Arautegia
InprimatuAGINDUA, 2010eko maiatzaren 12koa, Etxebizitza, Herri Lan eta Garraioetako sailburuarena, etxebizitzaren eta lurzoruaren arloan 2010. Urtean babes daitezkeen hainbat jardunetarako laguntzak finantzatzeko esleitutako kredituen zenbatekoak iragartzen dituena.
Identifikazioa
- Lurralde-eremua: Autonomiko
- Arau-maila: Agindua
- Organo arau-emailea: Etxebizitza, Herri Lan eta Garraio Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 96
- Hurrenkera-zk.: 2621
- Xedapen-zk.: ---
- Xedapen-data: 2010/05/12
- Argitaratze-data: 2010/05/24
Gaikako eremua
- Gaia: Ogasun eta Ekonomía; Administrazioaren antolamendua; Ingurune naturala eta etxebizitza; Ekonomi Jarduerak
- Azpigaia: Ogasun; Gobernua eta herri administrazioa; Hirigintza eta etxebizita; Informazio etak komunikazioak; Ekonomia
Testu legala
Etxebizitza eta lurzoruaren arloan gaur egun indarrean dagoen araudiaren arabera, nahitaezkoa da urtero Euskal Herriko Agintaritzaren Aldizkarian iragartzea etxebizitza eta lurzoruaren arloan hainbat laguntza-ildo, aurrekontu-kredituen zenbatekoak finantzarioki estaltzeko.
Gaitutako aurrekontu-kredituak iragarri behar hori hasierakoak direla zein eguneratuak direla, betiere kredituak aldatzeko legezko aukeren arabera herritarrei eman beharreko informazioaren maila hobetzeko asmo nabariari erantzuten dio, haiek baitira laguntza-sistema horien onuradunak.
Badira beste jarduera-ildo batzuk etxebizitza-programan merkatuan zuzeneko esku-hartzeak egitea dakartenak Sailaren edo haren sozietate publikoen bitartez lurzoruaren erosketan eta urbanizazioan eta etxebizitzen eraikuntzan, erosketan eta alokairuan, emaitzak jendaurrean zabaltzeko prozedura espezifiko eta bereiziak dituztenak (kontratu publikoak, kontratu-programak, lankidetza-hitzarmenak, eta abar), eta publizitate-mekanismo horretatik kanpo ebazten direnak, berezkoak dituzten beste batzuk dauzkatelako, lege- eta araudi-aginduak tarteko.
Diru-laguntzen politika ugarik ere publizitate- eta deialdi-prozedura desberdinak dituzte halaber, banakako deialdi espezifikoa dutenak (esaterako, itunpeko sustapen bateko diru-laguntzen esleipena) edo deialdi publiko bereiziak dituztenak, eta, aldi berean berezkoak (area degradatuak, Eraikal, irisgarritasuna, iraunkortasuna, eta abar).
Hori guztia, betiere diru-laguntzen politikak argitaratzeko mekanismoak beteta indarrean daudenak, alegia, baina erreferentziako Agindu honen hedadura-esparrutik kanpo.
Beraz, 2010eko ekitaldirako kredituak iragartzeko baldintzek zuzenean eraginpean hartutako laguntza-politiken esparru zehatza honako hau izango da:
39/2008 Dekretua, martxoaren 4koa, babes publikoko etxebizitzen araubide juridikoari eta etxebizitzaren eta lurzoruaren arloko finantza-neurriei buruzkoa.
Agindua, 2006ko abenduaren 29koa, Etxebizitza eta Gizarte Gaietako sailburuarena, etxebizitza erosteko finantza-neurriei buruzkoa; honako hau biltzen du bere 1., 2. eta 3. xedapen gehigarrietan: erabilitako etxebizitza libreak erostera bideratutako laguntzak finantzatzeko eskuragarri dauden kredituak urtero iragarri beharra; kreditu horiek osatzea eta eguneratzea; laguntza-ematea eten dela iragartzeko jarraitu beharreko prozedura formala; eta, azkenean, etete horrek bideratzen ari diren espedienteetan duen eragina.
Agindua, 2006ko abenduaren 29koa, Etxebizitza eta Gizarte Gaietako sailburuarena, etxebizitza birgaitzeko finantza-neurriei buruzkoa; eta hitzez hitz eta termino beretan errepikatzen du bere 1., 2. eta 3. xedapen gehigarrietan aurreko paragrafoan azaldutako erregulazioa.
Agindua, 2006ko abenduaren 29koa, Etxebizitza eta Gizarte Gaietako sailburuarena, lehentasunez erregimen orokorreko eta erregimen bereziko babes ofizialeko etxebizitzen sustapenerako lurzoruko ondare publikoak eratzeko lurzoruaren kostu bidezko erosketari buruzko lurzoruaren arloko finantza-neurriei buruzkoa.
