1. Dekretu honek Lanbide Heziketako irakaskuntzako Natura Inguruneko eta Astialdiko Gidaritzako teknikariaren tituluari dagokion curriculuma ezartzen du, Euskal Autonomia Erkidegorako.

2. Ikastetxeari dagokio, autonomia pedagogikoa eta antolamendukoa baliatuz, bere curriculum-proiektua ezartzea, eta proiektu horretan zehaztuko ditu bere irakaskuntza-lanaren ezaugarriak eta identitatea zehazteko behar diren erabakiak, bai eta lanbide-moduluen programazioak prestatzeko irizpideak finkatzeko behar diren erabakiak ere.

3. Ikastetxearen curriculum-proiektuaren esparruan, heziketa-zikloaren ardura duen irakasle-taldeari eta, zehazki, irakasle bakoitzari dagokio programazioak prestatzea. Horretarako, ezartzen diren helburu orokorrak kontuan izan beharko ditu, lanbide-modulu bakoitzean jasotzen diren ikaskuntza-emaitzak eta edukiak errespetatu beharko ditu eta irakaskuntzen erreferentziazko lanbide-profila hartu beharko du euskarri.

1. Heziketa-zikloaren helburu orokorrak:

   1. Natura-ingurunean ibilaldiak egiteko ibilbideak prestatzea, lurraren ezaugarriei, kirol-jarduera fisiko motari eta erabiltzaileen profilei buruz behar den informazioa bilduz, taldeekin natura-ingurunean egiteko kirol-jarduera fisiko gidatuak diseinatzeko.

   2. Izaera ludikoko jarduera osagarriak programatzea, erabiltzaile motaren ezaugarri eta interesak eta ingurunea aintzat hartuta, natura-ingurunean taldeekin egiteko kirol-jarduera fisiko gidatuak diseinatzeko.

   3. Jarduerak egin aurreko jarduketak zehaztea, eta natura-ingurunean taldeekin egiteko kirol-jarduera fisiko gidatuak antolatzeko beharrezkoak diren izapide, baliabide eta zerbitzu osagarriak aletzea.

   4. Jardueren ekipamendu eta materialak berrikusi eta konpontzea, eta protokoloak ezartzea eta teknika egokiak erabiltzea, beharrezko materialen eta ekipamenduen mantentze-lanak egiteko.

   5. Animazio-teknikak aplikatzea, baliabideen, taldearen eta jolas-estrategien antolamendua egokitzea eta ingurunearen baldintzak ziurtatzea, kultura- eta astialdi-jarduerak dinamizatzeko.

   6. Taldeekin egiten diren jarduerek ingurumenaren gainean duten inpaktua aztertzea, eta ingurumenean nolako eragina duten identifikatzea, naturaguneen kontserbazioaren inguruan sentsibilizatzeko.

   7. Natura-ingurunean taldeak aurrera eramateko eta gidatzeko teknikak menderatzea, eta baliabideen eta taldearen antolamendua eta kanalak eta informazio mota egokitzea, taldeak behe- eta erdi-mailako mendiko ibilbideetan gidatzeko.

   8. Soka bidez segurtatzeko maniobrak eta aurreratze bertikalekoak menderatzea, taldeak gidatzeko zailtasun txikiko harpeetan eta arrisku txikiko arroiletan.

   9. Natura-ingurunean taldeak bizikletaz aurrera eramateko eta gidatzeko teknikak menderatzea, eta baliabideen eta taldearen antolamendua eta kanalak eta informazio mota egokitzea, taldeak bizikleta-ibilbideetan gidatzeko.

   10. Natura-ingurunean zaldizkoen taldeak gidatzeko teknikak menderatzea, eta baliabideen eta taldearen antolamendua eta kanalak eta informazio mota egokitzea, zaldiketa-jarduera gidatuak zuzentzeko.

   11. Oinarrizko zaldiketa-teknikak menderatzea, eta zaldiz ibiltzeko aplikatzea.

   12. Igeriketa-estiloen teknika menderatzea, eta uretan ibiltzeko aplikatzea.

   13. Uretan taldeak aurrera eramateko eta gidatzeko teknikak menderatzea, baliabideen eta taldearen antolamendua eta kanalak eta informazio mota egokituz, egiaztagiria izatetik salbuetsita dauden aisiako ontzietan taldeak gidatzeko ur-ingurune naturalean.

