Proiektuaren helburu orokorrak:

• Gardentasunean aurrera egitea, sarbide errazeko zerbitzu baten bidez eta herritarrak hautatzen duen bidea erabiliz garatu ahal izateko informazio esanguratsua, koherentea, aproposa, kalitate gorenekoa eta azkarra emateko tresnak.
• Herritarrek egindako informazio-eskaerei modu egokian erantzutea

Proiektuaren helburu operatiboak:

• EAEk lider izaten jarraitzea Estatuko gardentasun-rankingetan, eta nazioarteko erreferentzia-ereduetarantz joatea.
• Kalitatez eta ezarritako epearen barruan erantzutea eskaeren % 90i.

Berrikuntza Publikoaren Plana 2014-2016

Gardentasuna ezartzea bilatzen da, herritarrek administrazioaren jarduera ezagutzeko duten eskubidea gauzatu ahal izan dezaten, herritarrek kudeaketa publikoan duten parte-hartzea eta informazioa jakiteak ematen duen kontrol soziala sustatuz.

Bi alderdi hartu behar dira kontuan: batetik, pertsona bakoitzak informazioa bilatzeko eta eskatzeko duen eskubidea; bestetik, administrazioak daukan informazioa eman beharra (eskatutakoa nahiz modu proaktiboan emandakoa), bere lan publikoari buruzkoa denean.

Antolamendu-mailako neurriak aurreikusten dira, bultzada eta gidaritza politikoa emateko, bai eta araudiak eta teknikak ere, informazio- eta komunikazio-sistemarik egokienak sortu ahal izateko (eskuragarriak, eguneratuak, informazioa kalitatezkoa, berrerabilgarria eta esanguratsua ematen dutenak…).

Gidaritza politikoa:

• Lehendakaritza

Bultzada operatiboa:

• HHABHZ