Arautegia
InprimatuEBAZPENA, 2019ko uztailaren 18koa, Langileak Kudeatzeko zuzendariarena, zeinaren bidez ebazpen hau aldatzen baita: Ebazpena, 2018ko abuztuaren 2koa, Langileak Kudeatzeko zuzendariarena, zeinaren bidez xedatzen baita argitara ematea Hezkuntzako sailburuaren 2018ko otsailaren 26ko Aginduaren bitartez iragarritako oposizio-lehiaketa gainditu duten izangai hautatuen behin betiko zerrendak, bai eta espezialitate berriak eskuratzeko prozedura gainditu duten izangaien behin betiko zerrendak ere.
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Hezkuntza Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 142
- Hurrenkera-zk.: 3624
- Xedapen-zk.: ---
- Xedapen-data: 2019/07/18
- Argitaratze-data: 2019/07/29
Gaikako eremua
- Gaia: Hezkuntza; Administrazioaren antolamendua
- Azpigaia: Funtzio publikoa
Testu legala
Hezkuntzako sailburuaren 2019ko apirilaren 9ko Aginduaren bidez (2019ko apirilaren 16ko EHAA), agindu hau aldatu da: Agindua, 2018ko irailaren 5ekoa, Hezkuntzako sailburuarena, praktiketako funtzionarioak izendatzekoa. Horrela, praktiketako funtzionario izendatutakoen zerrendatik kanpo uzten dira zenbait pertsona, Hezkuntzako sailburuaren 2018ko otsailaren 26ko Aginduan adierazitako betekizunak ez betetzeagatik. Azken agindu horren bidez iragarri ziren Euskal Autonomia Erkidegoko Bigarren Hezkuntzako irakasleen eta Lanbide Heziketako irakasle teknikoen kidegoetan sartzeko eta horra iristeko hautaketa-prozedurak. Kanpoan utzitako pertsonak espezialitate hauetakoak dira: ekonomia, instalazio elektroteknikoak eta informatika.
Hezkuntza Saileko Langileak Kudeatzeko zuzendariaren 2018ko abuztuaren 2ko Ebazpenean xedatu zen argitara ematea izangai hautatuen behin betiko zerrendak eta ordezko izangaien behin betiko zerrendak, dauden espezialitateetan, hautatutako izangairen batek izaera hori galtzen badu edo.
Horren ondorioz, espezialitate hauetan hautatutako izangaien zerrendan sartuko dira bi espezialitateetako ordezko izangaiak puntuazio-hurrenkeraren arabera dagozkienak, eskatutako betekizunak betetzen dituztela egiaztatu eta gero: Ekonomia espezialitatea (Bigarren Hezkuntzako irakasleen kidegoa) eta Instalazio Elektroteknikoak espezialitatea (Lanbide Heziketako irakasle teknikoen kidegoa).
Horrenbestez, hau
Lehenengoa. Aldatzea Hezkuntza Saileko Langileak Kudeatzeko zuzendariaren 2018ko abuztuaren 2ko Ebazpena, zeinaren bidez argitara eman baitira Hezkuntzako sailburuaren 2018ko otsailaren 26ko Aginduaren bitartez iragarritako oposizio-lehiaketa gainditu duten izangai hautatuen behin betiko zerrendak, baita espezialitate berriak eskuratzeko prozedura gainditu duten izangaien behin betiko zerrendak ere; eta, ondorioz, honako hauek sartzea hautatutako izangai gisa:
Amaya Fernandez Artiñano, Ekonomia espezialitatekoa (Bigarren Hezkuntzako irakasleen kidegoa), 2. hizkuntza-eskakizuna, txanda irekia, 5,1315 puntuko puntuazio globalarekin.
Mikel Arcelus Inchausti, Instalazio Elektroteknikoak espezialitatekoa (Lanbide Heziketako irakasle teknikoen kidegoa), 2. hizkuntza-eskakizuna, txanda irekia, 6,0695 puntuko puntuazio globalarekin.
Bigarrena. Ebazpen honen aurka, interesdunek gora jotzeko errekurtsoa jarri ahalko dute Hezkuntzako sailburuaren aurrean. Horretarako, hilabeteko epea egongo da, ebazpen hau Euskal Herriko Agintaritzaren Aldizkarian argitaratu eta biharamunetik hasita.
Vitoria-Gasteiz, 2019ko uztailaren 18a.
Langileak Kudeatzeko zuzendaria,
JON KARLOS AGUIRRE HUERGA.
Gaiarekin lotutako edukiak
Arauaren historia (4)
- Ikus: AGINDUA, 2020ko irailaren 11koa, Hezkuntzako sailburuarena. Honen bidez, Euskal Autonomia Erkidegoko Maisu-maistren, Bigarren Hezkuntzako irakasleen, Lanbide Heziketako irakasle teknikoen, Musikako eta Arte Eszenikoetako irakasleen eta hizkuntza-eskola ofizialetako irakasleen kidegoetako karrerako funtzionarioak izendatzen dira (Hezkuntzako sailburuaren 2017ko otsailaren 21eko, 2018ko otsailaren 26ko eta 2019ko martxoaren 1eko Aginduen bidez deitutako hautaketa-prozeduretan hautatutako izangaiak).
- Ikus: AGINDUA, 2019ko apirilaren 9koa, Hezkuntzako sailburuarena, zeinaren bidez aldatzen baita 2018ko irailaren 5eko Agindua, praktiketako funtzionarioak izendatzekoa. Horrela, izendatutakoen zerrendatik kanpo uzten dira zenbait pertsona, Hezkuntzako sailburuaren 2018ko otsailaren 26ko Aginduan adierazitako eskakizunak ez betetzeagatik.
- Aldatzen du: EBAZPENA, 2018ko abuztuaren 2koa, Langileak Kudeatzeko zuzendariarena, zeinaren bidez xedatzen baita argitara ematea Hezkuntzako sailburuaren 2018ko otsailaren 26ko Aginduaren bitartez oposizio-lehiaketan gainditu duten hautatutako izangaien behin betiko zerrendak, bai eta espezialitate berriak eskuratzeko prozedura gainditu duten behin betiko izangaien zerrendak ere.
- Ikus: AGINDUA, 2018ko otsailaren 26koa, Hezkuntzako sailburuarena. Honen bidez, Euskal Autonomia Erkidegoko Bigarren Hezkuntzako irakasleen eta Lanbide Heziketako irakasle teknikoen kidegoetan sartzeko eta horra iristeko hautaketa-prozedurak deitzen dira, baita aipatutako kidegoetako karrerako funtzionarioek espezialitate berriak eskuratzeko ere.