   14. Jardueretan kontrol-, segurtasun- eta dinamizazio-teknikak aplikatzea, jardueren eta ekipamenduen berezko arriskuak aztertuz, erabiltzaileak aisia- eta abentura-instalazioetan gidatzeko.

   16. Kanpatze-teknikak aplikatzea, eta eremuen kokalekua eta baldintzak zedarritzea, taldeek natura-ingurunean gaua nola igaro antolatzeko.

   17. Jardun-protokoloak prestatzea, izan daitezkeen kontingentziak eta arrisku-egoerak aurreikusiz, segurtasun-neurriak zehaztu eta hartzeko.

   18. Istripurik izanez gero, esku hartzeko oinarrizko prozedurak aplikatzea, eta jarduerak egiten ari diren bitartean istripuren bat izan duten parte-hartzaileei oinarrizko arreta emateko ezarritako protokoloak baliatzea.

   19. Lehorrean eta uretan larrialdi-egoerei egokitutako erreskate-prozedurak aplikatzea, segurtasun-neurriak koordinatuz eta larrialdi-egoeretan taldea zuzentzeko ezarritako protokoloak erabiliz.

   20. Bizialdi osoko ikaskuntzarako dauden baliabideak, eta komunikazio- eta informazio-teknologiak aztertu eta erabiltzea; ikasteko eta ezagupenak eguneratzeko, hobekuntza profesional eta pertsonalerako aukerak antzemanda, eta hainbat egoera profesionaletara eta lanekoetara egokitzeko.

   21. Talde-lanak garatzea eta haien antolamendua baloratzea, tolerantziaz eta errespetuz parte hartuz, eta erabaki kolektiboak edo bakarkakoak hartzea, erantzukizunez eta autonomiaz jarduteko.

   22. Sormenezko irtenbideak hartu eta balioestea lan-prozesuak garatzean sortzen diren arazo eta gorabeheren aurrean, dagokion jardueran izaten diren gertakariak erantzukizunez ebazteko.

   23. Komunikazio-teknikak aplikatzea, zabaldu beharreko edukietara, horien helburura eta hartzaileen ezaugarrietara egokituta, prozesuaren eraginkortasuna ziurtatzeko.

   24. Lanbide-jarduerarekin lotutako ingurumen- eta lan-arriskuak aztertzea, eta horien sorburuekin lotzea, hartu beharreko prebentzio-neurriak oinarritzeko eta dagozkion protokoloak aplikatzeko, nork bere buruari, inguruneari eta ingurumenari kalterik ez egitearren.

   25. Irisgarritasun unibertsalari eta «denontzako diseinuari» erantzuteko beharrezkoak diren teknikak aztertzea eta aplikatzea, baita desgaitasuna duten pertsonei tratu egokia emateko teknikak ere.

   26. Ikasteko prozesuan lanaren kalitate-prozedurak eta erreferentziako produkzio-sektorearenak hobetzeko beharrezkoak diren teknikak aplikatzea eta aztertzea.

   27. Ekintzailetzako, enpresako eta ekimen profesionaleko kulturarekin lotzen diren prozedurak erabiltzea, enpresa txiki baten oinarrizko kudeaketa egiteko edo lan bati ekiteko.

       aa) Gizarte-eragile aktibo den heinean zer eskubide eta betebehar dituen jakitea, aintzat harturik baldintza sozialak eta lanekoak arautzen dituen lege-esparrua, herritar demokratiko gisa parte hartzeko.

       ab) Euskal Autonomia Erkidegoan hizkuntza-eskubideak babesten dituen legeria eta euskararen ezarpena eta garapena bideratzen duen araudia ezagutzea.

2. Honako hau da heziketa-zikloa osatzen duten lanbide-moduluen zerrenda:

   Zaldiketa-teknikak.

   Zaldi-gidaritza.

   Taldeentzako arreta.

   Ibilbideak antolatzea.

   Behe eta erdi-mailako mendiko gidaritza.

   Bizikleta-gidaritza.

   Astialdiko teknikak.

   Igeriketa-teknikak.

