Euskaraz egindako ikasketa ofizialak aintzat hartu eta euskara-maila hizkuntza-tituluen eta ziurtagirien bidez egiaztatzetik salbuetsitakoak
47/2012 DEKRETUA, apirilaren 3koa, euskaraz egindako ikasketa ofizialak aintzat hartzeko eta euskara-maila hizkuntza-tituluen eta ziurtagirien bidez egiaztatzetik salbuesteko dena.
B1 maila euskara hizkuntza-tituluen eta ziurtagirien bidez egiaztatzetik salbuetsitakoak:
- 2008ko apirilaren 16az geroztik Derrigorrezko Bigarren Hezkuntzako graduatuaren titulua edo teknikari-titulua lortu eta titulazio horiei dagozkien ikasketen curriculum osoaren % 50 baino gehiago euskaraz egin dutenek. Derrigorrezko Bigarren Hezkuntzako graduatu-tituluari dagokionez, ezinbestekoa izango da, halaber, euskal hizkuntza eta literatura irakasgaia gaindituta izatea etapa horretako lau mailetan.
B2 maila euskara hizkuntza-tituluen eta ziurtagirien bidez egiaztatzetik salbuetsitakoak:
- 2008ko apirilaren 16az geroztik batxilergoko edo goi-mailako teknikariaren titulua lortu eta titulazio horiei dagozkien ikasketen curriculum osoaren % 50 baino gehiago euskaraz egin dutenek.
C1 eta C2 maila euskara hizkuntza-tituluen eta ziurtagirien bidez egiaztatzetik salbuetsitakoak:
1- Unibertsitate titulu ofizialen bat duten pertsonak, baldin eta titulu hori lurralde nazional osoan baliozkoa izan eta urriaren 29ko 1393/2007 Errege Dekretuak, unibertsitate-ikasketa ofizialen antolamendua ezartzekoak, araututako tituluetakoren bat bada, eta, betiere, I. eranskinean zehaztutako baldintzetakoren bat betetzen bada.
| I. ERANSKINA, APIRILAREN 3KO 47/2012 DEKRETUARENA | |||
|---|---|---|---|
| Euskaraz egindako ikasketak | Baldintza gehigarria | Euskarako hizkuntza prestakuntzako kreditu espezifikoak | Hauen baliokide diren mailak egiaztatzetik salbuetsita |
| 48 ECTS | Euskaraz egindako Gradu-amaierako lana edo Master Ofizialaren amaierako lana | 12 ECTS | C1 |
| 84 ECTS | 12 ECTS | C1 | |
| 114 ECTS | 6 ECTS | C1 | |
| 144 ECTS | C1 | ||
|
Doktore titulua (Tesia euskaraz idaztea eta defendatzea) |
C2 | ||
| Euskal Ikasketen gradua edo Euskal Filologiako gradua | C2 | ||
| Itzulpengintza eta Interpretazioa gradua, euskara A hizkuntzatzat hartuta | C2 | ||
1. Oharra: ikasleak ECTS kredituak lor ditzake, bai graduko titulazio bakar batean, bai graduko titulazio bakar bati eta master ofizial bakar bati dagozkion kredituak batuta.
2. Oharra: gradu-amaierako edo master ofizialaren amaierako lana euskaraz egitea baldintza gehigarria ez den kasuetan, lan horri dagozkion kredituek balio bikoitza izango dute lehen zutabeko ECTS kredituen guztizkoa lortzeko zenbatzen direnean.
2- Unibertsitate-titulu ofizialen bat duten pertsonak, 2008ko apirilaren 16aren ondoren eskuratutakoa, baldin eta titulu hori lurralde nazional osoan baliozkoa izan eta urriaren 29ko 1393/2007 Errege Dekretuak, unibertsitate ikasketa ofizialen antolamendua ezartzekoak, araututakoak baino lehenagoko tituluetakoren bat bada, baina, betiere, II. eranskinean zehaztutako baldintzetakoren bat betetzen bada.
| II. ERANSKINA, APIRILAREN 3KO 47/2012 DEKRETUARENA | |||
|---|---|---|---|
| Euskaraz egindako ikasketak | Baldintza gehigarria | Euskarako hizkuntza prestakuntzako kreditu espezifikoak | Hauen baliokide diren mailak egiaztatzetik salbuetsita |
| 52 kreditu | Euskaraz egindako karrera-amaierako proiektua edo Master Ofizialaren amaierako lana | 12 ECTS | C1 |
| 84 kreditu | 12 ECTS | C1 | |
| 114 kreditu | 6 ECTS | C1 | |
| 144 kreditu | C1 | ||
|
Doktore titulua (Tesia euskaraz idaztea eta defendatzea) |
C2 | ||
|
Euskal filologiako lizentziatura |
C2 | ||
| Itzulpengintza eta Interpretazioko lizentziatura, euskara A hizkuntzatzat hartuta | C2 | ||
1. Oharra: enborrezko, nahitaezko eta hautazko irakasgaietatik eskura daitezke kredituak, eta ezingo dira aukera askeko kredituak baliatu.
2. Oharra: ikasleak ECTS kredituak lor ditzake, bai 2.2 artikuluan adierazten diren titulazioetako bakar batetik, bai titulazio horretako kredituak eta master ofizial bakar bati dagozkion kredituak batuta.
3. Oharra: karrera-amaierako proiektua edo master ofizialaren amaierako lana euskaraz egitea baldintza gehigarria ez den kasuetan, lan horri dagozkion kredituek balio bikoitza izango dute lehen zutabeko ECTS kredituen guztizkoa lortzeko zenbatzen direnean.
