LAGen Berrikuspenaren prozesua (2015-2019)

Sarrera

2015eko uztailaren 27an, Jaurlaritzako Gobernu Kontseiluak Euskal Autonomia Erkidegoko Lurralde Antolamenduaren Gidalerroak (LAG) berrikusteko prozedura hasteko erabakia hartu zuen eta, orobat, Ingurumen eta Lurralde Politika Sailaren (gaur egun, Ingurumen, Lurralde Plangintza eta Etxebizitza Sailaren) esku uztea berrikuspen hori zuzendu eta prestatzeko lana. Erabaki horren bidez, Eusko Jaurlaritzak erabaki zuen gidalerroen berrikuspena parte-hartze prozesu zabal baten bidez egitea, eta Berrikuspenaren Aurrerapena aurkeztu aurretik bi dokumentu egitea proposatu zen: Oinarrizko Dokumentua eta Partaidetzarako Plana.

LAGen Berrikuspenak gutxi gorabehera 4 urte iraungo du, eta administrazio-izapidetzearen muga nagusiak (Abiatzea, Aurrerapena, Hasierako Onespena eta Behin Behineko Onespena- Behin Betiko Onespenaren aurretik) eta Euskal Hiria Kongresua aldi berean egin dira. Kongresu hau urtero egiten da azaroaren amaieran.

Euskal Hiria Kongresua 2015ean hasiera eman zitzaion parte hartzeko prozesuari; Euskal Hiria Kongresua 2016an Aurrerapena aurkeztu zen; Euskal Hiria Kongresua 2017an Hasierako Onespena aurkeztu zen; eta Euskal Hiria Kongresua 2018an Behin Behineko Onespena aurkeztu zen, Behin Betiko Onespenaren aurretik.

Gogoan izan behar da Aurrerapena baino lehen egon den parte hartzea Euskal Herriko Lurralde Antolakuntzari buruzko maiatzaren 31ko 4/1990 Legeak ezartzen duen izapidetzearen aurretikoa dela, lurralde-eredua definitzeko arloan parte hartzea izan baitu xede hasieratik. Aurrerapenaren ondoren, dagozkion partaidetza mekanismoak eratzen dira prozesuan zehar bateratu daitezen berrikuspen behin betiko onetsi arte.

Webgune hau LAGen Berrikuspenaren prozesuaren inguruko informazio guztia igotzeko biltegia da: albisteak, deialdiak, ekarpenak, deskarga-estekak, eta abar bertan igo baitira. Prozesuaren gardentasuna bermatzen duen tresna nagusia da, beraz.

Zer dira LAG?

Deskargak, dokumentazioa eta parte-hartzearen emaitzak

Dokumentu orokorrak

Behin betiko Onespena. 2019

Oinarrizko Dokumentua (Aurrerapena). 2015

Parte-hartzearen dokumentuak. 2015-2016
LAGei buruzko aurretiko dokumentu interesgarriak

Gaikako lanak

Adituen artikuluak

Parte-hartzearen emaitzak

Behin betiko Onespena (2019)

128/2019 DEKRETUA, uztailaren 30ekoa, zeinaren bidez behin betiko onesten baitira Euskal Autonomia Erkidegoko Lurralde Antolamenduaren Gidalerroak.

Behin-behineko Onespena. (2018)

Behin-behineko Onespenaren aurreko txostenak, Euskal Herriko Lurralde Antolakuntzari buruzko maiatzaren 31ko 4/1990 Legearen 10.8 artikulua:
1. 2018ko azaroaren 14a, Eusko Jaurlaritzaren Lurralde Politikako Aholku Batzordearen txostena:
  - Akordioaren ziurtagiria. (PDF, 4 MB)
  - Lurralde Plangintza, Hirigintza eta Hiri Berroneratze Zuzendaritzaren txostena. (PDF, 3 MB)
2. 2018ko azaroaren 14a, EAEko Lurralde Antolamendurako Batzordearen (EAELAB) osoko bilkuraren txostena.
Behin-behineko Onespenaren Agindua, 2018ko azaroaren 21a. Lurralde Antolamenduko Legearen 10.8 artikulua. (PDF, 17 MB)