   Natura-inguruneko sorospena.

   Ur-ingurune naturaleko gidaritza.

   Maniobrak sokekin.

   Ingeles teknikoa.

   Laneko prestakuntza eta orientabidea.

   Enpresa eta ekimen sortzailea.

   Lantokiko prestakuntza.

   1. eranskinean zehazten da lanbide-moduluen ordu-esleipena, bai eta lanbide-moduluak zer kurtsotan eman behar diren ere.

      Hezkuntzaren alorrean eskumena duen sailak araututako heziketa-eskaintzaren arabera egokitu daiteke moduluen ordu-esleipena eta horren arabera zehaztu daiteke moduluak zer kurtsotan emango diren, dekretu honen 10. artikuluak arautzen duenarekin bat.

3. Lanbide-modulu bakoitzerako, ikaskuntzaren emaitzak ezartzen dira, prestakuntza-aldia amaitzean ikasleek jakin, ulertu eta egin dezan espero dena azaltzen dutenak, eta, halaber, ebaluazio-irizpideak eta eman beharreko edukiak ezartzen dira. Hori guztia II. eranskinean ezartzen da.

4. Lantokiko prestakuntzako modulua, bestalde, bigarren kurtsoko azken 12 asteetan gauzatuko da, eta ikastetxean egindako lanbide-modulu guztietan aldeko ebaluazioa lortu ondoren egin ahal izango da.

5. Euskal Autonomia Erkidegoko Lanbide Heziketari buruzko ekainaren 28ko 4/2018 Legearen 28. artikuluan arautzen da nola txertatu atzerriko hizkuntzak, batez ere ingelesa, Euskal Autonomia Erkidegoko prestakuntza-prozesuetan.

   Europar Batasuneko Kontseiluak 2018ko maiatzaren 22an etengabeko prestakuntzarako funtsezko konpetentziei buruz emandako gomendioari jarraituz, eta Kualifikazioei eta Lanbide Heziketari buruzko ekainaren 19ko 5/2002 Lege Organikoaren hirugarren xedapen gehigarrian ezarritakoaren arabera, heziketa-ziklo honetan atzerriko hizkuntza lantzeko, Ingeles Teknikoko modulu bat erantsiko da haren curriculumean.

Prestakuntza garatzeko eta ezarritako emaitzak eta konpetentziak lortzeko gutxieneko espazioak eta ekipamenduak III. eranskinean zehazten dira.

1. Heziketa-ziklo hau osatzen duten lanbide-moduluak honako irakaskuntza-kidego hauetako irakasleek emango dituzte: Bigarren Hezkuntzako katedradunen kidegoko irakasleek, Bigarren Hezkuntzako irakasleen kidegoko irakasleek eta Lanbide Heziketako irakasle teknikoen kidegoko irakasleek betiere, dekretu honen IV. eranskineko 1. apartatuan ezarritako espezialitateen arabera, bai eta Hezkuntzari buruzko maiatzaren 3ko 2/2006 Legearen 95. artikuluari jarraituz sartzen diren irakasle espezialistek ere.

2. Irakaskuntza-kidego horietan sartzeko eskatzen diren titulazioak, oro har, Hezkuntzari buruzko maiatzaren 3ko 2/2006 Lege Organikoak aipatzen dituen irakasleen kidegoetan espezialitate berrietan sartzeko eta haiek eskuratzeko Erregelamenduaren 13. artikuluan ezarritakoak dira, eta 276/2007 Errege Dekretuak onartutako lege horren zazpigarren xedapen iragankorrean aipatzen den sartzeko araubide iragankorra arautzen da. Ondorio horietarako, aipatu titulazioen baliokideak irakaskuntza-espezialitateen arabera dekretu honen IV. eranskineko 2. apartatuan jasotakoak dira.

3. Irakasle espezialistek eskumena izango dute, salbuespenez eta aldi baterako, dekretu honen IV. eranskineko 1. apartatuan zehaztutako lanbide-moduluak irakasteko.

