Arautegia
InprimatuEBAZPENA, 2014ko urtarrilaren 31koa, Araubide Juridikoaren, Zerbitzuen eta Hauteskunde Prozesuen zuzendariarena. Horren bidez, 10/2014-A zenbakiko prozedura laburtuan interesdun izan daitezkeenei dei egitea xedatzen da epaitegi horretan ager daitezen.
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Segurtasun Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 27
- Hurrenkera-zk.: 604
- Xedapen-zk.: ---
- Xedapen-data: 2014/01/31
- Argitaratze-data: 2014/02/10
Gaikako eremua
- Gaia: Gizarte gaiak eta emplegua; Segurtasuna eta justizia; Administrazioaren antolamendua
- Azpigaia: Lana eta enplegua; Herrizaingoa; Justizia; Funtzio publikoa
Testu legala
Vitoria-Gasteizko Administrazioarekiko Auzien 2 zenbakiko Epaitegiak errekerimendua egin du epaitegi horretan abiatutako 10/2014-A prozedura laburtuan interesdun diren hirugarrenei dei egiteko; hain zuzen, Segurtasuneko sailburuaren 2013ko martxoaren 25eko Aginduaren aurka, non Akordio Arautzailearen 52. artikuluan norberaren gauzetarako baimen-egunen ordez emateko aurreikusitako diru-konpentsazioa erabakitzen baita.
Administrazioarekiko Auzien Jurisdikzioa arautzen duen Legearen 49. artikuluan agindutakoarekin bat etorriz,
Prozedura honetan interesdun izan daitezkeenei dei egitea 9 eguneko epean, ebazpen hau Euskal Herriko Agintaritzaren Aldizkarian argitaratu eta hurrengo egunetik kontatzen hasita, Vitoria-Gasteizko Administrazioarekiko Auzien 2 zenbakiko Epaitegian ager daitezen, egokitzat jotzen badute, 10/2014/A zenbakiko prozedura laburtuan beren bidezko interesak defendatzera.
Jakinaraz bekie interesdunei.
Vitoria-Gasteiz, 2014ko urtarrilaren 31.
Araubide Juridikoaren, Zerbitzuen eta Hauteskunde Prozesuen zuzendaria,
EUGENIO ARTETXE PALOMAR.
