Aurrerabideren proiektuetako bat hau da: autoebaluazioak egitea, Euskal Autonomia Erkidegoko Administrazio Orokorreko antolakuntza-unitate bakoitzean, unitateak ereduarekiko duen egoera aztertzeko eta sendotze- eta hobetze-planak zehazteko.

Prozesu hori Egiten Ikasi proiektua egin duten antolakuntza-unitateetako langileek egingo dute, eta DACIMAko eta Kudeaketa Hobetzeko Lankideen Sareko bi lagunez osatutako taldearen laguntza izango du; lantalde horrek hau adostuko du antolakuntza-unitatearekin:

• Kudeaketa hobetzearen arloan izandako aurrerabideari buruzko kontraste-txostena (indarguneak eta sendotu eta hobetu beharreko guneak)
• Hobekuntza-plana egiteko kontuan hartu beharko diren sendotze- eta hobetze-arloak
• Datozen hiru urteetarako sendotze- eta hobetze-plana 

EZAUGARRIAK 

• Errazak
• Bertako langileek egindakoak
• Egiten Ikasi proiektuan parte hartu duten antolakuntza-unitateetako langileek zuzenean parte hartuko dute, eurak izango dira protagonista.
• 3 urterako plana, eredutik datozen hobekuntza-ekintzak dituena. 

FASEAK ETA GARAPENA 

1. Memoria Eginez Gara egitea edo eguneratzea
2. Autoebaluazioa (antolakuntza-unitateko langileek)
   • Autoebaluazio indibidualaren galdetegia bete
   • Galde-sorta adostu
3. Kontrastea (antolakuntza-unitateko langileek, DACIMAko eta Lankideen Sareko langileekin)
   • Adostutako autoebaluazioa birpasatu
   • Sendotu eta hobetu beharrekoak diren alderdiak eta indarguneak identifikatu, ardatz bakoitzean.
   • Lehenespena, sendotu eta hobetu beharreko alderdiak zehazteko
   • Sendotze- eta hobetze-plana egitearen plangintza
4. Sendotzeko eta hobetzeko plana
   • Prestaketa (unitatean)
   • Balidazioa (saioan, kontrastatzen parte hartu zutenekin)
5. Planaren segimendua
   • Planaren bete den aztertzea urteroko saioan (saioan, kontrastatzen parte hartu zutenekin)

EGUNGO EGOERA 

• Martxoan eta apirilean, pilotu bat egin zen lau antolakuntza-unitaterekin.
• Funtzionamendua aztertu ondoren, doiketa batzuk egin ziren definitutako sisteman, eta lehenengo ebaluazio-plana abiarazi zen; plan horrek beste hemeretzi antolakuntza-unitateri eragin zien, ekainetik urrira artean.