Eusko Legebiltzarrerako hauteskundeak 2024. Hautesleak. Nola bozkatu behar da? Aurrez aurreko botoa

Nork eman dezake botoa?

Bozka dezakezu 2023ko abenduaren 1ean Egoiliarren Hautesle-erroldan Euskadiko udalerri batean inskribatuta bazaude.

Nola bozkatu?:

Ordutegia: Bozkatzeko ordutegia jarraia izango da, 09:00etatik 20:00etara.

Aurrez aurre bozkatzeko prozedura hau da:

1. Zoaz hautesle-erroldako txartelean agertzen diren hauteslekura eta mahaira. Txartel hori zure bizilekura bidaltzen da eta, horretan, zure izena eta abizenak agertzen dira. Era berean, hauteskunde-mahaira joan aurretik, hauteslekuaren barruan ere zerrendak daude, zein mahai dagokizun kontsultatzeko.
2. Boto-paperari eta bozketako gutun-azalari dagokienean, bi aukera dauzkazu:
   1. Etxetik bertatik prestatuta eraman boto-papera bozketako gutun-azalaren barruan.
   2. Boto-papera hauteslekuan bertan aukeratu eta bozketako gutun-azalean sartu, jarraian mahaian bozkatzeko. Nahi izanez gero, botoa prestatzeko bozketa-kabina erabil dezakezu.
3. Hurbildu mahaira eta eman hauteskunde-mahaiko mahaiburuari zure nortasuna egiaztatzen duen jatorrizko dokumentua – NAN, pasaportea edo gidabaimena-, baita bozketako gutun-azala ere.
4. Bokalek zure nortasuna eta erroldan zaudela egiaztatuko dute.
5. Bozketako gutun-azala mahaiburuari eman behar diozu. Mahaiburuak, jendaurrean gutun-azala ezkutatu gabe, ozenki esango ditu zure izen-abizenak, eta "botoa ematen du" esanez, berriro emango dizu gutun-azala, hautestontzian sar dezazun.
6. Botoa eman ondoren, boto-emaileen zerrenda zenbakidunean zure izen-abizenak ondo idatzi diren ala ez ikus dezakezu.
7. Zure enpresan botoa ematera joan zarela egiaztatu behar baduzu, egiaztagiri bat eska diezaiokezu mahaiburuari.

 Informazio gehiago: ELHL