Euskarazko argitalpenei buruzko IX. txostena (2013)

Txosten hau euskarazko argitalpenei buruzko bederatzigarrena da, 2013. urteari dagokiona, eta Conecta Research & Consulting enpresak egin du, Euskadiko Editoreen Elkarteak eskatuta.

Txosten hau prestatzeko azterketak euskarazko liburuen produkzioari, eskaintzari eta fakturazioari buruzko datu guztiak jasotzen ditu, dena dela lurraldea. Hau da, Euskal Autonomia Erkidegoko, Nafarroako Foru Erkidegoko eta Frantziako estatuko (Ipar Euskal Herriko) produkzioa biltzen ditu. Horrez gainera, badira hainbat argitaletxe egoitza lurralde horietatik kanpo duten arren, euskarazko lanak argitaratzen dituztenak, eta horiek ere kontuan hartzen ditu.

Bestalde, euskarazko argitalpenak plazaratzen dituzten Administrazio Publikoko erakundeen eta haren mendeko entitateen datuak ere jasoak datoz azterketan.

Azkenik, aurten ere, esker ona adierazi nahi diegu eman diguten laguntzagatik Euskadiko Editoreen Elkarteari, Conecta enpresak bidalitako galdeketari erantzun dioten enpresei eta Espainiako Editoreen Elkarteen Federazioari, horiei esker egin ahal izan baitugu ikerlan hau.

Euskarazko argitalpenei buruzko IX. txostena (2013) [pdf, 1,8 MB]