Erakunde bat sortzen da nekazaritza-politika bateratutik eratortzen diren gastuak ordaintzeko, zehazki, Batzordearen ekainaren 21eko 1290/2005 zenbakidun (EE) Erregelamenduko 3, 4 eta 5 artikuluetan aurreikusitakoak ordaintzeko. Gastuak Nekazaritzaren Europako Berme Funtsak (NBEF) eta Nekazaritza Aldeen Garapenerako Nekazaritzaren Europako Funtsak (LGNEF) finantzatuko dituzte. Hemendik aurrera Euskal Autonomia Erkidegoko Erakunde Ordaintzailea deituko zaio, eta Nekazaritza, Arrantza eta Elikadura Sailak eramango du.

1. ¿ Ondorengo hauek dira Euskal Autonomia Erkidegoko Erakunde Ordaintzailearen eginkizunak:

   1. Ordainketak baimentzea eta kontrolatzea, administrazio-kontrolei eta lur-eremuen kontrolei dagozkienak. Kontrolak ordainketak baimendu baino lehen egin beharko dira, eta beren helburua da eskatzaileari ordaindu beharreko laguntzaren zenbatekoa zuzena den egiaztatzea. Bestalde, Europako arautegia aplikatzearen ondorioz eskatzaileari ordaindu behar zaion zenbatekoa ezartzeko kontrola egingo da.

   2. Ordainketak gauzatzea, eskatzaileari (edo lagapen-hartzaileari) baimendutako zenbatekoa ordaintzeari dagokiona, edo nekazaritza aldeen garapenari dagokionez, Europako baterako finantziazioa. Hala, dagokion Bulego Likidatzaile Ofizialari ordainketa-instrukzioa edo -agindua bidali beharko zaio.

   3. Ordainketen kontabilitatea: NBEF eta LGNEF funtsei dagokienez erakundeak egiten dituen gastu guztiak erakundearen kontu-liburuetan erregistratzeko beharrezko ekintzak egingo dira, diruz lagunduko diren neurrien arabera, eta Europako arautegiak ezartzen duen maiztasunez. Funtsek finantzatutako aktiboak ere erregistratuko dira kontuetan, batez ere, esku-hartze izakinak, likidatu gabeko aurrerakinak, bermeak eta zordunak.

   4. Harremana: Kontseiluaren ekainaren 21eko 1290/2005 zenbakidun (EE) Erregelamenduko 6.3 artikuluak aipatzen duen Koordinazio Erakundearekin edo bestelako edozein erakunderekin harremanetan egongo da, NBEF eta LGNEF funtsekin lotuta Erakunde Ordaintzaileak esleituta dituen eginkizunei dagokienez.

2. ¿ Nekazaritza-politika bateratuaren finantziazioari buruzko Kontseiluaren ekainaren 21eko 1290/2005 zenbakidun (EE) Erregelamenduan, Batzordearen ekainaren 21eko 885/2006 zenbakidun (EE) Erregelamenduan eta arlo horretako bestelako Europako arautegi aplikagarrietan ezarritakoari atxikiko zaio Euskal Autonomia Erkidegoko Erakunde Ordaintzailea, eta aipatutako arautegi horien guztien arabera, bere eginkizunak zorrotz betetzeko beharrezko neurriak hartuko ditu.

Euskal Autonomia Erkidegoko Erakunde Ordaintzailearen antolakuntza-egiturak aurreko artikuluko a), b) eta c) idatz-zatietan aipatutako eginkizunen garapen banakatua bermatuko du. Ondorengo zerbitzu hauek izango ditu:

1. Barne Ikuskaritza Zerbitzua: nazioartean onartutako arauen arabera, erakunde ordaintzailearen prozedurek, jarduerek, sistemek eta jarduera-mekanismoek Europako arautegia errespetatzen dutela egiaztatzea da bere eginkizuna, bai eta kontabilitatearen zorroztasuna, osotasuna eta aukerak egiaztatzea ere.

