Albisteak

Osakidetzaren bikaintasuna saritu dute TOP 20 estatuko osasun sarietan

2017.eko azaroak 22

  • Donostia Unibertsitate Ospitaleak saria jaso du Ospitaleko Kudeaketa Globalagatik eta Bihotzeko eta Arnasketako zerbitzuengatik, Zumarragako Ospitaleak saria jaso du Kudeaketa Globalagatik eta Debagoiena erakunde sanitario integratuak duen Arnasketa zerbitzuagatik
  • Debagoieneko ESIak aintzatespena lortu du, hain zuzen, Oñatiko Osasun Zentroak erdietsi du “Lehen Mailako Arretako Ekipoen Praktika Onak. Populazio Ebaluazioa” azterlana dela eta.

 

Gaur eguerdian, Madrilgo Reina Sofia Arte Zentroan, osasun arloko bikaintasuna aitortzen duten sari horiek eman dizkiete TOP 20 Ospitaleen 18. edizioan. Osakidetzako zuzendari nagusia den Maria Jesús Mugica arduratu da sari horiek Osakidetzako irabazleei emateaz; izan ere, aurten, bost sari jaso dituzte. Zehazki, Osakidetzako ospitaleak TOP 20 aitorpenaren irabazleak izan dira ospitaleko Kudeaketa Globalean eta saritutako eremu klinikoetan 2010. eta 2015. urteen artean aurrerapauso handienak egin dituztenak izan direlako.

Edizio honetan, 15 autonomia erkidegotako 146 zentrok parte hartu dute. Horietatik 107 ospìtale publikoak dira eta 39 ospitale pribatu.

Oñatiko Osasun Zentroak ere (Debagoieneko ESI) lortu du aintzatespena “Lehen Mailako Arretako Ekipoen Praktika Onak. Populazio Ebaluazioa" delako azterlanarengatik. Lehen aldiz egin da populazio-ebaluazio pilotu baten egitasmo bat, estatu mailako populazio bat aztergai izanik, osasun zerbitzuetako emaitzen erabilera kontuan hartuta, arreta ospitalarioaren zein lehen mailako arretaren kostuak integratuz.

Osakidetzako zuzendari nagusiak, Donostia, Zumarraga eta Debagoiena ospitaleetako arduradunei sariak eman ondoren, sari horiek duten garrantzia nabarmendu du, "pazientei kalitatezko arreta bat eskaintzeko eta haiek Osakidetzan duten konfiantza mantentzeko egunero euskal osasun sisteman lan egiten duten profesionalei eta kudeatzaileei haien ahalegina publikoko eskertzeko balio baitute".

TOP 20 Ospitaleak ospitaleak ebaluatzeko programa bat da, kalitate, funtzionamendu eta eraginkortasun adierazleetan oinarrituta. Programak emaitzak hobetzeko erreferentzia erabilgarri bat eskaintzen dio esparru sanitarioari.