21. artikulua.– Ikaskuntza Berezien Zuzendaritza.

Saileko Zuzendaritzen egiteko orokorrez gain, honako egiteko eta jardun-arlo hauek dagozkio Ikaskuntza Berezien Zuzendaritzari:

1. Oinarrizko graduko hasierako lanbide-heziketa garatu eta ezartzeko behar diren ekintzak planifikatu eta ezartzea.
2. Oinarrizko graduko hasierako lanbide-heziketa emateko eskumena udalei eskuordetzea kudeatu, garatu eta izapidetzea.
3. Araubide bereziko kirol-irakaskuntzak garatu eta ezartzeko behar diren ekintzak planifikatu eta ezartzea.
4. Helduen hezkuntzako (HHE) programak garatzeko eta ezartzeko beharrezkoak diren ekintzak planifikatzea eta ezartzea.
5. Helduen hezkuntzako zentroetako langileen eta baliabide materialen beharrizanak planifikatzea.
6. Helduen hezkuntzarako unitateak eta ikastetxeak sortu, eraldatu eta kentzea, bai eta irakasle-premiak definitzea ere, Langileak Kudeatzeko Zuzendaritzarekin eta Kudeaketa Ekonomikoaren Zuzendaritzarekin koordinatuta.
7. Esparru ez-formalean, bizialdi osoan ikasketa-jarduerak garatzeko beharrezkoak diren ekintzak planifikatu eta ezartzea, betiere unean uneko premiak kontuan hartuta.
8. Espetxeetan helduen hezkuntza eta lanbide-heziketa garatzeko eta ezartzeko beharrezkoak diren ekintzak planifikatu eta ezartzea, Justizia eta Giza Eskubideen Sailarekin lankidetzan.
9. Bizialdi osoko ikaskuntzarekin lotutako bitartekaritza-zerbitzuak planifikatzea.
10. Euskal Hezkuntza Sistemaren Orientazio estrategiaren garapena bultzatzea, lanbide-heziketari dagokionez, Plangintza eta Antolaketa Zuzendaritzarekin eta Eraldaketa Digitalaren eta Ikaskuntza Aurreratuen Zuzendaritzarekin elkarlanean.

Aurreko apartatuan adierazitako gaietan, Hezkuntza Saileko lurralde-ordezkaritzak Ikaskuntza Berezien Zuzendaritzaren mende egongo dira funtzionalki.