Arautegia
InprimatuAGINDUA, 2013ko ekainaren 25ekoa, Ogasun eta Finantzetako sailburuarena eta Ingurumen eta Lurralde Politikako sailburuarena, Ingurumen eta Lurralde Politika Saileko kontratazio-mahaia sortzeari buruzkoa.
Identifikazioa
- Lurralde-eremua: Autonomiko
- Arau-maila: Agindua
- Organo arau-emailea: Ingurumen eta Lurralde Politika Saila
- Jadanekotasuna-egoera: Indargabetua
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 131
- Hurrenkera-zk.: 3133
- Xedapen-zk.: ---
- Xedapen-data: 2013/06/25
- Argitaratze-data: 2013/07/10
Gaikako eremua
- Gaia: Ogasun eta Ekonomía; Administrazioaren antolamendua
- Azpigaia: Ogasun; Gobernua eta herri administrazioa; Sailak
Testu legala
Euskal Autonomia Erkidegoaren Administrazioko sailak sortu, ezabatu eta aldatzen dituen eta horien egitekoak eta jardun-arloak finkatzen dituen Lehendakariaren abenduaren 15eko 20/2012 Dekretua eta martxoaren 1eko 8/2013 Dekretua, aurrekoa aldatzen duena, indarrean jarri ondoren, beharrezko da Ingurumen eta Lurralde Politika Sailaren kontratazio-mahai berria sortzea, Euskal Autonomia Erkidegoko Administrazioaren kontratazio araubideari buruzko ekainaren 5eko 136/1996 Dekretuaren 4. artikuluak xedatzen duena betetzeko.
Ondorioz, Administrazio Kontratazioaren Aholku Batzordeak egindako txostena jaso ondoren, honako hau
Ingurumen eta Lurralde Politika Saileko Kontratazio Mahaia sortzen da, Zerbitzu Zuzendaritzari atxikita, Euskal Autonomia Erkidegoko kontratazio-arauei buruzko ekainaren 5eko 136/1996 Dekretuaren 7. eta 5. artikuluetan zehaztutako egitekoak burutu ditzan eta aurreikusitako jardute-eremuan.
Kontratazio-mahaiak kide hauek izango ditu:
Lehendakaritza: Zerbitzu Zuzendaritzako ekonomia eta aurrekontua kudeaketa arloko arduradunetariko edozeinek kontratazio-mahaiko Lehendakariaren eginkizunak beteko ditu eta kargua hutsik badago, lehendakaria ez badago edo gaixo badago, edo legean jasotako beste zerbait gertatzen bada, beste arduradunak ordezkatuko du.
Mahaikide bat kontratazio organoak izendatuta organo horren ordezkaritzan.
Honako hiru mahaikide hauek: Kontrol Ekonomikoko Bulegoaren ordezkari bat; Ogasun eta Finantza Saileko Ondare eta Kontratazio Zuzendaritzaren ordezkari bat; eta Informatika eta Telekomunikazio Zuzendaritzaren ordezkari bat. Azken hori, dagozkien titularrek izendatuta eta bakarrik ondasun eta zerbitzu informatikoei lotuta dauden espedienteetan izango da.
Idazkaria-mahaikidea-aholkulari juridikoa: Zerbitzu Zuzendaritzari atxikitako kontratazio arduraduna izango da, eta Mahaiko lege-aholkulari eta idazkari lanak beteko ditu (hitza eta botoa izango ditu). Idazkari kargua hutsik badago, idazkaria ez badago edo gaixo badago, edo legean jasotako beste zerbait gertatzen bada, Zerbitzu Zuzendaritzako Kontratazio Zerbitzuko teknikari batek ordezkatuko du.
Ekainaren 5eko 136/1996 Dekretuaren 6.2 artikuluan xedatutakoari jarraituz, agindu honetan berariaz egiten ez diren izendapenak eta aurreikusten ez diren ordezkapenak, 136/1996 Dekretuaren 6.2 artikuluaren lehenengo paragrafoan eta 6.3 artikuluan adierazitako kideei buruzkoak izan ezik, Ingurumen eta Lurralde Politikako sailburuak erabakiko ditu. Izendatutako pertsonen artean ahalik eta alternantzia gutxien egon dadin saiatuko da, eta izendapenek espedientean agertu beharko dute.
Indargabetuta geratzen dira xedapen hauek: 2009ko abenduaren 17ko Agindua, Ekonomia eta Ogasuneko sailburuarena eta Ingurumen, Lurralde Plangintza, Nekazaritza eta Arrantzako sailburuarena, Ingurumen, Lurralde Plangintza, Nekazaritza eta Arrantza Saileko kontratazio-mahaia sortzeko dena; eta 2011ko otsailaren 9ko Agindua, Ekonomia eta Ogasuneko sailburuarena eta Ingurumen, Lurralde Plangintza, Nekazaritza eta Arrantzako sailburuarena, Ingurumen, Lurralde Plangintza, Nekazaritza eta Arrantza Saileko kontratazio-mahaiaren lehendakariaren ordezkapenen araubidea aldatzeari buruzkoa; eta 2009ko urriaren 23ko Agindua, Ekonomia eta Ogasuneko sailburuarena eta Etxebizitza, Herri Lan eta Garraioetako sailburuarena, Etxebizitza, Herri Lan eta Garraio Saileko kontratazio-mahaia sortzeko dena.
Agindu hau Euskal Herriko Agintaritzaren Aldizkarian argitaratu eta biharamunean jarriko da indarrean.
Vitoria-Gasteiz, 2013ko ekainaren 25a.
Ogasun eta Finantzetako sailburua,
RICARDO GAZAGAECHEVARRIA BASTIDA.
Ingurumen eta Lurralde Politikako sailburua,
ANA ISABEL OREGI BASTARRIKA.
Gaiarekin lotutako edukiak
Arauaren historia (4)
- Indargabetzen du: AGINDUA, 2011ko otsailaren 9koa, Ekonomia eta Ogasuneko sailburuarena eta Ingurumen, Lurralde Plangintza, Nekazaritza eta Arrantza sailburuarena, Ingurumen, Lurralde Plangintza, Nekazaritza eta Arrantza Saileko kontratazio-mahaiaren lehendakariaren ordezk
- Indargabetutakoa: AGINDUA, 2017ko apirilaren 6koa, Ogasun eta Ekonomiako eta Ingurumen, Lurralde Plangintza eta Etxebizitzako sailburuena, Ingurumen, Lurralde Plangintza eta Etxebizitza Sailaren Kontratazio Mahaia eratzen duena.
- Indargabetzen du: AGINDUA, 2009ko abenduaren 17koa, Ekonomia eta Ogasuneko sailburuarena eta Ingurumen, Lurralde Plangintza, Nekazaritza eta Arrantza sailburuarena, Ingurumen, Lurralde Plangintza, Nekazaritza eta Arrantza Saileko kontratazio-mahaia sortzeari buruzkoa.
- Indargabetzen du: AGINDUA, 2009ko urriaren 23koa, Ekonomia eta Ogasuneko sailburuarena eta Etxebizitza, Herri Lan eta Garraioetako sailburuarena, Etxebizitza, Herri Lan eta Garraio Saileko kontratazio-mahaia sortzeari buruzkoa.
