Vitoria-Gasteizen (Borinbizkarra) erregimen autonomikoko 135 etxebizitza tasatu erosketan esleitzeko prozedura abian jarriko du Neinor península, S.L.U. sustatzaile pribatuak

PARTE HARTZEKO BALDINTZAK

• Etxebiden alta emanda egotea.
• Diru-sarrerak: 2021. urtean, 15.000 (gutxieneko muga -mugikortasun urria edo ezgaitasun psikikoa daukatenentzat, 3.000-) eta 50.000 (gehieneko muga) euro arteko diru-sarrera haztatuak egiaztatzea.
• Errolda: etxebizitzaren titular izango direnetako batek Euskal Autonomia Erkidegoan erroldaturik urtebetez egon beharko du.
• Eskatutako udalerria edo eremu funtzionala: gutxienez izena emateko eskaeran aukeratutako udalerrietako bat Araba Erdiko Eremu Funtzionalekoa izan beharko da.

ERREKLAMAZIOA AURKEZTEKO EPEA

2023ko apirilaren 20an, www.etxebide.euskadi.eus webgunean eta Eusko Jaurlaritzako taula elektronikoan, argitaratuko dira sustatzaileak notario aurrean egingo duen esleipenean parte hartuko duten pertsonen zerrenda, baita parte hartuko ez duten pertsonen eta horrela gertatzeko arrazoien zerrenda ere. Halaber, zerrendei erreklamazioak aurkezteko epea zein izango den zehaztuko da.

ETXEBIZITZAREN ESLEIPENARI UKO EGITEA

Esleipen prozeduran parte hartzea eskatzen baduzu eta etxebizitza bat esleitzen bazaizu, esleipenari uko eginez gero, salbuespenak salbuespen, Etxebideko Erregistroan baja izango zara, eta urtebetez izena emateko debekua izango duzu. Esleipen prozeduran parte hartzen ez baduzu, horrek ez du inolako eraginik izango zure Etxebideko espedientean.

SUSTAPENARI BURUZKO INFORMAZIOA

135 etxebizitza, horietatik:

• 48 etxebizitza, hiru logela eta bi bainugelakoak, 90m2-ko azalera erabilgarriarekin, gutxi gorabehera.
• 81 etxebizitza bi logela eta bi bainugelakoak, 70m2-ko azalera erabilgarriarekin, gutxi gorabehera.
• 6 etxebizitza egokituak, bi logela eta bi bainugelakoak, 90 m2-ko azalera erabilgarriarekin, gutxi gorabehera.

Salneurriak (BEZik gabe):

• Etxebizitzak + azalera handiagoko eranskinak: 283.900 €
• Etxebizitzak + azalera txikiagoko eranskinak: 235.600 €
• Etxebizitza egokituak + eranskinak: 283.900 €

Informazio gehiago eskuratzeko:

NEINOR STORE

Santiago Ramón y Cajal kalea 1 – 01005 Vitoria-Gasteiz

Telefonoa: 661 542 403

Posta elektronikoa: portiz@basico.es

Izena eman dezakezu:

1. www.etxebide.euskadi.eus/espedientea  web gunean - Sustapenak atalean. 

Izena emateko erabili ditzakezu:

-BakQ.

-Baliozko ziurtagiri elektronikoa (NANa, Izenpe...).

Web gunean topatuko duzu izena emateko behar duzun laguntza. 

2. Aurrez aurre:

ZUZENEAN Herritarrentzako Zerbitzuan, aurrez hitzordua eskatuta: Ramiro de Maeztu 10, behea, Vitoria-Gasteiz

Aurretiko hitzorduaren xehetasuna

Nahitaezkoa izango da aurretiko hitzorduarekin joatea. Hori honako hauetan eska daiteke:

• www.euskadi.eus/hitzordua-zuzenean  -en 
• 945 019 000 telefonoaren bidez

Hitzorduak 15 minutuko tarteetan eskainiko dira (ezarritako orduan bulegoko harrera-mahaian aurkeztu beharko duzu).

Oharrak

• Gogoratu zure boligrafoa eraman behar duzula.
• Puntualtasuna eskatzen da, hitzordua ez galtzeko.
• Bulegoetara pertsona bakarra sartuko da, salbu eta mendeko pertsonei laguntzen bazaie.
• Bulegora joaten denak bere burua identifikatu beharko du horretarako prestatutako kioskoan, hitzordua hartzean eman zitzaion kodearen bidez.