Liburutegi Zerbitzua

1. ¿ Ebazpen honen helburua Euskal Autonomia Erkidegoan bertoko administrazio orokorrak zein foru- edo herri-administrazioek edo beren erakunde autonomoek, erakunde guzti horietako langileen lanbide-prestakuntza hobetzeko helburuarekin sustatu edo antolatzen dituzten prestakuntza-ekintzak homologatzeko HAEEk dituen betekizunak eta prozedura arautzea da.

2. ¿ Halaber, beste erakunde batzuek sustatutako ekimenak homologatzeko moduak ere zehaztuko dira.

3. ¿ Ebazpen honetatik kanpo geratuko dira honako langile hauek helburutzat dituzten prestakuntza-ekintzak: Hezkuntza, Unibertsitate eta Ikerketa Saileko irakasleak, Justizia administrazioaren zerbitzupeko langileak, EHUko Administrazio eta Zerbitzuetako langileak, Euskal Autonomia Erkidegoko Administrazioaren eta toki-administrazioen agindupeko Polizia, eta, oro har, Osakidetzako langileak.

1. ¿ Eskabideak, behar bezala beteta, gutxienez prestakuntza-ekintzak hasi baino hilabete arinago aurkeztu behar dira.

1. ¿ Programaren berri zabaltzea eta hautatzeko irizpideak.

   1. Garatuko den prestakuntza-programaren berri zabalduko dela bermatu behar da, eta horretarako, programaren helburu den talde zabalari egokitzen zaizkion bitartekoak erabili behar dira.

   2. Ikasleak hautatzeko irizpide objektiboak erabili behar dira. Irizpideon oinarria berdintasun, merezimendu eta gaitasun printzipioak dira, eta, hala badagokio, ekintzaren edukien eta ekintzotara joango den langileak betetzen duen edo beteko duen lanpostuaren zereginen artean dagoen harremana.

2. ¿ Edukia.

   Edukia lotuta egon behar da ikasleen kidego, kategoria edo eskala, azpieskala eta klasearekin, edo, hala badagokio, beteko duen lanpostuaren zereginekin, edo interesgarritzat jo behar da langile publikoak prestatu eta hobetzeko.

3. ¿ Metodologia.

   Azaldutako helburuekin bat etorri behar du metodologiak, eta helburuok lortzea bermatuko duen kalitate-maila izan behar du.

4. ¿ Irakasleak.

   Prestakuntza-ekintzen ardura izango duten irakasleek lan horretarako egokiak direla frogatu behar dute.

5. ¿ Azterketa.

   1. Prestakuntza-ekintzek dituzten helburuak atxiki direla erakutsiko duten azterketa-tresnak erabiliko dira. Horretarako, eta irizpide orokor gisa, lortutako probetxua neurtzeko frogak egingo dira.

   2. Egin daitezkeen frogen artean, HAEEk "gogobetetzea neurtzeko inkesta" emango du.

1. ¿ Eskabidea.

   Administrazio-unitate interesdunak homologatze-eskaria HAEEko zuzendariari aurkeztu behar dio, I. eranskinean eransten den ereduari jarraiki.

2. ¿ Azalpen-memoria eta irakasleen fitxa.

   Eskabidearekin batera ondoko dokumentazioa aurkeztu behar da.

   1. Prestakuntza-programa azaltzen duen memoria bat. Horren eredua II. eranskinean dago, eta bertan zehaztu behar dira:

      • Prestakuntza-ekintza bakoitzaren izena eta pedagogia-helburuak.

      • Ekintza bakoitzaren beharraren justifikazioa, 3. artikuluko 2. paragrafoan ezartzen den bezala.

      • Prestakuntza-ekintzak zein langileri zuzenduta dauden, zein diren hautatzeko sistemak eta ekintzon berri zelan zabalduko den.

      • Edukien programa, bakoitzaren unitate didaktikoen arabera sailkatuta. Adierazi egin behar da unitate bakoitzari esleitutako ordu-kopurua, baita eskola-orduak guztira ere.

      • Prestakuntza-ekintzak non, zein egunetan eta zein ordutan izango diren.

      • Prestakuntza-programa bakoitzeko irakasgaiak emango dituzten irakasleak, eta zehaztu behar da irakasle bakoitzak izango dituen eskola-orduak.

      • Ikasleak ebaluatzeko sistema.

   2. Irakasle bakoitzeko fitxa bat. Bertan bakoitzaren curriculumaren alderik azpimarragarrienak adieraziko dira, gutxienez prestakuntza-ekintzaren edukiarekin zerikusia dutenak. Horiek adierazteko III. eranskineko eredua erabiliko da.

3. ¿ Aurretik homologatutako ekintza.

   Homologatzeko eskatzen dena aurretik dagoeneko homologatuta dagoen ekintza bat errepikatzea baino ez bada, hori adierazi egin behar da eskabidean bertan, eta beraz, 4. artikuluko 2a) eta 2b) paragrafoetako informaziotik bakarrik eman behar da homologatzeko eskatzen den ekintzaren informazio espezifikoa.

4. ¿ Euskarri informatikoa.

   Aurreko paragrafoetan, 4.1. eta 4.2.an, aipatutako dokumentazioa, baita 4. artikuluko 6. paragrafoan adierazitakoa ere, horretarako diseinatutako euskarri informatikoan eman behar da, eta horrelakorik egon ezean, paperean eman ahal izango da.

5. ¿ Homologatzeko irizpideak.

