Arautegia
InprimatuEBAZPENA, 2021eko irailaren 8koa, Lanbide-Euskal Enplegu Zerbitzuko zuzendari nagusiarena, laneratzeko enpresentzako eta enplegu-zentro berezientzako aparteko dirulaguntza-deialdi bat ebaztekoa, zehazki beren jarduerak etenda edo murriztuta dituztenak COVID-19ak eragindako osasun-krisialdia kudeatzeko deklaratutako alarma-egoera dela eta; laguntzok 2020ko deialdian iragarri ziren.
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Lanbide-Euskal Enplegu Zerbitzua; Lan eta Enplegu Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 192
- Hurrenkera-zk.: 4901
- Xedapen-zk.: ---
- Xedapen-data: 2021/09/08
- Argitaratze-data: 2021/09/24
Gaikako eremua
- Gaia: Gizarte gaiak eta emplegua; Segurtasuna eta justizia; Administrazioaren antolamendua; Ogasun eta Ekonomía; Osasun eta kontsumoa
- Azpigaia: Gizarte Gaiak; Herrizaingoa; Gobernua eta herri administrazioa; Ekonomia
Testu legala
Dirulaguntza publikoak emateko jarraitu beharreko publikotasun-printzipioari jarraituz, eta, Euskal Autonomia Erkidegoko Ogasun Nagusiaren Antolarauei buruzko Legearen testu bategina onartzen duen 2020ko abenduaren 17ko Legegintzako Dekretuaren 8.6 artikuluak ezarritakoa kontuan hartuta, dirulaguntzen hartzaileak laneratzeko enpresak eta enplegu-zentro bereziak izango dira, zehazki beren jarduerak etenda edo murriztuta dituztenak COVID-19ak eragindako osasun-krisialdia kudeatzeko deklaratutako alarma-egoera dela eta. Laguntzak emateko ebazpenak Euskal Herriko Agintaritzaren Aldizkarian argitaratu behar dira.
Horretarako,
Euskal Herriko Agintaritzaren Aldizkarian argitaratzea laneratzeko enpresentzako eta enplegu-zentro berezientzako aparteko laguntza-deialdian emandako dirulaguntzen onuradun izan diren enpresen zerrenda, zehazki beren jarduerak etenda edo murriztuta dituztenak COVID-19ak eragindako osasun-krisialdia kudeatzeko deklaratutako alarma-egoera dela eta. Laguntzok 2020ko deialdian iragarri ziren, Lanbide-Euskal Enplegu Zerbitzuko Administrazio Kontseiluak 2020ko uztailaren 1eko bileran onartuta (2020ko uztailaren 7ko EHAA, 132. zenbakia) eta Lanbide-Euskal Enplegu Zerbitzuko zuzendari nagusiak 2020ko azaroaren 17an hartutako 2020ko azaroaren 25eko Ebazpenaren bidez luzatuta (2020ko azaroaren 18ko EHAA, 235. zenbakia). Onuradunen zerrendarekin batera eta onuradun bakoitzari emandako dirulaguntzen zenbatekoa ebazpen honen eranskinean adierazten dira.
Vitoria-Gasteiz, 2021eko irailaren 8a.
Lanbide-Euskal Enplegu Zerbitzuko zuzendari nagusia,
MARÍA GLORIA MÚGICA CONDE.
(Ikus .PDF)
Gaiarekin lotutako edukiak
Arauaren historia (2)
- Ikus: EBAZPENA, 2020ko azaroaren 18koa, Lanbide-Euskal Enplegu Zerbitzuko zuzendari nagusiarena, Lanbide-Euskal Enplegu Zerbitzuko Administrazio Kontseiluaren Erabakia argitaratzen duena. Erabaki horren bidez, luzatu egiten da COVID-19ak eragindako osasun-krisialdia kudeatzeko deklaratutako alarma-egoera dela eta, jarduerak etenda edo murriztuta dituzten laneratze enpresentzako eta enplegu-zentro berezientzako aparteko laguntzen deialdian diruz lagun daitekeen gehieneko aldia.
- Ikus: EBAZPENA, 2020ko uztailaren 1ekoa, Lanbide-Euskal Enplegu Zerbitzuko zuzendari nagusiarena, aparteko dirulaguntzetarako deialdi bat argitaratzeko dena; dirulaguntzen hartzaileak laneratzeko enpresak eta enplegu-zentro bereziak izango dira, zehazki beren jarduerak etenda edo murriztuta dituztenak COVID-19ak eragindako osasun-krisialdia kudeatzeko deklaratutako alarma-egoera dela eta.