organoek, dekretuaren arauetan, kapitulu honetan jasotako diruz lagun daitezkeen ekintzekin erlazionatutako diruz lagun daitezkeen eta lagun ezin daitezkeen gastuak ezarriko eta zehaztuko dituzte.

Lurralde historikoetako foru-organoek, dekretu honetako garapen arauetan, kapituluan ezarritako berariazko betebeharrak, mugak, diruz lagun daitezkeen ekintzen baldintzak eta konpromisoak ezarriko dituzte. Hori guztia, dekretu honetako 6. eta 7. artikuluetan ezarritakoari kalterik egin gabe eta Euskal Autonomia Erkidegoko Landa Garapen Iraunkorreko 2007-2013ko Planean diruz lagun daitezkeen ekintzei buruz xedatutakoarekin bat etorriz.

1. Diruz lagun daitekeen ekintza motaren arabera, kapitulu honetan emango den zuzeneko laguntzaren gehienezko zenbatekoak honako hauek izango dira:

   1. Bertako zuhaitzak kontserbatzeko eta birsortzeko laguntzari dagokionez, laguntzaren urteko zenbatekoa gehienez oinarrizko primaren 90 euro/ha-ko izango da, neurriarentzako ezarritako konpromisoei lotutako basoko azalera. Horri diruz lagun daitezkeen kostu gehigarrien zenbatekoa gehitu behar zaio euro/ha-tan. Edonola ere, laguntzaren zenbatekoak ezin du neurriaren konpromisoari lotutako azalera gainditu, alegia, 200 euro/ha.

   2. Espezie jakin batzuekin baso-sartzearen mugen laguntzari dagokionez, laguntzaren urteko zenbatekoa 200 euro/ha-ko izatera irits daiteke, hazkunde motela dela-eta ematen diren ordezkapen guztietan eta 1 eta 2 kalitateko hazkunde erdi guztietan. 2-3 kalitateko radiata pinuaren ordezkapenak, hazkunde ertainekoak direnez, 100 euro/ha-ko izatera irits daitezke.

   3. Mendien kudeaketan eta ustiategietan eragin txikia duten teknikak erabiltzeko laguntzari dagokionez, laguntzaren urteko zenbatekoa, neurriaren konpromisoei lotuta, 200 euro/ha-ko izatera irits daiteke.

   4. Erriberako landaredia zaintzeko eta berreskuratzeko laguntzari dagokionez, laguntzaren urteko zenbatekoa 110 euro/ha-ko izatera irits daiteke, neurriaren konpromisoei lotuta dagoen erriberan.

2. Kostu gehigarriak beste neurri batzuek sostengatzen badituzte, besteak beste, basoen balio ekonomikoaren laguntza, nekazaritzaren eta basogintzaren egokitzapenarekin eta bilakaerarekin erlazionatutako azpiegituren laguntzak eta inbertsio ez-produktiboen laguntzak, aipatutako kostu gehigarriok ez dira kontuan hartuko laguntza kalkulatzeko.

3. Laguntzen zenbatekoek ezingo dute gainditu 200 euro/ha-ko eta ezingo dute 40 euro/ha-ko baino gutxiago izan.

4. Lurralde historikoetako foru-organoek, dekretuaren garapen arauetan, ezarriko dituzte irizpen objektiboak, balorazio zehatzak, kostu eta eskuratu gabeko irabazi gehigarriak, horrela, onuradun bakoitzari emango zaion laguntzaren zenbatekoa kalkula ahal izateko, artikulu honetako lehen paragrafoan jasotako mugen barruan eta LGENFk dekretu honetako 5. artikuluan ezarritako laguntza osoari egindako ekarpenaren gehienezko ehunekoa errespetatuz.

1. Kapitulu honen xedea dekretuaren IV. kapituluan araututako baso-ingurunearen aldeko ingurumen-konpromisoen borondatezko harpidetzari lotutako baso-inbertsioetara zuzendutako laguntzak erregulatzea edo dagokion guneko basoetako eta baso-lurretako onura publikoa berrindartzea da.

2. Kapitulu honetan jasotako laguntzen helburuak honako hauek dira: baso-jabeek sinatuko dituzten ingurumen-konpromisoen konplimendua ezartzea, inbertsio ez-produktiboetarako laguntzetan; EAEko basoetako eta baso-azaleretako onura publikoa sustatzea; EAEko Natura 2000 Sarea osatzen duten espeziak eta bizigarritasuna zaintzearen eta berreskuratzearen alde egitea.

3. Natura 2000 baso-guneetan kokatuta dauden eremuei eragiten dieten konpromisoek kontuan hartu beharko dituzte eremu bakoitzak arautzen dituen baldintzak eta betebeharrak.

