Arautegia
InprimatuEBAZPENA, 2010eko maiatzaren 27koa, Uraren Euskal Agentziako zuzendari nagusiarena; honen bidez, Euskadiko barne-arroetako uren kudeaketa-arloko gai garrantzitsuen eskemaren onespena Euskal Herriko Agintaritzaren Aldizkarian argitaratzea agintzen duena.
Identifikazioa
- Lurralde-eremua: Autonomiko
- Arau-maila: Ebazpena
- Organo arau-emailea: Uraren Euskal Agentzia
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 119
- Hurrenkera-zk.: 3125
- Xedapen-zk.: ---
- Xedapen-data: 2010/05/27
- Argitaratze-data: 2010/06/24
Gaikako eremua
- Gaia: Ingurune naturala eta etxebizitza; Ekonomi Jarduerak; Administrazioaren antolamendua; Garraio eta herri lanak
- Azpigaia: Ingurumena; Industria; Gobernua eta herri administrazioa
Testu legala
Uztailaren 6ko 907/2007 Errege Dekretuak Plangintza Hidrologikoaren Erregelamendua onartu eta hori lantzeko prozedura ezarri zuen.
Urei buruzko ekainaren 23ko 1/2006 Legeak, berriz, Euskadiko Barne Arroen Plangintza Hidrologikoa arautu zuen, IV. kapituluan.
Administrazio Kontseiluaren abenduaren 4ko 221/2007 Dekretuko 1. artikuluak, berriz, 1/2006 Lege horretara jotzen du, eta 13.a) artikuluan, besteak beste, honako eginkizun hauek esleitzen dizkio gobernu-organo honi: «Euskadiko demarkazio hidrografikoko plangintza hidrologikoaren proposamena egitea, baita plangintza horren aldaketena ere».
Euskadiko Uraren Kontseiluari buruzko 222/2007 Dekretuko 2. artikuluak, dagozkion eginkizunei buruzkoak, 1/2006 Legearen 14. artikulura jotzen du. Artikulu horren b) atalak, besteak beste, honako eginkizun hau ezartzen dio organo aholku-emaile honi: «Plangintza eta programazio hidrologikoen eta horiek berrikustearen inguruko txostenak egitea, nahitaez».
Euskadiko Barne Arroetako Uren Kudeaketa Arloko Gai Garrantzitsuen Eskema, aipatutako lege-testuetan xedatutakoari jarraiki izapidetu da, eta aplikagarri dituen gainerako arau guztien arabera. Eskema, Uraren Euskal Agentziaren web orrian dago kontsultagai: www.uragentzia.euskadi.net/u810003/es/contenidos/informe_estudio/diagnostico_agua/es_doc/indice.html.
Horren arabera, Uraren Euskal Agentziaren 2009ko azaroaren 18ko Administrazio Kontseiluan agiria onartu ostean, Euskadiko Uraren Kontseiluak hori aztertu eta aldeko txostena eman eta 2010eko maiatzaren 19an izandako bileran honakoa,
Vitoria-Gasteiz, 2010eko maiatzaren 27a.
Uraren Euskal Agentziako zuzendari nagusia,
IÑAKI URRIZALQUI OROZ.