2. Zerbitzu Teknikoa: ordainketen tramitazio-prozesuarekin loturiko eginkizunak gauzatzea dagokio, hasi arautegien jarraipenetik, informazio-sistemen diseinutik eta datu-baseen mantentze-lanetik eta ikuskapenak eta kontrolak egiteraino.

1. ¿ Ordainketak gauzatzea, ordainketen kontabilitatea eta harremanak, eta barne ikuskaritza zerbitzua Euskal Autonomia Erkidegoko Erakunde Ordaintzaileak zuzenean gauzatuko dituen zerbitzuak eta eginkizunak izango dira.

2. ¿ Aurreko paragrafoan aipatutako eginkizunak eta zerbitzuak, betiere eginkizunen bereizketa errespetatuta, horrela banatuko dira:

   1. Erakunde Ordaintzaileko zuzendaritza-organoa Nekazaritza, Arrantza eta Elikadura Saileko Nekazaritza eta Abeltzaintza zuzendaria da. Berak gauzatuko ditu zuzenean ordainketak eta harreman eginkizuna.

   2. Erakunde Ordaintzaileko Barne Ikuskaritza Zerbitzua Nekazaritza, Arrantza eta Elikadura Saileko sailburuaren kabinetearen zuzendaritzak zuzenduko du.

   3. Ordainketen kontabilitateaz Nekazaritza, Arrantza eta Elikadura Saileko Zerbitzu Orokorren Zuzendaritza arduratuko da.

Kontseiluaren ekainaren 21eko 1290/2005 zenbakidun (EE) Erregelamenduko 7. artikuluak aipatzen duen Euskal Autonomia Erkidegoko Erakunde Ordaintzailearen kontuen egiazkotasuna, zorroztasuna eta osotasunaren egiaztagiria Batzordearen ekainaren 21eko 885/2006 zenbakidun (EE) Erregelamenduan ezarritakoaren arabera egin eta bidaliko du Egiaztapen Erakundeak; Erakunde hori Gobernu Kontseiluak izendatuko duen administrazio-organo bat izango da.

1. ¿ Euskal Autonomia Erkidegoko Erakunde Ordaintzailea Batasuneko berariazko arauen menpe egongo da, baimentzeari eta kontrolari, ordainketen gauzatzeari eta kontabilitateari, bai eta Europako funtsen diru-sarrerei dagozkien arauen menpe.

2. ¿ Hala ere, Euskadiko Aurrekontu Araubideko arauak eta aurrekontuei eta diruzaintzari buruzko urteko legeetako arauak ere aplikatu beharko dira, funtsaren diru-kopuruen berariazko arautegiaren arabera.

3. ¿ Eusko Jaurlaritzaren Diruzaintza Nagusiko berariazko kontu baten bitartez gauzatuko dira ordainketak.

4. ¿ Kontseiluaren ekainaren 21eko 1290/2005 zenbakidun (EE) Erregelamenduko 37.1 artikuluan ezarritakoaren arabera, Euskal Autonomia Erkidegoko kontrol ekonomikoari eta kontabilitateari buruzko ekainaren 30eko 14/1994 Legeko ikuskatzaileen kontrola eta kontabilitate-kontrola aplikatuko zaie funts horiei.

5. ¿ NBEF eta LGNEF funtsen kargura finantzatutako eragiketetan irregulartasunak gertatzen badira, horiek atzemateko eta bidegabeki ordaindutako kopuruak berreskuratzeko, araudi hauetan xedatutakoa aplikatuko da: Kontseiluaren 595/1991 zenbakidun (EE) Erregelamendua, martxoaren 4koa, nekazaritza-politika bateratuaren finantziazioaren esparruan bidegabeki ordaindutako kopuruak berreskuratzeari eta irregulartasunei buruzkoa; 1/1997 Legegintzako Dekretua, azaroaren 11koa, Euskadiko Ogasun Orokorraren Antolamendurako Printzipioen Legearen Testu Bategina onetsi duena; eta 698/1991 Dekretua, abenduaren 17koa, bermeen araubide orokorra eta Euskal Autonomia Erkidegoaren Aurrekontu Orokorren kontura egiten diren diru-laguntzak itzultzea arautu eta horien kudeaketan parte hartzen duten erakunde laguntzaileek bete beharreko baldintzak, araubidea eta eginbeharrak finkatzen dituena.