Kapitulu honetan aurreikusitako inbertsioek lotuta egon beharko dute IV. kapituluko laguntzan aurreikusitako konpromisoen sinadurarekin. Horrez gain, Lurralde Historikoetako foru-organoek ezartzen dituzten kontratuetan edo antzeko baliabide juridikoetan jasoko dira 7 urteetarako. Hori guztia dagokion Basogintzako Kudeaketa-Plan Iraunkorrean jasota egongo da.

Kapitulu honetan araututako laguntzen onuradunak izango dira basoetako edo baso-azaleraren jabeak edo titularrak, direla pertsona fisikoak edo juridikoak, edo publikoak edo pribatuak.

Euskal Autonomia Erkidegoko basoak eta baso-azalerak.

1. Diruz lagundu ahal izango dira basoetan hesiak jartzea eta basoetako tratamenduak, bertako zuhaitzak eta antzeko ezaugarri ekologikoak dituztenak zaindu eta mantentze aldera, inbertsio ez-produktiboetarako laguntzan ezarritako baso-ingurunearen aldeko ingurumen-konpromisoen borondatezko harpidetzari lotutako baso-inbertsioetara zuzendutako laguntzetarako.

2. Guneko basoetako eta baso-lurretako onura publikoa indartuko duten inbertsio ez-produktiboetara zuzendutako laguntzetarako, honako hauek ahalko dira diruz lagundu:

   1. EAEko herri mendietako mugaketak, mugarriztatzeak.

   2. Basogintzako Antolamendu-Plan Iraunkorrak eratzea, betiere, jarduerak inbertsio ez-produktiboetan aurreikusten badituzte (herri mendietan erabilitako Basogintzako Kudeaketa-Plan Iraunkorrak).

Kapitulu honen ondorioetara ezingo dira diruz lagundu basoen balio ekonomikoaren handitzeari lagundu dioten inbertsio produktiboak.

Lurralde historikoetako foru-organoek, dekretuaren garapen arauetan, balizko bakoitzerako ezarriko eta zehaztuko dituzte kapitulu honetan jasotako diruz lagun daitezkeen ekintzekin erlazionatuta diruz lagun daitezkeen eta lagun ezin daitezkeen gastuak, dekretuaren 12. artikuluan ezarritako ere aintzat hartuta.

1. Kapitulu honetan emango den zuzeneko laguntzaren gehienezko zenbatekoa diruz lagun daitezkeen kostuen ehuneko 100ekoa izan daiteke.

2. Lurralde historikoetako foru-organoek, dekretuaren garapen arauetan, ezarriko dituzte irizpen objektiboak eta balorazio zehatzak, onuradun bakoitzari emango zaion laguntzaren ehuneko zehatza kalkulatu ahal izateko, artikulu honetako lehen paragrafoan jasotako mugen barruan eta LGENFk dekretu honetako 5. artikuluan ezarritako laguntza osoari egindako ekarpena errespetatuz, kontuan hartuta lehentasuna izango dutela Natura 2000 gunean kokatutako onura publikoko mendiak zainduko direla.

1. Kapituluaren xedea da nekazaritzako lurren lehenengo baso-sartzeari lotuta dauden kalte-ordainak emateko laguntzak arautzea.

2. Kapitulu honetan jasotako laguntzen helburuak honakoa hauek dira: abandonatu litezkeen edo alde batera utz litezkeen nekazaritzako lur hondartsuen ingurumen-balioa sustatzen saiatzea; basoko sistemak sustatzea eta babestea; nekazaritzako lurren ingurumena hobetzea eta nekazaritzako ustiategien errenta osatzea.

Kapitulu honetan araututako laguntzen onuradunak izango dira pertsona fisiko edo juridikoak, publikoak nahiz pribatuak, nekazaritzako lursailen jabeak.

Tuber melanosporumeko zuhaitz mikorrizatuz osaturiko EAEko baso-landaketen alderdiek Arabako Lurralde Historiko osoa barne hartzen dute eta dekretu honetako garapen arauetan zehaztuko diren Gipuzkoako eta Bizkaiko berariazko guneak. Arauak, gainera, Lurralde Historikoetako foru-organoek hartuko dituzte.

Diruz lagundu ahal izango dira, kapitulu honen ondorioetara, Tuber melanosporum onddoarekin mikorrizatuak izateko aukera gehiagoko zuhaitz-espezie egokiekin burutzen diren baso-jarduerak.

Ezingo dira diruz lagundu, kapitulu honen ondorioetara, honako jarduera hauek:

1. Lurraren eta araubide hidrologikoaren kontserbazioa arriskuan jar dezaketen baso-sartzeak.

2. Paisaia berezian, aztarna arkeologikoetan, monumentu eta antzekoetan, era nabarmenean eragin ezkorra eragin dezaketen baso-sartzeak.