4. Irakasle espezialistek irakaskuntzako funtzio publikoan sartzeko eskatzen diren baldintza orokorrak bete beharko dituzte, Hezkuntzari buruzko maiatzaren 3ko 2/2006 Lege Organikoak aipatzen dituen irakasleen kidegoetan sartzeko eta espezialitate berriak eskuratzeko Erregelamenduaren 12. artikuluan ezarritakoak, eta otsailaren 23ko 276/2007 Errege Dekretuak onartutako lege horren zazpigarren xedapen iragankorrean aipatzen den sartzeko araubide iragankorra arautzen da.

5. Gainera, lanbide-moduluan biltzen diren prozesuen beharrei erantzuten zaiela bermatzeko, irakasle espezialistek, izendapen bakoitzaren hasieran, egiaztatu beharko dute dagokien lan-esparruan lanbide-esperientzia aitortua dutela, behar bezala eguneratua: zehazki, gutxienez bi urtez lanbidean jardun izana, izendapenaren aurreko lau urtean.

6. Hezkuntzakoaz bestelako administrazioen titulartasun pribatuko eta publikoko ikastetxeetako irakasleentzat, titulua osatzen duten lanbide-moduluak emateko behar diren titulazioak eta eskakizunak dekretu honen IV. eranskinaren 3. apartatuan ematen dira aditzera. Betiere, aditzera emandako titulazio horiek lortzeko irakaskuntzek lanbide-moduluen helburuak barnean hartu beharko dituzte. Helburu horiek barnean hartuta ez badaude, titulazioaz gain, gutxienez hiru urteko lan-esperientzia frogatu beharko da, ziurtagiri baten bidez, lanbide-arlo horrekin lotzen den sektorean, ikaskuntzaren emaitzekin inplizituki lotzen diren enpresetan produkzio-jarduerak garatzen hiru urteko esperientzia frogatu beharko du ziurtagiriak.

   Lan-esperientziaren bidez hartutako lanbide-konpetentziak egiaztatzeari buruzko uztailaren 17ko 1224/2009 Errege Dekretuaren 12. artikuluan xedatutakoaren arabera justifikatuko da lan-esperientzia.

   Ondorio horietarako, eta apirilaren 12ko, Unibertsitateei buruzko abenduaren 21eko 6/2001 Lege Organikoa aldatzen duena, 4/2007 Lege Organikoaren hamabosgarren xedapen gehigarriarekin bat etorriz, dekretu honen IV. eranskineko 4. apartatuan jasotako titulazioak gaituko dira lanbide-moduluetarako.

7. Sailaren ardura izango da lanbide-moduluak ematen dituzten irakasleek zehaztu diren eskakizunak bete ditzaten, eta horrela bermatuko da irakaskuntza horien kalitatea.

1. Natura Inguruneko eta Astialdiko Gidaritzako teknikariaren tituluak aukera ematen du erdi-mailako edozein heziketa-ziklotara zuzenean sartzeko, betiere horretarako ezartzen diren onarpen-baldintzak betetzen baldin badira.

2. Natura Inguruneko eta Astialdiko Gidaritzako teknikariaren tituluak aukera emango du hezkuntza-sistemako Lanbide Heziketako goi-mailako heziketa-zikloetara sartzeko, sarbide-prozedura bat gainditu ondoren, hala xedatuta baitago Hezkuntzari buruzko maiatzaren 3ko 2/2006 Lege Organikoaren 44.2 artikuluan.

3. Natura Inguruneko eta Astialdiko Gidaritzako teknikariaren tituluak aukera ematen du batxilergoko edozein modalitatetan sartzeko, indarreko araudian ezarritakoarekin bat etorriz.

1. Hezkuntza-sistemako Lanbide Heziketako tituluen eta Natura Inguruneko eta Astialdiko Gidaritzako teknikariaren titulurako dekretu honetan ezartzen diren lanbide-moduluen arteko baliozkotzeak V. eranskinean adierazten dira.

   VI. eranskinean jasotzen da Natura Inguruneko eta Astialdiko Gidaritzako teknikariaren irakaskuntzako lanbide-moduluen eta konpetentzia-unitateen arteko korrespondentzia horiek baliozkotzeko edo salbuesteko eta, orobat, titulu honetako lanbide-moduluen eta konpetentzia-unitateen arteko korrespondentzia, horiek egiaztatzeko.