Hasierako Onespena. (2018)

Hasierako Onespenaren aurreko txostenak, Euskal Herriko Lurralde Antolakuntzari buruzko maiatzaren 31ko 4/1990 Legearen 10.6 artikulua:
1. 2017ko azaroaren 10a, Eusko Jarularitzaren Lurralde Politikako Aholku Batzordearen txostena:
2. 2018ko urtarrilaren 31, EAEko Lurralde Antolamendurako Batzordearen (EAELAB) osoko bilkuraren txostena.
Hasierako Onespenaren Agindua, 2018ko otsailaren 20a. Lurralde Antolamenduko Legearen 10.6 eta 10.7 artikuluak.
1. EHAA argitalpena 2018ko otsailaren 28a.
2. EAO argitalpena (PDF, 167 KB).
3. Egunkarietan argitalpena: Berria (PDF, 513 KB), El Correo (PDF, 560 KB), El Diario Vasco (PDF, 476 KB).
Hasierako Onespenaren Dokumentuaren jendaurreko erakustaldiaren eta administrazioei entzunaldiaren alegazioak, Lurralde Antolamenduko Legearen 10.7 artikulua.

Hasierako Onespenaren Dokumentuaren jendaurreko erakustaldiaren eta administrazioei entzunaldiaren alegazioei erantzunak, Lurralde Antolamenduko Legearen 10.7 artikulua.

Aurrerapena. (2017)

0. Aurrerapena 2016ko azaroaren 21ean eta 22an aurkeztu da, Euskal Hiria Kongresuan. Honako dokumentu hauek ditu:

I. Aurrerapena tramitazioa, Lurralde Antolamenduko Legearen 10.4 artikulua:

2017ko otsailaren 15a, EAEko Lurralde Antolamendurako Batzordearen (EAELAB) osoko bilkuraren txostena.
- Akordioaren ziurtagiria. (PDF, 176 KB).
- Lurralde Plangintza eta Hirigintza Zuzendaritzaren txostena (PDF, 391 KB).
- Txosten sektorialak
  - URA-Ur Agentzia (PDF, 2 MB).
  - Natura Ingurunearen eta Ingurumen Plangintzaren Zuzendaritza (PDF, 5 MB) (Eusko Jaurlaritza).
  - Kultura Ondarearen Zuzendaritza (PDF, 4 MB)(Eusko Jaurlaritza).
2017ko otsailaren 22a, Eusko Jarularitzaren Lurralde Politikako Aholku Batzordearen txostena:
- Akordioaren ziurtagiria (PDF, 332 KB).
- Lurralde Plangintza eta Hirigintza Zuzendaritzaren txostena (PDF, 490 KB

II. Oharrak, ekarpenak eta ordezko aukerak, Lurralde Antolamenduko Legearen 10.5 artikulua:

III. Hasierako Onespenaren aurreko nahitaezko txostenak:

IV. Oharrei, ekarpenei eta ordezko aukerei erantzunak, Lurralde Antolamenduko Legearen 10.5 artikulua:

Parte-hartze prozesua

Parte hartzeko prozesua bi esparruk osatzen dute: gizartearen parte-hartzea eta parte-hartze instituzionala. 2015eko azaroan hasi zen, Euskal Hiria Kongresua 2015 ospatu zen aldi berean. Geroztik landu dira parte-hartze instituzionalaren prozesua eta gizarteak linean parte hartzeko prozesua; gizarteak aurrez aurre parte hartzeko prozesua 2016ko martxoaren eta azaroaren artean garatu da.

Aurrerapenaren aurretik (2016 urtean zehar) egindako parte-hartze prozesurako Paisaje Transversal eta Inguru enpresen laguntza izan dugu. Era berean, EHUko Kultur Pasaiak eta Ondarea Unesco Katedrak eta Deusto City Lab Katedrak lagundu digute prozesu osoan zehar.