3. Natura 2000 Sarean kokatutako nekazaritzako lurretan egiten diren baso-sartzeak. Nekazaritzako lurrek ez dute bateragarriak izan behar leku horretako kudeaketa-helburuekin.

4. Aurreikus daitezkeen ingurumenaren gaineko eraginaren ebaluazioaren ondorioz, ebaluazioa aginduzkoa den kasuetan onartzen ez diren baso-sartzeak, betiere, aplika daitekeen arautegiarekin bat etorriz.

5. Fruten eta barazkien merkatu-antolakunde bateratuan (OCM) emandako laguntzarekin bateragarriak ez diren jarduerak.

6. Epe laburrerako eta Gabonetako zuhaitzetara zuzenduta hazten diren espezieekin baso-sartzeak.

1. Artikulu honetan jasotako laguntzei dagokienez, diruz lagun daitezkeen gastuak ondorengoak dira, besteak beste:

   1. Basoetako espezieen landatzean landare/zuhaitzen kostua.

   2. Landatzearen ondoren kultura zainketari lotutako mantentzearen kostuak, hala nola, birjartzea, kimaketa, ureztatze ongarritua, landaredi lehiakidea ezabatzea, etab.

2. Onuraduna agintari publikoa bada, laguntzak artikulu honetako aurreko paragrafoan aurreikusitako landatze-kostuak bakarrik hartuko ditu barne.

3. Aurreko paragrafoetan jasotakoaz gain, lurralde historikoetako foru-organoek, dekretu honetako garapen arauetan, dekretuan jasotako diruz lagun daitezkeen ekintzei lotuta dauden eta diruz lagun daitezkeen eta lagun ezin daitezkeen beste gastuak zehaztu ditzakete.

Laguntza eskatu duten pertsonek dekretu honetako 6. artikuluan eta, Lurralde Historikoen foru-organoek dekretuaren garapenean ezarriko dituen betekizun orokorrak betetzeaz gain, hurrengo betekizun zehatzak bildu beharko dituzte:

1. Laguntza eskariari lotutako nekazaritzako lurrak, edafologikoki eta ingurugiro aldetik, gai izan beharko dute Tuber melanosporum onddoarekin mikorrizatutako zuhaitz-espeziak basotzeko.

2. Laguntza eskaerari lotutako nekazaritzako lursailek EAEko Nekazaritzako Ustiategien Erregistroan erregistratuta egon beharko dute.

3. EAEko Basogintzako Kudeaketa-Plan Iraunkorrean xedatutakoaren arabera, ustiapenean basotzeko nekazaritzako lurrek barne hartzen dituzten baldintzazkotasunaren derrigorrezko betekizunak bete beharko dira.

4. Nekazaritzako lurren jabeek erretiro aurreratuagatik laguntzarik ez jasotzea.

5. Laguntza eskaerari lotutako nekazaritzako lursailek, EAEko basozaintzako lurralde-antolamenduaren baliabideetan, balio agrologiko altu gisa sailkatuta egon beharko dute.

1. Kapitulu honen eremuan emandako laguntza zuzenaren gehienezko kopuruak, diruz lagun daitekeen ekintzaren arabera, ondorengoak izango dira:

   1. Zuhaitz-espezieak landatzeko kostuari dagokionez:

      Mendi edo Natura 2000 gune gisa katalogatutako EAEko guneen kostua % 80 arte izango da.

      Gehienez ere 825 euro/ha-ko gainontzeko guneetan kostua % 70 arte izango da.

   2. Landatzearen ondorengo zaintzei lotutako mantentzearen kostua % 100 arte izango da, eta gehienez ere, 5 urterako 150 euro/ha-ko. Nolanahi ere, ezingo da egon gainfinantziaziorik.

2. Lurralde Historikoen foru-organoek, dekretu honetako garapen arauetan ezarriko dituzte irizpide, helburu eta balorazio zehatzak onuradun bakoitzari eman beharreko ehunekoa kalkulatzeko, artikulu honen lehenengo paragrafoan jasotako mugen barnean eta LGENFren laguntzen gehienezko ehunekoa errespetatuz, laguntza osorako dekretu honen 5. artikuluan ezarri moduan, eta, gutxienez, honako lehentasun-irizpideak hartuko dituzte kontuan:

   1. Nekazari gaztea edo nekazari emakumea izatea.

   2. Nekazaria izatea.

   3. Pertsona fisikoa izatea.

   4. Nekazaritza eta ingurumeneko konpromisoak sinatu izana ingurumeneko ustiapen-kontratuen esparruan.