Deialdi honen helburua da: eskabide-aurkezpena eta Osakidetzan zerbitzuak egiten dituen pertsonal fakultatiboaren garapen profesionala arautzekoa den dekretuaren 5. artikuluan aurreikusitako egiaztagirien aurkezpena arautzea, egindako zerbitzuen eta ebaluazio ostean lortutako puntuazioaren arabera, aitormena eskatzen duten profesionalak dagokien mailan sartzeko.

Prozesu honetan parte hartzea eska dezakete: Osakidetzan aktiboan edo antzeko egoeran dauden edo ekainaren 3ko 106/2008 Dekretuaren 5. atalean ezarritako baldintzak betetzen dituzten A.1. Fakultatibo mediko eta teknikoen lanbide taldeko profesional sanitarioek.

Eskabidea aurkeztea borondatezkoa da. Interesatuak eskabidean egiaztatu beharko du eskatzen diren betekizunak betetzen dituela edo eskabideak aurkezteko epean beteko dituela.

1. Osakidetzan aktiboan edo antzeko egoeran egotea, abenduaren 16ko 55/2003 Legean (osasun-zerbitzuetako estatutupeko langileen Estatutu Markoari buruzkoa) ezarritakoarekin bat etorriz.

   • Enplegu finkoa duen pertsonalarentzat, eskabideak aurkezteko epean.

   • Pertsonal ez-finkoarentzat eskabideak aurkezteko epean, baldin eta honako baldintzak betetzen baditu:

   • Osakidetzan hiru urteko zerbitzuak eginda, aitormena eskatzen duen kategorian, eskabidea egiteko epea hasi aurre-aurreko 5 urte lehenago egindakoak.

   • EPEko azken prozesuan parte hatu izana, eskatu den kategoriako azterketa benetan eginda, ezinbesteko kasuetan izan ezik betiere dagokion eskabidea egin denean.

2. Fakultatibo finko gisa aktiboan egotea 2008ko urtarrilaren 1ean. Data horren osteko baja-arrazoia profesionalaren heriotza edo ezintasun iraunkorra bada, inkorporazioa ofizioz egingo da.

3. 5 urteko zerbitzuak izatea lizentziatu sanitario gisa.

   Lizentziatu sanitario gisa egindako zerbitzutzat joko dira: zerbitzu aktiboan edo plaza gordetzeko eskubidea duen lanpostu baliokidean egindako denboraldiak, kategoria bereko lanpostu funtzionalean egindakoak, edota, hala dagokionean, Osasun Sistema Nazionalari antolakuntza aldetik eta funtzionalki atxikitako osasun erakundeetako espezialitatekoak edo ebaluazioa eskatzen den uneko bere kategoriakoa ez den asistentzia-lanpostu funtzional desberdinetan egindakoak, betiere lanpostu horretan aritzeko lizentziatuaren titulua eskatzen bada, salbu lizentziatuen kasuan osasun-zientzietan espezialistaren titulu ofiziala lortzeko prestakuntza-urteak.

   Halaber, etengabeko atentzioko zerbitzuan kontratatu gisa egindako zerbitzuak ere konputatuko dira.

   Era berean, Ikerketako Zentro Ofizialetan edo Osasun Sistema Nazionalari atxikitako erakundeetan pertsonal ikertzaile gisa egindako zerbitzuak ere baloratuko dira, betiere lizentziatuaren titulazio sanitarioa eta dagokion espezialitatea eskatzen duen kontratua badu.

   Halaber, lizentziatu sanitario gisa beste herri-administrazioetan egindako zerbitzuak % 50ean baloratuko dira.

4. Eskatutako maila lortzeko behar diren zerbitzu-urteak betetzea.

   Lizentziatu sanitario gisa egindako zerbitzuei, eta betiere talde horretan gutxienez bost izanda, Osasun Sistema Nazionalean beste lanbide talde batzuetan egindako zerbitzuak gehitu ahal zaizkie, honako baloreen arabera;

   • % 50, A2 eta B1 lanbide taldean.

   • % 25, B2 eta C1 lanbide taldean.

   • % 15, D1 lanbide taldean.

   • % 10, gainerako lanbide taldeetan.

1. Senideak zaintzeko eszedentzia duten fakultatiboak, Erakundeak emandako prestakuntzarako baimena edo euskara ikasteko liberatuak, beti ere egoera hori urte batekoa baino luzeagoa bada. Kasu horietan, jarduera asistentzialari eta erakundearekiko inplikazio eta konpromisoari dagozkien arduradunak ebaluatutako faktoreetako puntuazio gisa, euren unitate edo zerbitzuko profesionalek euren antzinatasun-taldean lortutako batez besteko puntuazioa esleituko zaie, egoera horretan dauden bitartean.

2. Zerbitzu berezietako edo sindikatu-ordezkapeneko edo langileen ordezkapeneko funtzioak egiteagatiko lizentzia duten profesionalei antzinatasunagatik dagokien mailaren bloke bakoitzeko gutxieneko puntuazioa esleituko zaie.