Aurrerapena idatzi ondoren, parte hartzeko prozesua etapa berri batean sartu zen. 4/1990 Legeak ezarritakoari jarrraikiz, Aurrerapenak EAEko Lurralde Politikako Aholku Batzordearen (LPAB) eta EAEko Lurralde Antolamendurako Batzordearen (EAELAB) txostenak jaso behar izan zituen. Ondoren, 3 hilabeteko entzunaldia eman zitzaien, eta horren ondoren dokumentua berridatzi zen. Hasierako Onespena baino lehen, EAELAB eta LPABren txostenak jaso behar izan zituen berriro.

Txosten hauekin 2018ko otsailaren 20an hasierako onespena lortu zuen Berrikuspenak, eta otsailaren 28an EHAAn argitaratu zen Agindua. Data horretatik aurrera 2 hilabeteko jendaurreko erakustaldia hasi zen, pertsonek eta instituzioek alegazioak egin ditzaten. Epe honetan 49 alegazio jaso ziren, eta hauek egoki aztertu ondoren behin-behineko dokumentua aberasteko lagundu zuten. Behin-behineko onespena 2018ko azaroaren 21eko Aginduaren bitartez izan zen, LPAB eta EAELAB txostenak jaso ondoren.

Behin-behineko onespenarekin dokumentua idazten bukatzen da, eta behin-betiko onespenaren aurretik jaso behar diren txostenak falta dira bakarrik.

Partaidetza instituzionalerako prozesua

Partaidetza instituzionala sustatzen ari da Euskal Autonomia Erkidegoko Lurralde Antolamendurako Batzordearen (EAELAB) eta EAEko Lurralde Politikako Organo aholku-emailearen bidez. Horretarako, hitzaldi teknikoa sortuko da organo bakoitzean hurrengoen partaidetzarekin: Eusko Jaurlaritzako Sailak, hiru Foru Aldundiak, Eudel Euskadiko Udalen Elkartea, Estatuko Gobernuko ordezkaritza eta adituak lurralde gaietan.

Aurrekoaz gain, partaidetza instituzionala sustatzen ari da kontsultarako organo kolegiatuen bidez, hala nola Euskal Autonomia Erkidegoko Ingurumen Batzordea, Ingurumenerako Aholku Kontseilua, Naturzaintza, Urdaibaiko Patronatua, Euskadiko Garraio Agintaritza, Legebiltzarreko Ingurumena eta Lurralde Politika Batzordea, Ekonomia eta Gizarte Kontseilua (EGK), UPV/EHUko Kultur Paisaiak eta Ondarea UNESCO Katedra eta UPV/EHUko unibertsitate/gizarte zibilaren arteko elkarrizketarako ehuGune foroa. Aldi berean, ekitalde bat sortu da (lantalde teknikoa) Udalsarearekin, jasangarritasunerako udalerrien euskal sarearekin, bertako adituen iritzia jasotzeko.

Gizarte-partaidetza prozesua

Euskal Gizarte osoak hartu dezake parte gizarte partaidetzan. Horretarako, hainbat ekintza antolatu dira hiru partaidetza gunetan sailkatuta: eragileei kontsultak egitekoa, aurrez aurreko partaidetzakoa eta partaidetza digitalekoa:

Harremanak Euskal Herri osoko elkarteekin eta gizarte-, akademia-, ekonomia- eta ingurumen-eragileekin eta profesionalen elkargoekin. Horrela, guztien ekarpenak bilduko dira, kontsulten eta bileren bidez.
Herritar guztiei zuzendutako aurrez aurre parte hartzeko prozesua: ekintzak eta tailerrak eremu funtzional guztietan, aurkezpenak eta mahai-inguruak lurralde historikoetan (PDF, 349 KB).
Parte-hartze digilaren egitura: webguneaz eta Irekiaz gain, sare sozialen bidez ere parte hartu daiteke: Twitter, Facebook.
Gizarte-partaidetzaren ekarpenak
Parte-hartze digitalaren ondoriozko emaitzen txostena. 2016ko azaroa (PDF, 17 MB)
Gizartearen parte-hartze presentzial zein digitalaren ekarpenen azterketa. (PDF, 614 KB)
2017ko parte-hartzearen ekarpenei erantzunak. (PDF, 2 MB)
2018ko parte-hartzearen alegazioei erantzunak. (PDF, 6 MB)

Nola hartu dezaket parte?

