Xedea

Termika Arloak aholkularitza zerbitzuak eskaintzen dizkie eraikuntza-sektoreko eragileei, eta, horretarako, energiaren efizientzia eta eraikuntza-arloko kalitatea sustatzeko saiakuntzak, azterketak eta monitorizazioak egiten ditu.

(ikusi bideoa: termika arloa)

Zeregin ohikoenetako bat da eraikuntzako material eta elementuen jokabide termikoa ziurtatzea. Eraikuntzako Kalitate Kontroleko Laborategiko Termika Arloak eskainitako aholkularitza funtsezkoa da produktuak, proiektuak eta eraikinen sustapenak hobetzeko, eta, bide bidez, exekuzio-proiektuan definitutako prestazio termiko eta energetikoak eta araudia betetzen direla bermatzeko. Era berean, maila lokal, estatal eta europarreko ikerkuntza- eta garapen-proiektuetan parte hartuz ere egiten du produktuak eta sistemak hobetzeko ekarpena. 

Eusko Jaurlaritzako Eraikuntzako Kalitate Kontroleko Laborategiko Termika Arloa, Ingurumen, Lurralde Plangintza eta Etxebizitza Saileko Etxebizitza Zuzendaritzaren barneko erakunde bat da.

Lantaldea

Eusko Jaurlaritzako Eraikuntzako Kalitate Kontroleko Laborategiko Termika Arloko ingeniaritzako eta arkitekturako profesionalek ezagutza zientifiko eta esperimentalak uztartzen dituzte. Lantaldeko profesionalek esperientzia dute eraikuntzako obren kalitate-kontrolean eta ikerketa-, garapen- eta berrikuntza-proiektuetan. 

2005. urtetik, Euskal Herriko Unibertsitateko Eraikuntza Energetikako Ikerketa Taldea (ENEDI) Eraikuntzako Kalitate Kontroleko Laborategiko Termika Arloa garatzen ari da Ingurumen, Lurralde Plangintza eta Etxebizitza Saileko kalitate- eta berrikuntza-politikako bitarteko gisa.

Harremanetan jartzeko

Eusko Jaurlaritzako Eraikuntzako Kalitate Kontroleko Laborategiko Termika Arloa Agirrelanda 10, Vitoria-Gasteiz, 01013, Araba. 

Helbide elektronikoa: termica@euskadi.eus
Telefono-zenbakia: 945 01 18 00
LinkedIN: www.LinkedIN/AT-LCCE
Twitter: @AT_LCCE