Familia eta Haurrak

Aurretik eskualdatutako zerbitzu batzuen laguntza-unitateak EAEri eskualdatzea, hain zuzen, honako zerbitzu hauenak: landare-ekoizpena bultzatzeko zerbitzuak, animalien ekoizpena eta osasuna bultzatzekoak, nekazaritza produktuak merkaturatzen laguntzeko eta nekazaritzako industriak bultzatzekoak; izan ere, laguntza-unitate horiek aurretik eskualdatutako zerbitzu horien zeharkako kostu periferikoak baitira. Era berean, Gernikako baso-idortegia[1] eta Karrantzako baso-zaintzako etxea eskualdatuko zaizkio.

[1] Antza denez, Gernikako horretan ez dute egurra sikatzen edo lehortzen; hor pinaburuekin lan egiten dute soilik, horiek berotuz eta lehortuz hazia eskuratzen dute pinu-landare berriak lortzeko. 
ICONA delakoak sortu zuen bere garaian eta seguruenik ez zion euskal-izenik jarriko. 
Santi Txintxurretak Itzulen emandako erantzuna 
Nabarnizen, Gernikatik kilometro batzuetara, 'gastaña muntoidxe' eta 'egur muntoidxe' terminoak batu nituen (Ikus muntoi sarrera; http://tinyurl.com/8852t).
Halako 'muntoi'ak mendian edo basoan egiten ziren, kasu batean, gaztainak idortzeko, eta bestean, txondorrerako egurra idortzeko.
Santik azaldu duena beste gauza bat da, jakina, baina alde horretako berbaren bat bilatu nahi izanez gero, 'muntegi' (edo 'mintegi') hurbil daiteke kontzeptu horretara, nahiz eta ICONAk bertan jarri zuena, beharbada, ez den oso bat etorriko lehengo mintegi horiekin.
Nekazaritza Hiztegiak ‘idortegi’ ematen du ‘secadero’ren ordaintzat.

Alberto Martinez de La Cuadra