2018ko urtearen amaieran behin-behineko onespena lortu ondoren, dokumentua idazteko parte-hartzea amaitutzat eman zen ( Parte-hartzearen memoria (PDF, 19 MB) ).

Dena dela, badago gaia zabaltzen jarraitzeko konpromezu etengabea, eta gizarteari aukerak ematea lurralde plangintzari buruz parte hartzeko. Zentzu honetan, Facebook eta Twitter sare sozialak, Facebook eta Twitter sare sozialak, Irekiak eta Euskal Hiria Kongresua arlo honetan erreferentzia-plataformak dira.

Prozesua jarraitzea

Prozesuaren gardentasuna bermatzeko jarraipena egin da. Horretarako, kronologikoki argitaratu dira albisteak, deialdiak, ekarpenak, bileren eta parte hartzeko ekintzen aktak eta emaitzak, eta faseen ondorioen txostenak Irekian, webgune honetan.

Prozesu honek aurrera egin ahala, egokitzat hartu zen LAGak jorratzen dituzten bi gairi buruz gaikako lan batzuk eskatzea, adituen iritziekin aberastea jo baitzen beharrezkotzat: bata genero ikuspegiari buruzkoa da (“Genero ikuspegia EAEko Lurralde Antolamenduaren Gidalerroetan. Ekintza proposamenak (PDF, 317 KB)”) eta Madrilgo Unibertsitate Politeknikoaren “Políticas de igualdad de Género en Ciencia, Tecnología e Innovación” UNESCO katedrak egin eta Inés Sánchez de Madariagak zuzendutakoarekin lotuta dago; eta, bestea, erabilerarik gabe edo jasan dezaketen baino erabilera gutxiago duten espazioei buruzkoa da (“Trantsizioan dauden espazioak aintzat hartzeko aukeren azterketa”) eta Ane Abarrategi Zaitegik (Ttipi Studio) eta Irati Burgués Asteasuk (B-Studio Arkitektura) egindakoarekin lotuta dago.

2016. urtearen bukaeraren eta 2017. urtearen hasieraren artean, Aurrerapena zabaltzeko epea izan da. Horretarako, aurkezpen eta erakusketak bideratu dira: Parte hartzeko prozesuaren ondoriozko emaitzen aurkezpenak eta erakusketa ibiltaria.

Lurralde Antolamenduaren Gidalerroak (LAG) berrikusteko prozesuaren baitan, 2017ko maiatzaren 11, 17 eta 24an, hiru hiriburuetako bakoitzean, hainbat jardunaldi egin ziren, Aurrerapena lurralde historiko bakoitzeko eragile sozialei eta erakundeei aurkezteko: maiatzaren 11n Bilbon gai honekin: “LAGak eta zu: Nolako hiria nahi dugu?”, maiatzaren 17an Donostian honako gaiarekin: “LAGak eta zu: Klima aldaketaren contra mugituko gara?” eta maiatzaren 24an Vitoria-Gasteizen gai honekin: “LAGak eta zu: Iingurune naturala etorkizunerako inbertsio gisa”.

Egun bakoitzean, gai sektorial bat sakondu zen, eragile ezberdin arteko iritzi-trukea sortzeko eta ekarpen zuzenagoak egiteko.

2017an, komenigarritzat hartu zen Bioeskualdea edo Lurraldea sistema bizia bezalako gaietan sakontzea. Horregatik dokumentua aberastu egin da gai hauei buruzko bi lanekin: bata Juan Requejo Liberalek, Virginia del Ríok eta Albert Cuchík egindakoa (“El territorio como sistema vivo”) eta bestea Fernando Pratsek, Albert Cuchík eta Jorge Ozcarizek egindakoa, “Ante el Antropoceno. Reflexiones sobre la cuestión biorregional en el País Vasco” izenekoa.

2018an dokumentuari buruzko aurkezpen bat eta laburpen bat ingelesez (PDF, 1 MB) idatzi da, dokumentuak nazioarte mailan izan duen inpaktua kontuan hartuta.

Sortu diren lan guztiak web honetan bertan kontsulta daitezke, “Deskargak, dokumentazioa eta parte-hartzearen emaitzak” atalean

Azken aldaketako data: 2022/05/02