Esan daiteke EAEn badaudela lurrazaleko uren egoeran eragin orokor gehiago duten presioak, baina ezin dira alde batera utzi hainbat tokitan egin diren ur-hartzeek sortutako presioak edozein dela erabilera (herritarrentzako horniketa, erabilera industrialak, nekazaritzakoak eta abeltzaintzakoak edo argindarra sortzeko)

Hainbat jarduera ekonomiko edo herritarrak hornitzeko egindako ur-hartzeak arazo larri bihurtu daitezke atera den ur-kopurua -zuzenean ibilgutik hartuta edo zeharka hurbileko iturburuak eragin ditzakeen zundaketen bitartez- handiegia bada eta geratzen den emaria nahikoa ez bada ur- eta lur-ekosistemak mantentzeko.

Hori dela eta, beharrezkoa da sakontzea ingurumen-emariak kontuan hartzeko eskaeran ustiaketa sistemei ezarritako murrizketa orokorren artean, eta emari minimoen ezarpenean urteko garai bakoitzerako.