Euskadik klima-aldaketara egokitzeko egin dituen aurrerapenen berri eman du Bonn-eko Klimaren Goi Bileran
Argitalpen-data:
Eusko Jaurlaritzako ordezkaritza bat, Elena Moreno Ingurumeneko sailburuordea buru dela, Klimaren Munduko Goi Bileran (COP23) parte hartzen ari da; Bonnen da (Alemania), azaroaren 6tik 17ra bitartean; bertan, Euskadi klima-aldaketara egokitzeko gauzatzen ari den ekintzak azalduko ditu. Euskal ordezkaritzak aktiboki esku hartuko du 6 ekitalditan; horietan, Euskadik berotegi-efektuaren gasetan lortu duen murrizketaren berri emango du, % 24koa 2005etik, eta alde biko topaketak izango ditu Gales, Quebec, Flandes eta Kopenhagerekin.