1. ¿ Batasuneko NBEF eta LGNEF funtsen kontura finantzatutako laguntzetatik egiten diren kudeaketa- eta control-jarduerengatik, Europako Batasuneko organoen erabakietatik eratorriko diren eta jarduera horien ondorioz etorriko diren finantza-zuzenketak Araba, Bizkaia eta Gipuzkoako foru erakundeek beren gain hartuko dituzte.

2. ¿ Aurreko paragrafoan aurreikusitako egoeretan, Batzorde Paritarioak emango du ebazpena aipatutako finantza-zuzenketen inguruan, Europako NBEF nahiz LGNEF funtsen kargura finantzatutako laguntzei dagokienez. Batzorde Paritarioa hauen bitartez sortu da: 367/1998 Dekretua, abenduaren 15ekoa, NBBEF-Bermearen kargura finantzatutako laguntza zuzenak kudeatzeari buruzko zereginak, Euskal Autonomia Erkidegoko Erakunde Komunetatik Arabako Lurralde Historikora eskualdatutakoak, zabaltzen dituena; 368/1998 Dekretua, abenduaren 15ekoa, NBBEF-Bermearen kargura finantzatutako laguntza zuzenak kudeatzeari buruzko zereginak, Euskal Autonomia Erkidegoko Erakunde Komunetatik Bizkaiko Lurralde Historikora eskualdatutakoak, zabaltzen dituena; eta 369/1998 Dekretua, abenduaren 15ekoa, NBBEF-Bermearen kargura finantzatutako laguntza zuzenak kudeatzeari buruzko zereginak, Euskal Autonomia Erkidegoko Erakunde Komunetatik Gipuzkoako Lurralde Historikora eskualdatutakoak, zabaltzen dituena.

3. ¿ Nekazaritza, Arrantza eta Elikadura sailburuaren Aginduaren bidez ezarriko dira finantza-zuzenketak foru erakundeei edota Euskal Autonomia Erkidegoari esleitzeko eta zenbatekoa zehazteko irizpideak eta prozedurak.

Europako NBEF funtsaren kargura, eta Euskal Autonomia Erkidegoko Erakunde Ordaintzailearen bidez finantzatuko dira nekazaritza-politika bateratuaren finantziazioari buruzko Kontseiluaren ekainaren 21eko 1290/2005 zenbakidun (EE) Erregelamenduaren 3. artikuluko 1. paragrafoan aurreikusitako gastuak.

Dekretu honetako 4. artikuluan xedaturikoari kalterik egin gabe, Euskal Autonomia Erkidegoko Erakunde Ordaintzaileak ondorengo eginkizun hauek gauzatuko ditu zuzenean:

1. Laguntza zuzenen, produktu jakin batzuk erabili eta transformatzeagatik produkziora bideraturiko laguntzen eta nekazaritzako merkatuak arautzera bideraturiko esku-hartzeen zerbitzu teknikoaren zati bat.

2. Produktu jakin batzuk erabili eta transformatzeagatik produkziora bideraturiko laguntzen eta nekazaritzako merkatuak arautzera bideraturiko esku-hartzeen ordainketak baimentzea.

1. ¿ Nekazaritza eta Abeltzaintza Zuzendaritzak zerbitzu teknikotik eratorritako eginkizunak gauzatuko ditu, arlo hauen ingurukoak: laguntza zuzenak, produktu jakin batzuk erabili eta transformatzeagatik produkziora bideraturiko laguntzak, nekazaritzako merkatuak arautzera bideraturiko esku-hartzeak eta nekazaritzako merkatuak arautzera bideraturiko esku-hartze horien ordainketak baimentzea.

