Zer da Q sukarra?

• Q sukarra pertsonei eta animaliei eragiten dien gaixotasun bat da, Coxiella burnetii mikrobioak (bakterioak) eragindakoa . Animalien infekzioak, haurdunaldiaren amaieran, abortuak eragiten ditu

Nola transmititzen da?

• Q sukarra infektatutako animalien bidez transmititzen zaie pertsonei: ahuntzak, ardiak, behiak, etab.

• Pertsonek honela har dezakete Q sukarra:

  • Infektatutako animaliak dauden edo egon diren inguruneetan sortutako Q sukarraren bakterioa duten aerosolak arnastean.
  • Infektatutako animalia baten gorozkiak, gernua, esnea edo odola ukitzean.
  • Animalia jaioberri bat edo infektatutako animalia baten erditze-produktuak (plazenta, erditze-likidoak) ukitzean.
  • Esne gordina edatean (pasteurizatu gabea).

Zein dira Q sukarraren zeinuak eta sintomak pertsonengan?

• Q sukarraren bakterioak kutsatutako pertsonen erdia inguru gaixotu egingo da eta gripearen antzeko sintomak izango ditu. Pertsonak bakterioarekin infektatu eta 2 edo 3 astera jar daitezke gaixorik.
  
• Zeinuak eta sintomak honako hauek izan daitezke:
  • Sukar handia
  • Nekea
  • Hotzikarak edota izerdia
  • Buruko mina
  • Giharretako mina
  • Eztula
  • Goragaleak, gorakoak edo beherakoa
  • Mina bularrean
• Q sukarra duten pertsonen proportzio txiki batek Q sukar kronikoa izeneko gaixotasun larriagoa garatu lezakete.

Zer da Q sukar kronikoa?

• Q sukar kronikoak bihotzeko balbulen infekzioa eragin dezake (endokarditis). Baliteke sintomak ez agertzea esposizioa gertatu eta hilabete edo urte batzuetara arte.
  
• Q sukar kronikoa gertagarriagoa da honako ezaugarri hauek dituzten pertsonengan:
  • Bihotzeko balbula edo odol-hodien gaixotasuna duten pertsonak.
  • Immunitate-sistema ahulduta duten pertsonak.
  • Q sukarra lehen aldiz hartu zutenean haurdun zeuden emakumeak.

Esposizioa murrizteko neurriak:

• Ahal dela, ez ukitu infektatutako animaliarik erditzean. Erditzen ari diren edo erditzeko produktuekin kontaktua duten animaliei laguntzen badiezu, babestu honako hau erabiliz:
  • Eskularruak
  • Begietarako babesa (adibidez, babes-betaurrekoak)
  • Babesteko arropa (adibidez, buzoak eta botak)
  • FFP2 edo FFP3 maskarak. (Galdetu zure lehen mailako arretako medikuari maskararik erabiltzea segurua bazaizu)
  • Jantzi eta aldatu arropa eta zapatak animaliekin lan egin ondoren.
  • Pasteurizatutako esnea eta esnekiak bakarrik jan eta edan (gazta, krema, gurina, etab.).

Zer egin beharko nuke sintomak ditudala uste badut?

• Q sukarra izan dezakezula uste baduzu edo Q sukar kronikoa izateko arriskua baduzu, zure medikuarengana jo. Animaliekin lan egiten baduzu edo lan egin baduzu, esaiozu.
• Jakinarazi albaitariei zure animaliek Q sukarra izan dezaketela uste baduzu.

Informazio gehiago:  Q sukarra Zaintzeko Protokoloa