1. Aurkezteko lekua eta modua. Parte hartzaile bakoitzak eskabide bakarra aurkeztu beharko du Internet bidez, Osakidetzaren www.osanet.euskadi.net web-orrian, edo Erakundeko Intraneten dagoen eredua betez.

   Eskabidea betetzeak merituak informatika-aplikazioko curriculum vitae atalean erregistratzea dakar berarekin.

   Eskabidea egindakoan, horren frogagiria zerbitzu-erakundeko Pertsonaleko Sailean entregatu behar da.

   Aurreko paragrafoan adierazitako moduan eskabidea egiteko behar diren informatika-baliabideak jarriko ditu Osakidetzak, dituen zerbitzu-erakundeen bitartez.

   Prozesuan onartua izateko, ezinbestekoa da dagokion eskabidea behar den denboran eta moduan betetzea eta entregatzea, aurkezteko epearen barruan.

2. Epea. Eskatzaileek honako epea izango dute eskabideak aurkezteko, 4. artikuluaren a puntuan ezarritakoaren arabera: Ebazpen honen dataren hurrengo egunetik 2008ko irailaren 15eko 14:00ak arte.

Eskabidean eta aurkezten diren agiri eta informazioetan datu faltsuak jarriz gero, zehatu egingo da eskabidea ezeztatuz; horretaz gain, legez dagozkion neurriak hartuko dira.

Eskabidean adierazten den helbidea izango da jakinarazpenak egiteko balioko duen bakarra. Beraz, eskatzailearen erantzukizuna izango da bai helbidea jartzerakoan akatsen bat egitea bai, helbidea aldatuz gero, Osakidetzari horren berri ematea.

4. b artikuluan aurreikusitako epearen barruan, egindako eskabidearen ordezkagiria aurkeztu beharko dute hautagaiek beren zerbitzu-erakundean.

   Aurkeztutako merituen ziurtagirien dokumentazioa bere zerbitzu-erakundeko Pertsonaleko Zerbitzuak eskatuko dio. Ez da erregistro bat bera ere konputatuko eskabideak aurkezteko epea amaitu ostean aurkeztu edo aldatu badira.

   Aurreko deialdietan aurkeztu badira eta egiaztatzen duen dokumentazioa aurkeztu eta baliozkotu badira, bakarrik erregistratu egin beharko da, eta alegatutako meritu berriak aurkeztu baliozkotu ahal izateko.

   Erregistroak baliozkotzeko egiaztagiriak jatorrizko dokumentuak izan beharko dira edo bestela, jatorrizkoaren fotokopia konpultsatuak. Fotokopian honako hauek adieraziko dira: data, izen-abizenak, NAN eta konpultsa egiten duen arduradunaren sinadura irakurgarria.

   Eskabideak aurkezteko epea amaitu aurretik egindako agiri baten bidez aintzatetsita dauden merituak baino ez dira baloratuko.

   Zerbitzu aktiboan ez baina beste egoeraren batean daudenek Osakidetzako Erakunde Zentralaren egoitzan aurkeztu beharko dituzte agiriak (Araba kalea, 45 zk., 01006 Vitoria-Gasteiz).

Ebaluazio-prozesuan parte hartuko dute fakultatiboak berak, ebaluatuak zerbitzuak eskaintzen dituen zerbitzu edo unitateko arduradunak eta zerbitzu-erakundean horretarako osatutako ebaluazio-batzordeak.

Ebaluatu beharreko fakultatiboak, eskabidea egiterakoan, bere jokabideak modu objektiboan adieraziko ditu jarduera asistentzialeko eta arlo teknikoko merituen egiaztagiri-informazioaren bidez.

Zerbitzu edo unitateko arduradunaren egitekoa da ebaluazioa egiten zaionaren jarduera-eremu eta jakintza profesionalarekin zerikusi zuzena duten gaitasunak ebaluatzea, bai eta Erakundearekiko konpromisoa eta inplikazioari buruzkoak ebaluatzea ere. Ondoren, emaitzak azken ebaluazioari erantsiko dizkio –nahiz eta, hori gorabehera, ebaluatu daitezkeen gainerako faktoreak ebaluatzeko ere dei diezaioketen-, eta zerbitzu-erakundeko Ebaluazio Batzordean aurkeztu beharko du egindako ebaluazioaren emaitza.

Zerbitzu edo unitateko arduraduna ebaluatuaren lanbide-talde berekoa ez denean, eremu profesionalari dagokion ebaluazioa arduradun hierarkikoak edo funtzionalak egingo du.

Zerbitzu-erakundeko Ebaluazio Batzordeak jaso eta aztertuko ditu prozesuan sortutako agiriak, unitateko edo zerbitzuko arduradunek egindako ebaluazioei dagozkienak, bai eta ebaluatutako profesionalen ekarpenak ere. Emaitzak ikusita, ebaluazioa sakontzeari egoki irizten badio, ebaluatuaren ebaluazio osagarri bat egiteko eska diezaieke bere unitate edo zerbitzuko profesionalei, edo bestela, garapen profesionalaren sisteman sartuta dagoen beste zerbitzu-erakunde bateko espezialitate bereko profesionalei.

