Euskadin, basogintza ustiategi txiki askotan dago presente, errenten jarduera osagarri gisa. Zerragintzarekin lotutako enpresa txikiak ere nagusi dira enpresa-ehunean, eta egurraren bigarren eraldaketarako negozioak, berriz, Euskal Herritik kanpo daude.

Sektoreak erronka handiak ditu aurrez aurre, hala nola titularren adin altua, belaunaldien arteko erreleborik eza edo profesionalizazio-maila txikia. Baita eskulanaren beharra ere, lurraren orografiak lana mekanizatu ahal izatea oztopatzen baitu.

Ingurumen-baldintzak direla-eta, azken urteetan onddoak garatzen ari dira, eta onddo horiek banda marroia eta banda gorria eragin dituzte, galera handiak sortuz. Gainera, galera horiei radiata pinuaren espezializazio handia gehitu behar zaie, plagak eta gaixotasunak izateko arrisku gehien duen espeziea.

Sektore honek ingurumenean betetzen duen eginkizun garrantzitsua azpimarratu behar da, baita basoen kudeaketa jasangarriaren izaera multifuntzionala ere (basoen ziurtagiriaren bilakaera garrantzitsua eta progresiboa).