Barakaldoko Udaleko Kultura Sailak eta Lutxanako Dulzaina Eskolak eta Tailerrak Euskal Herrriko Alboka Eguna antolatuko dute maiatzaren 20an. Topaketa horretan hainbat jarduera egingo dira, eta musika tradizionala eta autoktonoa zabaltzea izango da helburua, bereziki musika-tresna honena, Euskal Herriko hainbat lekutako albokarien arteko harremanak eta penintsulako edo urrunagoko antzeko instrumentuetako musikariekiko harremanak sustatuz.

Topaketa horiek esperientziak partekatzeko, instrumentua irakasteko errepertorio komun bat lantzeko eta gaur egun albokak eskaintzen dituen soinu-aukera berriekin esperimentatzeko balio dute. Gainera, luthierren, musika-eskolen eta beren lana erakusten duten albokari profesionalak erakusleihoa da.

Ekitaldi hori urtero egiten da landagune desberdin batean, Euskal Herriko probintziak txandakatuz, albokariek hainbat lurralde eta jotzeko modu ezagutu ahal izan ditzaten. Gainera, tresna autoktonoa eta tradizionala izanik, landa-eremuarekiko eta ingurunearekiko atxikimendu berezia sentitzen du herritarrak. Besteak beste, honako lekuotan ospatu da Alboka Eguna: Otazu, Albaina, Zalduondo, Lantziego, Delika, Gizaburuaga, Arizkun, Otazu, Laquadra, Lendoñobeiti, Errekaleor, Uztaritze, Orbiso, Zeberio eta Txantrean.

Ospakizun hau interesa duten herritar guztiei zuzenduta dago, edo musika tradizionala estimatzen dutenei eta tarte on bat igaro nahi dutenei. Erakusketa bat, kontzertuak, zozketak eta abar izango dira. Albokariez gain, aukera ona da Errekatxok bizilagunentzat, beren herrian egun eder bat igarotzeko edo inguruko bizilagunentzat ere, musikaren testuinguru horretan herria ezagutzeko.  Errekatxo ibilgailu pribatuz ez saturatzeko, Kbus bidez joateko eskatzen diegu, edo, bestela, Errekatxo ikastetxean prestatuko den aparkalekua erabiltzeko.