3. Heziketa-zikloa osatzen duten lanbide-moduluetarako baliozkotzeak, salbuespenak eta korrespondentziak 32/2008 Dekretuaren 27. artikuluan biltzen dira (32/2008 Dekretua, otsailaren 26koa, Euskal Autonomia Erkidegoaren esparruan Hezkuntza Sistemako Lanbide Heziketaren antolamendu orokorra ezartzen duena) eta, halaber, esparru horretan betetzekoa den gainerako araudian.

4. Titulu honetan barnean hartutako konpetentzia-unitate guztiak Laneko esperientziaren bidez eskuratutako lanbide-konpetentziak aintzat hartzeari buruzko uztailaren 17ko 1224/2009 Errege Dekretuan ezarritako prozeduraren bitartez egiaztatu dituztenek aukera izango dute Laneko Prestakuntza eta Orientabidea lanbide-modulua baliozkotzea eskatzeko, baldin eta:

   Urtebeteko lan-esperientzia, gutxienez, egiaztatzen badute.

   Prebentzio-jardueraren oinarrizko eginkizunak betetzeko ezarritako prestakuntzaren egiaztagiria badute Prebentzio-zerbitzuen erregelamendua onartzen duen urtarrilaren 17ko 39/1997 Errege Dekretuan xedatutakoaren arabera emandako egiaztagiria.

Hezkuntzaren alorrean eskumena duen sailak arautuko ditu ziklo honetako irakaskuntzak araubide orokorrean ezarritakoaz bestelako eskaintza osoaren modalitatean eta urrutiko irakaskuntzan edo beste modalitate batzuetan eskaini ahal izateko baimena eta eskaintza horren oinarrizko alderdiak (hala nola moduluen iraupena eta sekuentziazioa).

LEHENENGO XEDAPEN GEHIGARRIA. Titulazio baliokideak eta lanbide-trebakuntzekiko lotura.

1. Abenduaren 22ko 2049/1995 Errege Dekretuak ezarritako Natura Ingurunean Gorputz eta Kirol Ekintzak Gidatzeko teknikariaren tituluak eta dekretu honetan ezarritako Natura Inguruneko eta Astialdiko Gidaritzako teknikariaren tituluak ondorio profesional eta akademiko berberak izango dituzte.

2. Laneko Prestakuntza eta Orientabidea lanbide-modulurako dekretu honetan xedatutako prestakuntzak gaitasuna ematen du laneko arriskuen prebentzioko oinarrizko mailako jardueren pareko lanbide-ardurak betetzeko, baldin eta gutxienez 45 eskola-ordu eman badira jarduerok Prebentzio-zerbitzuen Erregelamendua onartzen duen urtarrilaren 17ko 39/1997 Errege Dekretuan arautzen dira.

3. Dekretu honen lanbide-moduluetan ezarritako prestakuntzak barnean hartzen ditu ur-eremu naturaletako sorosle izateko prestakuntza-programen edukiak, Euskal Autonomia Erkidegoan naturguneetan sorosle gisa jarduteko indarrean dagoen araudiak eskatzen duena.

   Halaber, dekretu honen lanbide-moduluetan ezarritako prestakuntzak bermatu egiten du haurren eta gazteen hezkuntza-astialdiko jardueren begiralearen diplometan eskatutako jakintza-maila, Euskal Autonomia Erkidegoak astialdiko jarduerak egiteko eskatzen diren titulazio-betekizunak betetzearren.

   BIGARREN XEDAPEN GEHIGARRIA. Metodologia berriz egindako proiektuak baimentzea.

   Ikastetxeek aukera izango dute, beren autonomia pedagogikoaz baliatuta, eta ikasketa-proiektuko xedapenen arabera, dekretu honen eranskinetan lanbide-moduluek duten iraupena zertxobait aldatzea proposatzen duten proiektuak prestatzeko, heziketa-zikloak emateari buruzko estrategietan eta metodologietan oinarrituta. Hori egin ahal izango da, baldin eta ez bada aldatzen kurtsokako banaketa, eta titulua sortzeko errege-dekretuan modulu bakoitzerako ezarri diren gutxieneko ordutegiak errespetatzen badira. Hezkuntzaren arloko eskumena duen sailaren baimena beharko dute proiektuek.