Agindua, 2008ko azaroaren 7koa, Etxebizitza eta Gizarte Gaietako sailburuarena, babes ofizialeko etxebizitza sustatzeko laguntzei eta alokairua sustatzeko neurriei buruzkoa; Agindu horren 1., 2. eta 3. xedapen gehigarrietan hitzez hitz eta termino beretan errepikatzen da aurreko paragrafoan azaldutako erregulazioa.
Horren ondorioz, eta Etxebizitza, Herri Lan eta Garraio Sailaren egitura organikoa eta funtzionala ezartzen duen azaroaren 24ko 607/2009 Dekretuaren 4. artikuluan xedatutakoari jarraiki, eta etxebizitza eta lurzoruaren arloan indarrean dagoen araudiaren arabera, honako hau
Lehenengoa. 2010ko ekitaldian etxebizitza eta lurzoruaren arloan diru-laguntzen lineei finantza-estaldura emateko honako ordainketa- eta konpromiso-kreditu hauek iragartzea:
Babes daitekeen jarduna
Actuación protegible 2010 2011 2012 2013 Gainerakoak noiz arte 2033
Resto hasta 2033 Guztizkoa
Total
Erabilitako etxebizitza librea eskuratzea
Adquisición de Vivienda Libre Usada 100.000 100.000
Birgaitzea
Rehabilitación 12.400.000 12.400.000
Energia-eraginkortasuneko etxebizitzak birgaitzea
Rehabilitación de Viviendas con Eficiencia Energética 500.000 500.000
Etxebizitza babestuetara bideratzeko udaleko lurzoru-ondareak sortzea
Formación de Patrimonios Municipales de Suelo con Destino a Vivienda Protegida 200.000 200.000
Alokaikuaren sustapena
Fomento al Arrendamiento 5.250.000 5.000.000 5.000.000 15.250.000
2010eko Finantza Hitzarmenaren sorospenak
Subsidiación de Puntos de Interés Convenio Financiero 2010 1.559.000 4.550.000 4.550.000 4.250.000 42.550.000 57.459.000
GUZTIZKOAK / TOTALES 20.009.000 9.550.000 9.550.000 4.250.000 42.550.000 85.909.000
Bigarrena. «Alokairuaren sustapena» epigrafean sartzen diren diru-laguntzak babestekoak diren jardun hauetarako izango dira: salmentarako babes ofizialeko etxebizitzak sustatzeko, bai etxebizitza berriak, bai birgaitutakoak; babestutako alokairurako etxebizitzak sustatzeko; babestutako alokairuan eskaintzeko etxebizitzak erosteko; txandakako alojamenduak sustatzeko, eta landa-eremuetan titulartasun publikoko etxebizitzak birgaitu eta alokairuan jartzeko.
Hirugarrena. «2010eko Finantza Hitzarmenaren sorospenak» epigrafean sorospen-eskubidea duten jardun hauek sartzen dira: babestutako alokairurako etxebizitzen sustapena; babestutako alokairuan eskaintzeko etxebizitzak erosteko eragiketak; txandakako alojamenduen sustapena, eta lurzorua kostu bidez eskuratzeko eragiketak egiteko, edozein herri-administrazioaren lurzoru-ondare publikoak erazeko, ondoren, ahal dela, babes publikoko sustapenera bideratzeko.
Laugarrena. 2010eko ekitaldiaren kontura eman beharreko laguntzen guztizko zenbatekoak ezin izango ditu gainditu aurreko atalean adierazitako diru kopuruak edo indarrean dagoen legedi aplikagarriari jarraiki aurrekontu-aldaketarik onartuz gero, kopuru horren eguneratzearen ondoriozko kopurua.
Horrenbestez, zenbateko hori agortu ondoren, ez dira laguntza gehiago emango, eta kreditu-agortze hori Etxebizitza, Herri Lan eta Garraioetako sailburuaren Agindu bidez jakinaraziko da Euskal Herriko Agintaritzaren Aldizkarian.
Bosgarrena. Edonola ere, Agindu honetan adierazitako etxebizitza eta lurzoruaren arloko araudiaren arabera baldintza guztiak betetzen dituzten eta baliabide ekonomikorik ezagatik soilik ukatzen diren eskabideak hurrengo ekitaldi ekonomikoan ebatzi ahal izango dira, baldin eta eskatzaileak Lurralde Ordezkaritzara edo eginkizun horretarako dagokion kudeaketa-zuzendaritzara idazki bat bidaltzen badu, eskabideari baldintza beretan eusteko asmoa duela adierazita.
Agindu hau Euskal Herriko Agintaritzaren Aldizkarian argitaratzen den egunaren biharamunean hasiko da indarrean.
Vitoria-Gasteiz, 2010eko maiatzaren 12a.
Etxebizitza, Herri Lan eta Garraioetako sailburua,
IGNACIO MARÍA ARRIOLA LÓPEZ.
