“Bidexka” diskoa kaleratu berri du Urepeleko hirukoteak. Lan horren bidez, Miren, Amaia eta Paxkalin Airek omenaldi gisako bat egin nahi diete nola hainbat sortzaileri hala beren gurasoei, kulturaren transmisioaren bidea ez eteteagatik. Aire ahizpen disko hau, funtsean, BIDEXKA xume bat da, inoiz geldirik ez dagoen tradizio zahar-berriaren bide nagusiari estuki lotua dena.