2. ¿ Elikagaien Kalitateko Zuzendaritzak zerbitzu teknikotik eratorritako eginkizunak gauzatuko ditu, arlo hauen ingurukoak: produktu jakin batzuk erabili eta transformatzeagatik produkziora bideraturiko laguntzak, nekazaritzako merkatuak arautzera bideraturiko esku-hartzeak eta produktu jakin batzuk erabili eta transformatzeagatik produkziora bideraturiko laguntzen ordainketak baimentzea.

1. ¿ Nekazaritza, Arrantza eta Elikadura Sailak, Euskal Autonomia Erkidegoko Erakunde Ordaintzailea den heinean, zerbitzu teknikoaren eginkizun batzuk berezko nortasun juridikoa duten erakunde pribatuei eskuordetu ahalko dizkie. Herri Administrazioen eta Administrazio Prozedura Erkidearen Kontratuei buruzko Legearen testu bategina onetsi zuen ekainaren 16ko 2/2000 Legegintzako Errege Dekretuan xedaturikoaren arabera gauzatuko da eskuordetzea.

2. ¿ Eskuordetzeak gai hauen ingurukoak izango dira: laguntza zuzenak, produktuak erabili eta transformatzeko laguntzak, nekazaritzako merkatuak arautzera bideraturiko esku-hartzeak. Hauek dira eskuordetu ahal izango diren eginkizunak:

   1. Prozeduren integrazio osoa ahalbidetzen duten jarduera-prozedurak garatzea.

   2. Informazioa integratzeko eta batera prozesatzeko aukera ematen duten aplikazio informatikoak garatzea.

   3. Datuak transferitzeko fitxategiak diseinatzea eta erakunde ordaintzailearen datu-basearen mantentze-lana.

   4. Informazioa prozesatzea.

   5. Prozesatutako informazioa sortzea, FEGAra bidali ahal izateko.

1. ¿ Abenduaren 15eko 367/1998 Dekretua, abenduaren 15eko 368/1998 Dekretua eta abenduaren 15eko 369/1998 Dekretua aplikatuta, Araba, Bizkaia eta Gipuzkoako Lurralde Historikoetako foru erakundeek zerbitzu teknikoaren eginkizunetako batzuk eta laguntza zuzenak baimentzeko eginkizuna gauzatuko dituzte, dagokion lankidetza-hitzarmenaren bidez antolatuko dena.

2. ¿ Hauek dira gauzatuko diren eginkizunak:

   1. NBEF funtsaren kontura finantzaturiko zuzeneko laguntzei dagokienez, Euskal Autonomia Erkidegoko Erakunde Ordaintzailearen Zerbitzu Teknikoaren jarduerak hauek dira:

      • Nekazariei argibideak eta aholkularitza ematea.

      • Eskaerak jasotzea.

      • Ikuskapen-planak garatu eta betetzea.

      • Kontrolak eta ikuskapenak egitea.

      • Kontrol-programak garatzea.

      • Eskaerak banan-banan ebaluatzea.

      • Zerbitzu Teknikoaren jarduna behar bezala betetzeko beharrezkoa den beste edozein eginkizun.

      • Banakako datuak Erakunde Ordaintzaileari bidaltzea euskarri magnetikoan edo komunikazio-sistema baten bidez, Erakunde Ordaintzailearen datu-basea beti eguneratuta egon dadin.

   2. Araba, Bizkaia eta Gipuzkoako Lurralde Historikoetako foru erakundeek Zerbitzu Teknikoaren beste jarduera batzuk ere beteko dituzte, antolamendu juridikoak hala xedatuz gero, Eskualdaketetarako Bitariko Batzordearen erabakian aurreikusitako Batzorde Paritarioak Erakunde Komunei esleitu ezik. Aipaturiko erabakia abenduaren 15eko 367/1998, abenduaren 15eko 368/1998 eta abenduaren 15eko 369/1998 Dekretuetan argitaratu zen.

