Arautegia
Inprimatu754/2023 EBAZPENA, ekainaren 19koa, Osakidetza-Euskal osasun zerbitzuko Giza Baliabideen zuzendariarena, zeinaren bidez zuzentzen baita honako Ebazpen hau: 420/2023 Ebazpena, maiatzaren 16koa, zeinaren bidez argitaratu zen Osakidetza-Euskal osasun zerbitzu sanitarioetako erakundeetan destinoa daukaten Diplomadun Sanitarioak lanbide-taldeko Osasun Mentaleko Erizaina kategorian / lanpostu funtzionalean lekualdatze-lehiaketa ireki eta iraunkorreko 2023ko martxoko zikloko destinoen eskaintza.
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Osakidetza-Euskal Osasun Zerbitzua
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 134
- Hurrenkera-zk.: 3412
- Xedapen-zk.: 754
- Xedapen-data: 2023/06/19
- Argitaratze-data: 2023/07/14
Gaikako eremua
- Gaia: Administrazioaren antolamendua
- Azpigaia: Funtzio publikoa
Deskribapenak
Testu legala
Osakidetza-Euskal osasun zerbitzuko zuzendari nagusiaren otsailaren 26ko 261/2021 Ebazpenaren bidez lekualdatze-lehiaketa ireki eta iraunkorraren deialdia egin den kategoria / lanpostu funtzional honetan: Osakidetza-Euskal osasun zerbitzuko zerbitzu-erakundeetan destinoa duten Diplomadun sanitarioak lanbide-taldeko Osasun Mentaleko Erizaina.
Osakidetza-Euskal osasun zerbitzuko Giza Baliabideen zuzendariaren maiatzaren 16ko 420/2023 Ebazpenaren bidez argitaratu zen lekualdatze-lehiaketa ireki eta iraunkorra 2023ko martxoko zikloaren destinoen eskaintza kategoria / lanpostu funtzional honetan: Osakidetza-Euskal osasun zerbitzuko zerbitzu-erakundeetan destinoa duten Diplomadun Sanitarioak lanbide-taldeko Osasun Mentaleko Erizaina.
Osakidetza-Euskal osasun zerbitzuko Giza Baliabideen zuzendariaren maiatzaren 16ko 420/2023 Ebazpenaren eranskinean agertzen da Lekualdatze-lehiaketa ireki eta iraunkorraren 2023ko martxoko zikloan eskainitako destinoen zerrenda, Osasun Mentaleko Erizaina kategoriarako / lanpostu funtzionalerako. Eranskinean, destinoen zerrenda, eskainitako destinoen kopurua, eskaintzen diren zerbitzu-erakundea eta destinoaren deskribapena jasotzen dira.
Argitaratutako ebazpenak 2023ko ekainaren 21a ezarri du data gisa baldintzak betetzeko, merezimenduak alegatu eta baloratzeko eta destino-aukeraketa egin edo aldatzeko. Horien arabera, 2023ko martxoko ziklo honi dagokionez, izangaiek 2023ko ekainaren 21era arte alda zezaketen eskabidea, baita destinoen hautaketa ere. Hau da, 2023ko ekainaren 21era arte egindako destino-aukeraketa zen kontuan hartu beharrekoa, eta 2023ko martxoko zikloan sartzekoak, beraz, ekainaren 21a amaitzean gutxienez ziklo horretan eskainitako destinoetako bat zuten prozesu orokorrean egindako eskabideak.
Maiatzaren 16ko 420/2023 Ebazpena maiatzaren 31n Euskal Herriko Agintaritzaren Aldizkarian argitaratu ondoren, akats bat aurkitu da, destinoen zerrenda jasotzen duen eranskinean.
Administrazio Publikoen Administrazio Prozedura Erkidearen urriaren 1eko 39/2015 Legearen 109.2 artikuluak hauxe dio: «Administrazio publikoek edozein unetan zuzendu ditzakete, ofizioz edo interesdunek eskaturik, beren egintzetako oker materialak, egitezkoak edo aritmetikoak».