   Homologatzeko eskabidea jasotakoan, HAEEko Prestakuntza Zerbitzuak espedientean jasotako informazioa guztia izango du kontuan, 3. artikuluan zehazten diren baldintzak zenbateraino bete diren baloratuko du, eta

   1. Proposamen bat egingo du, eta bertan eskatzaileari homologazioa behin-behingoz onartu dela jakinaraziko zaio, baina onespen hori Ebazpen honetako 4. artikuluko 6. paragrafoan zehazten den informazioa bidaltzearen menpe dago. Jakinarazpena prestakuntza-ekintzak hasi aurretik egingo da, eta horiek garatuko dituen organo edo erakundeari ahalbidea emango dio behin-behineko homologazioa ekintza horientzat egindako dokumentazioan sartzeko.

   2. Edo, homologazio-eskariaren aurkako ebazpen-proposamena egingo du. Hori HAEEko zuzendariak izenpetuko du eta gutxienez homologatu ez den ekintzak hasi baino aste bi arinago jakinarazi behar da.

6. ¿ Prestakuntza-ekintzak bukatu ondoren, horiek antolatzen dituen erakundeak, hiru hilabeteko epean eta dena batera behingoan, ondoko dokumentazioa igorri behar dio HAEEri:

   3. Gorabehera-txostena, IV. eranskineko ereduaren araberakoa. Bertan adieraziko da prestakuntza-ekintzak garatzerakoan 4. artikuluko 2. paragrafoan aipatzen den azalpen-memorian aurreikusten diren datuekiko desbideratzerik egon den ala ez.

   4. Ikasleen zerrenda, V. eranskineko ereduaren araberakoa. Zehaztu behar da gutxienez prestakuntza-ekintzako ikastorduen %80ra joan direnetatik zenbatek lortu dituzten ikastaroaren helburuak.

   5. Gogobetetzea neurtzeko inkestak, 3. artikuluko 5b. paragrafoan aipatutakoak, behar bezala beteta.

7. ¿ Aurreko dokumentazioa aurkeztu ondoren, hori guztiori HAEEko Prestakuntza Zerbitzuak egiaztatu behar du. Ondoren, HAEEko zuzendariak ebazpen arrazoitua emango du, gehienez ere hiru hilabeteko epean. Ebazpen horrek erakunde antolatzaileak prestakuntza-ekintzak hasi aurretik zehaztutako homologazio-baldintzak betetzen dituen ala ez egiaztatutakoan, behin-behineko homologazioa behin betiko bihurtuko du edo indarrik gabe utziko du.

Ebazpen honek aurreikusten dituen prozeduretan berariazko ebazpenik hartzen ez bada, eskaria onartu dela ulertu behar da, azaroaren 26ko 30/1992 Legeak, Herri Administrazioen Araubide Juridikoaren eta Administrazio Prozedura Erkidearen Legeak, bere 43. artikuluan ezarritakoari jarraiki.

1. ¿ HAEEri dagokio homologatutako ekintzen aprobetxamendu-ziurtagiriak ematea. Ziurtagiri hori bakarrik emango zaie gutxienez prestakuntza-ekintzako ikastorduen %80ra joan direnei, baldin eta ekintza horren helburuak lortu badituzte eta ekintza antolatu duen erakundearen deialdian ezarritako betekizunak bete badituzte. Presentziarik gabeko prestakuntza denean, ikastorduetara joatearen betekizuna eskatu beharrean, gutxienez ikastaroaren gaietako %50 egin izana eskatuko da.

2. ¿ Homologatutako ekintzetako irakasleak herri-administrazioetako langileak badira, HAEEk agiri bat emango die emandako eskolak ziurtatzeko.

3. ¿ Ziurtagiriek, baliozkoak izateko, HAEEko zuzendariaren onespena izan behar dute.

HAEEk eskabideetan agertzen diren datuak betetzen direla egiaztatu dezake egoki iritziz gero, eta horretarako, prestakuntza-saioetara bertaratu daiteke edo horiei buruzko informazioa eska dezake.

Erakunde eskatzaileak bere egiten dituen konpromisoak:

• Homologatzeko baldintzak eta betekizunak onartzea.

• Prestakuntza-ekintzentzako 3. artikuluan zehazten diren betekizunak errespetatzea.

• Eskatzen zaion informazioa, bai 4. artikuluan adierazitakoa, bai bestelakoa, ematea.

• Ikuskatzeei oztoporik ez jartzea.

• HAEEko Prestakuntza Zerbitzuari prestakuntza-ekintzen garapenean egindako aldaketak jakinaraztea.

• HAEEko Prestakuntza Zerbitzuak kudeatzen duen Prestakuntza-ekintzen erregistroan sartzea onartzea, emandako datuekin.

1. ¿ HAEEk homologatutako edozein prestakuntza-ekintza, edo homologatzeko prozesuan dagon edozein, Prestakuntza-ekintzen erregistroan sartuko da, eta horretarako administrazio-espedientean azaltzen den informazio esanguratsuenaren laburpen bat erregistratuko da.

2. ¿ Erregistro horren araubidea legeak izaera pertsonaleko datu-fitxategientzat ezartzen duen bera da. Halaber, eta aurrerapen teknologikoek hala uzten duten heinean, erregistroa ustiatzea errazteko helburuarekin, bertako informazioa langilearen espediente pertsonala osatzen duen informazioarekin lotuta egon ahal izango da.

3. ¿ HAEEko zuzendariak Prestakuntza-ekintzen erregistroak antolatzeko eta jarduteko behar dituen aplikazio- eta garapen-arauak emango ditu.

Arau honetan aurreikusi ez diren egoeretan HAEEko zuzendariak erabakiko du, Prestakuntza Zerbitzuak aurkezten dion txostenaren arabera. Txosten hori egiteko, 4. artikuluan zehazten den informaziotik egoki irizten diona eska dezake Zerbitzuak.