   3. NBEF funtsaren kargura finantzatuko diren zuzeneko laguntzen ordainketak egiteko baimena ematea.

   4. Araba, Bizkaia eta Gipuzkoako Lurralde Historikoetako foru erakundeek ¿Euskal Autonomia Erkidegoko Erakunde Ordaintzailearen Bulego Likidatzaile Ofizialak diren aldetik¿ laguntzen diru-sarrerak egingo dizkiete onuradunei, eta hala jakinaraziko diete onuradunei.

Europako LGNEF funtsaren kargura, eta Euskal Autonomia Erkidegoko Erakunde Ordaintzailearen bidez, nekazaritza-politika bateratuaren finantziazioari buruzko Kontseiluaren ekainaren 21eko 1290/2005 zenbakidun (EE) Erregelamenduaren 4. artikuluan aurreikusitako gastuak finantzatuko dira, bai eta Lurralde Historikoetako foru erakundeek nahiz Nekazaritza, Arrantza eta Elikadura Sailak kudeatutako laguntzen inguruko gastuak ere.

Dekretu honetako 4. artikuluan xedaturikoari kalterik egin gabe, Euskal Autonomia Erkidegoko Erakunde Ordaintzaileak ondorengo eginkizun hauek gauzatuko ditu zuzenean, nekazaritza aldeen garapenerako programei eta jarduerei dagokienez:

1. Zerbitzu teknikoaren eginkizunen zati bat.

2. Nekazaritza, Arrantza eta Elikadura Sailak kudeatutako gastuen ordainketak baimentzea.

1. ¿ Nekazaritza aldeen garapenera bideratuta Nekazaritza, Arrantza eta Elikadura Sailak kudeatzen dituen laguntzetatik, Nekazaritza eta Abeltzaintza Zuzendaritzak eta arloan eskumena duten zuzendaritzek zerbitzu teknikotik eratorritako eginkizun batzuk gauzatuko dituzte.

2. ¿ Nekazaritza aldeen garapenera bideratuta Nekazaritza, Arrantza eta Elikadura Sailak kudeatzen dituen laguntzetatik, arloan eskumena duten zuzendaritzek ordainketak baimentzeko eginkizuna gauzatuko dute.

1. ¿ Nekazaritza, Arrantza eta Elikadura Sailak, Euskal Autonomia Erkidegoko Erakunde Ordaintzailea den heinean, zerbitzu teknikoaren eginkizun batzuk, berak kudeatzen dituen nekazaritza aldeen garapenerako laguntzen ingurukoak, berezko nortasun juridikoa dute erakunde pribatuei eskuordetu ahalko dizkie. Ekainaren 16ko 2/2000 Legegintzako Errege Dekretuan xedaturikoaren arabera gauzatuko da eskuordetzea.

2. ¿ Eskuordetu daitezkeen eginkizunak hauek dira, besteak beste:

   1. Prozeduren integrazio osoa ahalbidetzen duten jarduera-prozedurak garatzea.

   2. Informazioa integratzeko eta batera prozesatzeko aukera ematen duten aplikazio informatikoak garatzea.

   3. Datuak transferitzeko fitxategiak diseinatzea eta erakunde ordaintzailearen datu-basearen mantentze-lana.

   4. Informazioa prozesatzea.

   5. Prozesatutako informazioa sortzea, FEGAra bidali ahal izateko.

1. ¿ Araba, Bizkaia eta Gipuzkoako Lurralde Historikoetako foru erakundeek zerbitzu teknikoaren eginkizun batzuk gauzatuko dituzte, bai eta baimentze eginkizuna ere, eurek kudeatzen dituzten nekazaritza aldeen garapenerako laguntzak baimentzea, alegia; hori lankidetza hitzarmen egoki baten bidez antolatuko da.

