Ikasketak unibertsitatean

Erabakia hartu aurretik ongi pentsatu. Ondorengo gomendioak erabilgarriak izango dituzu:

• Utzi alde batera familiaren presioak.
• Erabaki garrantzitsua da, beraz, ongi pentsatu.
• Etorkizunean zure burua lanbide horretan ikusten duzun pentsa ezazu.
• Hitz egin sektoreko profesionalekin.
• Aztertu aukera guztiak.
• Ez ahaztu, asmatzen ez baduzu karreraz aldatzeko aukera duzula.

Informazio baliagarria aurkituko duzu E.J.ko Hezkuntza Sailak argitaratu duen unibertsitatean sartzeko gida . Ezagutzen dituzu plan berriak? nola sartu unibertsitatean? nolakoak dira sarrera probak? zeintzuk dira Euskadin eskaintzen diren ikasketak datorren ikasturtean?

Euskal Herriko Unibertsitateak zure esku du Ikasleentzako Argibide Zerbitzua. Bertan, karreren inguruko informazioa, horietara sartzeko behar den nota, euskaraz dauden karreren eskaintza eta beste hainbat gairen inguruko informazioa eskaintzen da. Gainera, zerbitzu horrek urtean hainbat informazio hitzaldi eskaintzen ditu Euskal Autonomia Erkidegoko herrietan. Era berean, EHUk orientaziorako jardunaldiak antolatzen ditu bere hiru kanpusetan eta martxoko lehen astean ate irekiko jardunaldiak izaten dira Unibertsitatean. Horrela, nahi duen orok Unibertsitatea gertutik ezagutzeko aukera du.

Hainbat aukera dituzu ikasle legez ostatu hartzeko:

• Euskal Herriko Unibertsitatean
• Deustoko Unibersitatean
• Mondragon Unibertsitatean
• Gelak eta etxebizitzak
• Euskaditik kanpora ikasteko asmoa baduzu, hainbat Ikastetxe Nagusi dituzu unibertsitatearen arabera.

Unibertsitatera egunero joateko garraio publikoa (autobusa edo trena) erabil dezakezu edo autoa partekatu.

Hainbat herritatik joateko, unibertsitateko ikasleek elkarteak eratu dituzte. Elkarte hauek unibertsitateko ikasleek zuzendutakoak dira, eta ikasleek ordaintzeko moduko prezioak eskaintzen dituzte. Altube, Bidaitxungo, Bikain, Goto-pesa, La Unión eta Pipper dira elkarteak. UPV/EHUko Garraio Zerbitzuan informazio gehiago eskuratuko duzu.

Kontsulta ezazu UPV/EHU-k praktikak eta lan eskaintzak kudeatzeko prest duen web orria, ikasle eta ikasle ohientzat.

• Gazte Informazio Bulego sareak bildutako deialdiak (formakuntzarako, ikerketarako, espezializatzeko, praktikak egiteko, unibertsitateko ikasketak edo unibertsitatekoak ez diren ikasketak egiteko, garraiorako, hizkuntzak ikasteko, eta abar.)
• Europan ikastea: 
  • Bekak eta praktikak Europa erakundeetan eta nazioarteko erakundeetan
  • Erasmus +
• Eusko Jaurlaritzako Hezkuntza, Hizkuntza Politika eta Kultura Saila (Unibertsitateko ikasleentzat, ikerketa eta graduatu-ondokoentzat)
• Laguntzak eta bekak UPV/EHUko web orrialdean
• Zientzia eta Berrikuntza  - Ministerioaren orrian

Ekintzailetasuna sustatzeko programak

• ZITEK negozio edo enpresa bat eratu nahi duten Euskal Herriko Unibertsitateko Bizkaiko Campuseko unibertsitate-komunitateari (tituludunak, irakasleak, ikertzaileak eta administrazio-langileak) laguntzeko programa da.