Arautegia

Inprimatu

AGINDUA, 2015eko irailaren 10ekoa, Hezkuntza, Hizkuntza Politika eta Kulturako sailburuarena, 2015-2016ko ikasturterako itundu beharreko unitateen zehaztapena ebazten duena, Haur Hezkuntzan (2. zikloa), Lehen Hezkuntzan, Derrigorrezko Bigarren Hezkuntzan eta Hezkuntza Berezian.

Identifikazioa

Lurralde-eremua: Autonomiko
Arau-maila: Agindua
Organo arau-emailea: Hezkuntza, Hizkuntza Politika eta Kultura Saila
Jadanekotasuna-egoera: Indarrean

Aldizkari ofiziala

Deskargatu (PDF)

Aldizkari ofiziala: EHAA (Euskal Herria)
Aldizkari-zk.: 189
Hurrenkera-zk.: 4174
Xedapen-zk.: ---
Xedapen-data: 2015/09/10
Argitaratze-data: 2015/10/05

Gaikako eremua

Gaia: Hezkuntza
Azpigaia: ---

Deskribapenak

Testu legala

Aurkibidea erakutsiAurkibidea ezkutatu

- EBAZTEN DUT :
  - 1. artikulua 2015-2016ko ikasturterako ituna onartzea etapaka; agindu honen I. eranskinean zehaztuta daude: zenbatekoa, unitate-kopurua, hizkuntza-eredua eta itun-araubidea.
  - 2. artikulua Hezkuntza-itunen Araudia onartzen duen irailaren 8ko 298/87 Dekretuaren 32. eta 33. artikuluetan xedatutakoarekin bat, itun osoak direnez, ikastetxeek ezin izango dute diru-kopururik jaso ikasleengandik, irakaskuntza dela-eta.
- AZKEN XEDAPENA

Hezkuntza, Hizkuntza Politika eta Kulturako sailburuaren 2015eko apirilaren 22ko Aginduaren bidez onartu eta publiko egin ziren inprimakiak, hezkuntza-ituna indarrean duten ikastetxeek eska zezaten 2015-2016 ikasturterako itundu beharreko gela-kopurua zehazteko.

Ikastetxeek aurkeztutako eskabideak aztertu, eta hainbat hezkuntzatan proposamenak egin ostean, honako hau

EBAZTEN DUT :

1. artikulua 2015-2016ko ikasturterako ituna onartzea etapaka; agindu honen I. eranskinean zehaztuta daude: zenbatekoa, unitate-kopurua, hizkuntza-eredua eta itun-araubidea.

2. artikulua Hezkuntza-itunen Araudia onartzen duen irailaren 8ko 298/87 Dekretuaren 32. eta 33. artikuluetan xedatutakoarekin bat, itun osoak direnez, ikastetxeek ezin izango dute diru-kopururik jaso ikasleengandik, irakaskuntza dela-eta.

eranskinean zehaztutako zenbatekoak kalkulatzeko, kontuan hartu da Hezkuntza, Hizkuntza Politika eta Kulturako sailburuaren 2015eko uztailaren 29ko Agindua, zeinaren bidez eguneratu baitziren itunpeko ikastetxeen gastuei aurre egiteko ekonomia-moduluak, EAEko 2015. urteko aurrekontu orokorrak onartzen dituen abenduaren 23ko 5/2014 Legeak xedatutakoaren arabera.
2016. urteko lehenengo bi lauhilekoei dagokienez, 2016ko ekitaldirako Aurrekontuen Legeak ezartzen dituen ekonomia-moduluak aplikatzearen ondorioz egin beharreko doikuntzak egingo dira, garaia heltzen denean.
Agindu honetan agertzen diren diru-kopuruak gehienekoak dira, eta irakasleen eta gainerako langileen gastuak ere horien barruan sartzen dira.
Goragoko paragrafoan xedatutakoa hala bada ere, ordainketa eskuordetuaren sistemak eragiten dien mailetan, honako honen arabera ordainduko zaie antzinatasuna inoren kontura lan egiten duten langileei: ikastetxean irakasle bakoitzak duen antzinatasunaren arabera.

AZKEN XEDAPENA

Agindu honen aurka, interesdunek berraztertzeko errekurtsoa aurkez diezaiokete Hezkuntza, Hizkuntza Politika eta Kulturako sailburuari, hilabeteko epean, agindua argitaratu eta hurrengo egunetik aurrera; bestela, administrazioarekiko auzi-errekurtsoa aurkez daiteke EAEko Auzitegi Nagusian, bi hilabeteko epean, agindua Euskal Herriko Agintaritzaren Aldizkarian argitaratu eta hurrengo egunetik aurrera.

Vitoria-Gasteiz, 2015eko irailaren 10a.

Hezkuntza, Hizkuntza Politika eta Kulturako sailburua,

CRISTINA URIARTE TOLEDO.

(Ikus .PDF)

Gaiarekin lotutako edukiak

Arauaren historia (2)

Eskumenak eta transferentziak

Ez dago lotutako edukirik.

Garrantzi juridikoko dokumentazioa