Bestalde, Euskal Herriko Agintaritzaren Aldizkaria arautzen duen abenduaren 23ko 217/2008 Dekretuko 18.2.c) artikuluak hauxe dio: «Argitaratzeko bidalitako testuan dauden hutsak edo omisioak maila bereko xedapen baten bitartez zuzenduko dira, baldin eta nabarmenak ez badira, eta horiek zuzentzearen ondorioz, dokumentuaren edukia edo esanahia benetan edo itxuraz aldatzen bada».
Azaldutako guztiaren ondorioz, eta langileen arloan indarrean dagoen legeriak ematen dizkidan eskumenez baliatuz,
Lehenengoa. Ebazpena ematea, Osakidetza-Euskal osasun zerbitzuko Giza Baliabideen zuzendariaren maiatzaren 16ko 420/2023 Ebazpenaren eranskina zuzentzeko. Ebazpen horretan, Osakidetza-Euskal osasun zerbitzuko zerbitzu-erakundeetan destinoa duten Diplomadun Sanitarioak lanbide-taldeko Osasun Mentaleko Erizaina kategorian / lanpostu funtzionalean 2023ko martxoko zikloan eskainitako lekualdatze-lehiaketa ireki eta iraunkorrean eskainitako destinoen zerrenda jasotzen da. Hona hemen zuzenketa:
Maiatzaren 16ko 420/2023 Ebazpenaren eranskinean jasotako eskainitako destinoen zerrendari destino hau gehitzea:
(Ikus .PDF)
Bigarrena. Aldatu egin behar da maiatzaren 16ko 420/2023 Ebazpenean ezarritako erreferentzia-data, 2023ko ekainaren 21ean ezarria zegoena, eta beste data bat hartu behar da erreferentziatzat: 2023ko uztailaren 28a.
Ondorioz, baldintzak betetzeko, merezimenduak alegatu eta baloratzeko eta destino-hautaketa egin edo aldatzeko erreferentziazko data 2023ko uztailaren 28a da. 2023ko martxoko ziklo honi dagokionez, izangaiek 2023ko uztailaren 28ra arte aldatu ahal izango dute eskabidea, baita destinoen hautaketa ere. 2023ko martxoko ziklo honetan, beraz, 2023ko uztailaren 28ra arte egindako destino-hautaketa hartuko da kontuan. 2023ko martxoko ziklo honetan, prozesu orokorrean egindako eskabideak jasoko dira, baldin eta gutxienez zikloan eskainitako destinoren bat badute 2023ko uztailaren 28a amaitzen denean.
Hirugarrena. Ebazpen hau Osakidetza-Euskal osasun zerbitzuaren Lekualdatze-lehiaketa ireki eta iraunkorraren web-orrian eta EHAAn argitara dadin agintzen da.
Laugarrena. Gainerako jarduketetan mantentzea Osakidetza-Euskal osasun zerbitzuko Giza Baliabideen zuzendariaren maiatzaren 16ko 420/2023 Ebazpenean ezarritakoa. Ebazpen horretan, Osakidetza-Euskal osasun zerbitzuko zerbitzu-erakundeetan destinoa duten Diplomadun Sanitarioak lanbide-taldeko Osasun Mentaleko Erizaina kategorian / lanpostu funtzionalean 2023ko martxoko zikloan eskainitako lekualdatze-lehiaketa ireki eta iraunkorrean eskainitako destinoen zerrenda jasotzen da.
Bosgarrena. Administrazio Publikoen Administrazio Prozedura Erkidearen urriaren 1eko 39/2015 Legean, Euskadiko Antolamendu Sanitarioaren ekainaren 26ko 8/1997 Legean eta Osakidetza-Euskal osasun zerbitzuaren estatutu sozialak ezartzeko azaroaren 11ko 255/1997 Dekretuan ezarritakoaren arabera, ebazpen honen aurka gora jotzeko errekurtsoa jarri ahal izango zaio Osakidetza-Euskal osasun zerbitzuko Administrazio Kontseiluari. Horretarako, hilabeteko epea izango da, Ebazpena EHAAn argitaratzen den egunaren hurrengo egunetik aurrera.
Vitoria-Gasteiz, 2023ko ekainaren 19a.
Osakidetza-Euskal osasun zerbitzuko Giza Baliabideen zuzendaria,
LUISA LARRAURI EREÑOZAGA.