Ebaluazio Batzordeak merituak baloratuko ditu behar den epean eta eran interesatuak aurkeztutako agirietan oinarrituta. Eskabideak aurkezteko epea amaitu artekoak zenbatuko ditu; izan ere, eskabideak aurkezteko epea amaitu aurretik aurkeztu eta egiaztatu ez diren merituak ez dira inoiz ere baloratuko.

Pertsonal ez-finkoarentzako ebaluazio-prozedura, batez ere ebaluatzaileei eta ebaluazio-batzordeei dagokienez, egokitu ahalko da pertsonal-mota horren berezitasunengatik.

Profesionalak ebaluatzeko ardura duten organoei azaroaren 26ko 30/1992 Legearen 28. eta 29. artikuluak aplikatuko zaizkie (30/1992 Legea, Herri Administrazioen Araubide Juridiko eta Administrazio Prozedura Erkidearena).

Ebazpen honen I. eranskinaren bidez onartzen da merituen baremoa.

Edonola ere, ebaluazioa gainditu beharko da, azaroaren 22ko 395/2005 Dekretuaren 8. artikuluan maila bakoitzerako ezarritako gutxieneko puntuazioa lortuz. Eskatzaileari maila bakoitzean aplikatu daitezkeen alderdiak ebaluatuko zaizkio, dekretuaren aldi baterako xedapenetan ezarritakoaren arabera.

Egindako zerbitzuengatik dagokion eta nahi duten maila lortzeko eskatzen den gutxieneko puntuazioa deialdi honetan lortzen ez dutenei ekainaren 3ko 106/2008 Dekretuaren 5.4) atalean aipatutakoa aplikatuko zaie bloke guztietan. Dekretu horren bidez, Sanitateko Mahai Sektorialean, 2008ko martxoaren 14ko bileran, lortutako Erabakia onartu zen.

Edonola ere, eskatzaileak ebaluazioaren fase arruntean eska daitezkeen alderdi kurrikularrak sartuz bete beharko du eskabidea.

1. Mailak esleitzeko behin-behineko ebazpena.

   Ebaluazio-Batzordeak, bere jarduera amaitutakoan, egiaztatutako mailen behin-behineko zerrenda prestatu eta onartuko du, eta Osakidetzako Zuzendaritza Nagusira igorriko.

   Batzorde Korporatiboak txostena eman ondoren, Osakidetzako Giza Baliabideetako Zuzendaritzak Euskal Herriko Agintaritzaren Aldizkarian argitaratzeko aginduko du ebazpen baten bidez. Horren aurka, gora jotzeko errekurtsoa aurkeztu ahalko zaio Osakidetzako Zuzendaritza Nagusiari, hilabeteko epean, ebazpena argitaratu eta biharamunetik aurrera. Hala agintzen da azaroaren 26ko 30/1992 legearen 114. artikuluan eta hurrengoetan (30/1992 Legea, Herri Administrazioen Araubide Juridiko eta Administrazio Prozedura Erkidearena).

2. Mailak esleitzeko behin betiko ebazpena.

   Jarritako errekurtsoak Zuzendaritza Nagusiak erabakiko ditu, eta lortutako mailak behin betiko esleituko, ebazpen bidez. Ebazpen hori EHAAn argitaratuko da. Ebazpen horrek administrazio-bidea agortuko du.

Azaroaren 22ko 395/2005 Dekretuaren (batez ere aldi baterako lehen xedapenaren c) atala) aplikazio-eremukoak diren profesional finkoentzat, prezeptu horretan jasotako ordainketa-ondorioak ezartzen dira.

Gainerako profesionalei aplika dakizkiekeen ordainketa-ondorioei dagokienez, ekainaren 3ko 106/2008 Dekretuan araututakoa hartuko da kontuan. Dekretu horren bidez, Sanitateko Mahai Sektorialean, 2008ko martxoaren 14ko bileran, lortutako Erabakia onartu zen.

Maila bakoitzari dagozkion zenbatekoak azaroaren 22ko 395/2005 Dekretuaren 12. artikuluan jasotakoak dira, baina ondorioen dataren arabera birbaloratuak.

Enplegu finkorik gabeko pertsonalari aitortutako mailak bere ondorio ekonomikoak izango ditu 2006ko EPEan plaza lortzen dutenentzat, lanpostuaz jabetzen diren egunetik edo, hala badagokio, antolakuntza-arrazoiengatik lanpostu-jabetza atzeratuz gero, 2008ko ekainaren 1etik, eta gainerako pertsonal ez-finkoarentzat, 2008ko EPEa amaitzen den egunetik edo, hala badagokio, 2009ko uztailaren 1etik.

Aintzatetsitako azken mailari dagokion zenbatekoa baino ezingo da jaso.

Vitoria-Gasteiz, 2008ko uztailaren 9a.

Osakidetza-Euskal Osasun Zerbitzuko zuzendari nagusia,

GLORIA QUESADA MENÉNDEZ.