Eusko Jaurlaritzako Lanbide Heziketako Sailburuordetzak maiatzaren 13tik 15ra EuskoSkills 2025 antolatuko ditu.

2025eko EuskoSkills lehiaketan, soilik Spainskilletan ofizialak izango diren kategoria edo skills-etan izen-emateko aukera izango da.

Izen-emate prozesuaren ondoren, egindako izen emateen arabera, EuskoSkills 2025ean lehiaketara aterako diren kategoriak erabakiko dira.

Aukeratuko diren kategorien inguruko erabakiak hartzeko, honako irizpideak hartuko dira kontutan: Partehartze kopurua, ikastetxe kopurua eta logistika arazoak.

EuskoSkills 2025 txapelketa, lehiaketa urtean, edozein Heziketa Ziklotan matrikulatutako ikasleei zuzenduta dago, beti ere, txapelketako familia batekin lotuta badago.

Ezinbesteko da parte hartzaileek 2026. urtean 22 urte baino gehiago ez izatea; hau da, 2004ko urtarrilaren 1ean edo ondoren jaiotakoak izatea. Zenbait kategoriatan (Mekatronika, Cloud Computing, Sistema Robotiko Integratuak), adin-muga 24 urtekoa izango da, eta, kasu horretan, 2002ko urtarrilaren 1ean edo ondoren jaioak izan behar dute.

Lehiaketa gehienak banakakoak dira, honako kasu hauetan izan ezik: Mekatronika, Paisaiaren Lorategintza eta Sistema Robotiko Integratuak binaka direla

Era berean, ikastetxe bakoitzak lehiakide bat baino gehiago aurkeztu ahal izango du banakako lehiaketetan, eta talde bat baino gehiago taldekako lehiaketetan. Ikastetxe bakoitzean izena emandako pertsona baten edo talde baten parte-hartzea bermatu ondoren, Batzorde Antolatzaileak baloratuko du lehiaketan ikasle edo talde batek baino gehiagok parte hartzeko aukera.

Laster, EuskoSkill-en araudia esteka honetan eskuragarri izango duzu: EuskoSkills 2025 lehiaketaren arauak .

Izena emateko epea: 2024ko azaroaren 11tik 21era arte, biak barne.