2. ¿ Hauek dira gauzatuko diren eginkizunak:

   1. Euskal Autonomia Erkidegoko Erakunde Ordaintzaileko Zerbitzu Teknikoaren jarduerak, jarraian zehazten direnak:

      • Nekazariei argibideak eta aholkularitza ematea.

      • Eskaerak jasotzea.

      • Ikuskapen-planak garatu eta betetzea.

      • Kontrolak eta ikuskapenak egitea.

      • Kontrol-programak garatzea.

      • Eskaerak banan-banan ebaluatzea.

      • Zerbitzu Teknikoaren jarduna behar bezala betetzeko beharrezkoa den beste edozein eginkizun.

      • Banakako datuak Erakunde Ordaintzaileari bidaltzea euskarri magnetikoan edo komunikazio-sistema baten bidez, Erakunde Ordaintzailearen datu-basea beti eguneratuta egon dadin.

   2. Foru Aldundiek kudeatzen dituzten LGNEF funtsaren kargura finantzatutako nekazaritza aldeen garapenerako laguntzen ordainketak egiteko baimena ematea.

1. ¿ Araba, Bizkaia eta Gipuzkoako Lurralde Historikoetako foru erakundeek, eurek kudeatzen dituzten nekazaritza aldeen garapenerako laguntzei dagokienez, Ebazpen bakar batez ebatziko dituzte nekazaritza aldeen garapenerako aurkeztu diren laguntza-eskaerak, Foru Aldundiak finantzatutako laguntzaren zatia nahiz LGNEF funtsak finantzatutakoa.

2. ¿ Araba, Bizkaia eta Gipuzkoako Lurralde Historikoetako foru erakundeek dagozkien zenbateko osoak ordainduko dizkiete laguntzen onuradun direnei, Foru Aldundiak finantzatutako zatia nahiz LGNEF funtsak finantzatutakoa; betiere Europako arautegia aplikatuko da.

   Onuradunei ordainketa egin ondoren, Foru Aldundiek Europako Funtsen dirua itzultzeko eskatuko diote Erakunde Ordaintzaileari.

3. ¿ Erakunde Ordaintzaileak, kontrolak egin direla ikusten duenean eta ordainketa Europako arautegiak errespetatuz ondo egin dela ikusi ondoren, Foru Aldundi bakoitzari ordainketa horri dagozkion funtsak bidaliko dizkie.

1. ¿ Nekazaritza, Arrantza eta Elikadura Sailak kudeatzen dituen nekazaritza aldeen garapenerako laguntzei dagokienez, arloan eskumena duten zuzendaritzek emango dute laguntza, Ebazpen bakar baten bidez eta Euskal Autonomia Erkidegoko Aurrekontuaren kontura. Horrez gain, LGNEF funtsaren konturako laguntzetara sarbidea izatea proposatuko diote Erakunde Ordaintzaileari, eta, onuradun bakoitzari, aipatutako ebazpenaren berri eman eta Euskal Autonomia Erkidegoko Aurrekontuaren kontura finantzatutako laguntzaren zenbateko sartuko diote.

2. ¿ Erakunde Ordaintzaileak, beharrezko betebeharrak eta Europako arautegia betetzen dela egiaztatzen duten kontrolak egin ostean, LGNEF funtsaren kontura finantzatutako laguntzaren zatiaren ordainketa gauzatzeko Ebazpena igorriko du, eta onuradun bakoitzari laguntzaren zenbatekoa sartuko dio kontura.

Vitoria-Gasteizen, 2006ko urriaren 3an.

Lehendakaria,

JUAN JOSÉ IBARRETXE MARKUARTU.

Nekazaritza, Arrantza eta Elikadura sailburua,

GONZALO SÁENZ DE SAMANIEGO BERGANZO.