Arautegia
InprimatuAGINDUA, 2022ko otsailaren 9koa, Osasuneko sailburuarena, Euskadiko Osasun Mentaleko Aholku Batzordea sortzen duen 2007ko urriaren 4ko Agindua aldatzen duena.
Identifikazioa
- Lurralde-eremua: Autonomiko
- Arau-maila: Agindua
- Organo arau-emailea: Osasun Saila
- Jadanekotasuna-egoera: Indarrean
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 35
- Hurrenkera-zk.: 813
- Xedapen-zk.: ---
- Xedapen-data: 2022/02/09
- Argitaratze-data: 2022/02/17
Gaikako eremua
- Gaia: Administrazioaren antolamendua; Osasun eta kontsumoa
- Azpigaia: Gobernua eta herri administrazioa
Testu legala
Maiatzaren 24ko 121/2005 Dekretuaren bidez ezarri zen Osasun Saileko Aholku Batzordeen araubidea, osasun-arazo bati aurre egiteko irtenbiderik egokienak hartzen dituzten sektoreen interesak eta konponbide-aukerak aztertuko dituen adituen aholkularitza lortzeko.
Orduko Osasuneko sailburuaren 2007ko urriaren 4ko Aginduaren bidez, zeina 2014ko urriaren 16ko Aginduak eta, ondoren, 2021eko uztailaren 5eko Aginduak aldatu baitzuten, Euskadiko Osasunari buruzko Aholku Batzordea sortu zen. Batzorde horren eginkizun nagusia osasun-helburuak lortzeko neurriak proposatzea da, Osasun Planean osasun mentalerako jasotako estrategien esparruan.
Osasun mentaleko sarearen egungo adierazgarritasun-premiek osaera egokiagoa eskatzen dute ordezkaritza-sare horretan lehen mailako arreta eta ESIetako osasun mentaleko sareak eta psikiatria-zerbitzuak ez ezik, osasun mentalaren inguruko sozietate profesionalei eta pazienteen elkarteak ere barneratuak gera daitezen.
Horregatik guztiagatik,
Osasun mentalari buruzko Euskadiko Aholku Batzordea lehendakari batek, idazkari batek eta 17 batzordekidek osatuko dute. Osasuneko sailburuak izendatuko ditu guztiak. Ahaleginak egingo dira osaera hori paritarioa izan dadin.
Batzordekideak banaketa honen arabera izendatuko dira:
Kide bat, Osasun Sailaren ordezkaritzan.
Kide bat, Hezkuntza Sailaren ordezkaritzan.
12 kide, Osakidetzako Osasun Mentaleko zerbitzu zentralen eta ospitaleetako eta ospitalez kanpoko osasun-zerbitzuen ordezkaritzan.
Kide bat, Buru Gaixotasuna Duten Pertsona eta Senide Elkarteen Euskadiko Federazioaren (Fedeafes) ordezkaritzan.
Kide bat, Psikiatria Komunitarioko eta Osasun Mentalaren Elkartearen (OME-AEN) ordezkaritzan.
Kide bat, Euskadiko eta Nafarroako Psikiatria Elkartearen ordezkaritzan.
Agindu hau Euskal Herriko Agintaritzaren Aldizkarian argitaratu eta hurrengo egunean jarriko da indarrean.
Vitoria-Gasteiz, 2022ko otsailaren 9a.
Osasuneko sailburua,
MIREN GOTZONE SAGARDUI GOIKOETXEA.
