Maria Sortzez Garbiaren Katedrala (Katedral Berria)

Maria Sortzez Garbiaren Katedrala (Katedral Berria) Gasteizko eraikin neogotikorik garrantzitsuena da. Florida parkearen parean dago.

1862an Bizkaia, Gipuzkoa eta Arabako elizbarrutia sortu zenean, katedral berri bat beharrezkoa zela ikusi zuten, Santa Maria Katedrala egoera txarrean zegoelako eta txikiegia zelako apaiz guztiak bertan batzeko. 1904an hasi zituzten tenplu berria egiteko lanak eta eraikina 1969an inauguratu zuten.

Gurutze latindar formako oinplanoa, bost nabe, girola eta kripta ditu. Barruan, batez ere kriptan, eskultura bikainak daude. Kanpoko xurrutarriek ere aipamen berezia merezi dute. Katedralaren girolan Arabako Arte Sakratuaren Museoa dago.

Bisita gidatuak:

egunero igandetan izan ezik Hizkuntzak: euskera, gaztelania, frantseza eta ingelesa

Ordutegiak eta prezioak jakiteko:

KALEARTE 945 101 070 edo info@kalearte.com