Martxoaren 13ko 50/2001 Dekretuaren bidez (2001eko martxoaren 29ko EHAA, 62. zenbakia) eta uztailaren 22ko 177/1977 Dekretuaren bidez (1997ko abuztuaren 8ko EHAA, 150. zenbakia) Hazien eta Mintegiko Landareen Zerbitzuaren kudeaketaren zati bat «Neiker, Nekazal Ikerketa eta Garapenerako Euskal Erakundea» sozietate anonimo publikoari atxiki zitzaion eta nekazaritzako elikagaien arloko ikerketa zerbitzuaren kudeaketa «Azti, AB» herri-sozietateari. Xedapen bien 7. artikuluak zehazten du kudeaketa horiek zein kasutan itzuliko diren automatikoki Nekazaritza, Arrantza eta Elikadura Sailera eta zelango ondorioak izango dituzten.

Itzulketa automatikorako kasu bat Neiker ABk Eusko Jaurlaritzaren sozietate publikoaren izaera galtzea da eta horrek, alde batetik, sozietateari zerbitzu hori kudeatzeko emandako ondasun guztiak berreskuratzea ekarriko luke, betiere kontserbazio eta funtzionamendu egoera egokian; bestetik, itzultzen den zerbitzuan diharduten langileak, unean indarrean dauden lan-arauek ezartzen dituzten balditzetan, Administrazioari atxikitzea eta, azkenik, sozietateak eskuratutako ondasun eta eskubideen jabetza eta titulartasuna itzultzea, hau da, egungo Nekazaritza, Arrantza eta Elikadura Sailak zerbitzurako beharrezkotzat jotzen dituenak, eta, azken kasu horretan, betiere, egin barik dauden amortizazioak ordaindu ostean.

Denbora iragan denez, Nekazaritzako Elikagaien arloko Ikerketa Zerbitzuaren eta Hazien eta Mintegiko Landareen Zerbitzuaren atxikipenak egin zirenetik inguruabarrak aldatu dira eta Euskadiko Ogasun Nagusiaren Antolarauei buruzko Legearen Testu Bategina onartzen duen azaroaren 11ko 1/1997 Legegintza Dekretuan ezarri eta Euskadiko Ondareari buruzko Legearen testu bategina onartzen duen azaroaren 6ko 2/2007 Legegintza Dekretuak aldaketa bat ezartzen zuen sozietate publikoaren kontzeptuari dagokionez; eta azkenik, izaera publikoko fundazioen ezarpenak martxoaren 13ko 50/2001 Dekretuan eta uztailaren 22ko 177/1997 Dekretuan ezarritakoa berraztertu eta egokitu beharra dakar sozietatea publikoaren izaera galtzen duten zerbitzu horien itzulketari dagokionez. Guzti horrengatik proposatzen da aldakuntza hau, premia eta gorabehera berriei egokitzeko.

Beraz, Nekazaritza, Arrantza eta Elikadura sailburuak halaxe proposatuta, eta Jaurlaritzaren Kontseiluak 2009ko otsailaren 24an egindako bilkuran gaia aztertu eta onartu ondoren, hauxe