Demarkazioaren erliebearen ezaugarrien ondorioz (topografia malkartsua, populazio kopuru handia lurraldearen zati handi batetan…) ibaiadarrak eta estuarioak gero eta presio gehiago jasaten dute (hirigintza, industria, garraibideak, azpiegiturak…). Okupazio horrek, hain zuzen ere, obrak egitea ekarri du erriberak narriaduratik eta uholdeetatik babesteko. Horiekin batera arazo nagusien artean aipatu beharko genituzke ur-hartzeak (presa txikia, presak, etab.) eta jabari publikoaren beste okupazio batzuk, ur-masen egoera ekologikoa kaltetu dezaketenak.

Momentuko isurketekin batera, aldaketa morfologikoak eta jabari publikoaren okupazioa ur-ekosistemek gaur egun duten arazo nagusietako batzuk dira, eta konponbide zaila dute.

Kontuan izan behar da ibai, estuario eta hezeguneeetan dauden eraldaketa morfologiko anitzak, adibidez : kanalizazioak, bideratzeak, ibaiertzen artifizializazioa, ibilguak estaltzea, drainatzeak, presa txikiak eta beste hainbat oztopo ibai-faunarentzat, ertzak landaredi-estaldura urria izatea, beste batzuen artean.

Gainera, ez da ahaztu behar arazo hauei aurre egiteko beharrezkoak direla lan ildo anitzak.

• Alde batetik egoera morfologikoaren narriatzea gelditzera bideratuak hori gertatzen ari den tokietan, eta horiek ekiditen arazo hori ez duten guneetan.
• Beste alde batetik ingurunearen lehengoratzea bilatzen dutenak, hau da, ur-masen berreskuratze eta lehengoratzea

Ez dugu ahaztu behar uztartu egin behar direla ekosistemen baldintza morfologikoak eta pertsona eta ondasunak uholdeen aurrean babestea. Are gehiago kontuan izanda uholdeetatik babesteko egin diren hainbat lanek ingurunerako izan duten kostu nabarmena. Lan horiek burutu ziren, kasu askotan, kontuan izan gabe ibai-ekosistemetan izango zuten eragina