Estatuko Administrazioak eta Euskal Autonomia Erkidegoko Administrazioak osatutako Bitariko Lankidetza Batzordeak 2013ko martxoaren 13ko bilkuran honako akordio hau hitzartu du:

1. Estatuko Administrazioak eta Euskal Autonomia Erkidegoko Administrazioak osatutako Bitariko Lankidetza Batzordearen 2012ko irailaren 24ko Akordioa bete nahirik osatutako lantaldeak genero-arrazoiengatik inor ez baztertzeari eta transexualen eskubideak aitortzeari buruzko ekainaren 28ko 14/2012 Legearen inguruan sortutako eskumen-desadostasunak aztertu eta horiei buruzko konponbide-proposamen bat aurkezteko egindako negoziaketekin bat etorriz, bi alderdiek uste dute konponduta daudela desadostasun horiek, konpromiso hauetan oinarrituta:

   Bi alderdiak bat datoz 14/2012 Legearen 3. eta 7. artikuluak interpretatzeko eran, transexualaren aitorpena legearen ondorioetarako soilik ulertzen dela uste dutelako, eta Euskal Autonomia Erkidegoaren eskumen-eremuan, eta horrek ez diola eragiten interesdunaren izaera juridikoari, harik eta erregistroko inskripzioa aldatu arte. Inskripzio-aldaketa martxoaren 15eko 3/2007 Legeak arautzen du, pertsonen sexuari buruzko aipamenaren erregistro-zuzenketa erregulatzen duenak.

2. Lortutako akordioa dela-eta, bi alderdiek uste dute akordio honetako ebazpenen inguruan sortutako desadostasunak desagertu egin direla.

3. Akordio hau Konstituzio Auzitegiari jakinaraztea, eta Estatuko Aldizkari Ofizialean eta Euskal Herriko Agintaritzaren Aldizkarian argitaratzea, Konstituzio Auzitegiari buruzko urriaren 3ko 2/1979 Lege Organikoaren 33.2 artikuluan ezarritakoaren ondorioetarako.

   Madril, 2013ko martxoaren 13a.

   Ogasun eta Herri Administrazioetako ministroa,

   CRISTÓBAL MONTORO ROMERO.

   Herri Administrazio eta Justiziako sailburua,

   JOSU IÑAKI ERCORECA GERVASIO.