Arautegia
InprimatuAGINDUA, 2012ko azaroaren 13koa, Herrizaingo, Justizia eta Herri Administrazioko sailburuarena, udaltzaingoko kideen akreditazio profesionalaren dokumentuaren diseinu eta oinarrizko ezaugarriei buruzkoa.
Identifikazioa
- Lurralde-eremua: Autonomiko
- Arau-maila: Agindua
- Organo arau-emailea: Herrizaingo, Justizia eta Herri Administrazio Saila
- Jadanekotasuna-egoera: Indargabetua
Aldizkari ofiziala
- Aldizkari ofiziala: EHAA (Euskal Herria)
- Aldizkari-zk.: 230
- Hurrenkera-zk.: 5236
- Xedapen-zk.: ---
- Xedapen-data: 2012/11/13
- Argitaratze-data: 2012/11/28
Gaikako eremua
- Gaia: Segurtasuna eta justizia; Administrazioaren antolamendua; Ekonomi Jarduerak
- Azpigaia: Herrizaingoa; Gobernua eta herri administrazioa; Merkataritza eta turismoa; Funtzio publikoa
Testu legala
Euskal Autonomia Erkidegoko Udaltzaingoen Erregistroa eta Udaltzaingoko kideen akreditazio profesionalerako sistemak arautzen dituen 2012ko urriaren 16ko 203/2012 Dekretuaren 9. artikuluak Euskadiko udaltzaingoko kideen akreditazio profesionalaren dokumentua arautzen du.
Bederatzigarren artikulu horren laugarren atalak aurreikusten duenez, akreditazio profesionalaren dokumentuaren diseinu eta oinarrizko ezaugarriak segurtasun publikoaren arloan eskumena duen sailaren titularrak ezarriko ditu, agindu baten bidez.
Horregatik guztiagatik, agindu honen bidez udaltzaingoko kideen akreditazio profesionalaren dokumentuaren ezaugarriak, diseinua eta osagaiak arautu nahi dira, Euskal Autonomia Erkidegoko Udaltzaingoak Koordinatzeko Batzordeak aldeko txostena eman ondoren.
Esandakoaren ondorioz, honako hau
Agindu honen bidez, udaltzaingoko kideen akreditazio profesionalaren dokumentuaren ezaugarriak, diseinua eta osagaiak arautu nahi dira.
Akreditazio profesionalaren dokumentua honako hauek osatzen dute: txartel profesionalak; plaka-ikurrak; eta agiriak eramateko zorro trokelatuak.
Akreditazio profesionalaren dokumentuaren osagaiek batera eta inor ordezteko batere aukerarik ez dagoela bermatzen dute dokumentuaren titularra agintaritzako agentea dela, udaltzaingoko kidea denez gero. Txartel profesionala eta plaka-ikurra dokumentu publikoak dira, titularrak bakarrik erabil ditzake eta ezin zaizkio beste inori eman.
EAEko udaltzaingoetako kide guztiek, alegia, segurtasun-zerbitzuen eremuko lanpostuetan zerbitzu aktiboan, bigarren jardueran edo zerbitzu berezietan daudenek, akreditazio profesionalaren dokumentu bat izango dute, eta dokumentu hori erabili ahal izango dute.
Txartel profesionalaren diseinua eta ezaugarriak agindu honetako I. eranskinean azaltzen dira.
Eta, plaka-ikurraren diseinua eta ezaugarriak, II. eranskinean.
Udaltzaingoko kidegoen identikazio profesionaleko txartela eta plaka-ikurra kokatzeko dokumentuak eramateko zorroaren deskribapena agindu honen III. eranskinean agertzen da.
Akreditazio profesionalaren dokumentua kasu hauetan berritu edo ordezkatuko da:
Dokumentuan inskribatuta dagoen iraungitze-eguna iristean, betiere ordezkatu edo baliogabetu den dokumentua entregatu ondoren.
Dokumentua puskatzen, galtzen edo lapurtzen bada (aurrez behar bezala justifikatu behar da).
Iraungitze-data iristeagatik edo beste edozein arrazoirengatik gertatzen bada berritu beharra, entregatu egin behar da ordezkatutako edo baliogabetutako dokumentua.
Identifikazio profesionalerako dokumenturen bat suntsitu, galdu edo lapurtzen bada, titularrak bere udalari hala jakinarazi beharko dio, idatziz, eta udalak udaltzaingoen koordinaziorako eskumena duen zuzendaritzari dokumentu berri bat egiteko eskatuko dio. Horrelakoetan, dagokion salaketaren kopia bidali beharko da, eta hor xehe-xehe adierazi beharko da nola gertatu den suntsiketa, galtzea edo lapurreta.
Suntsiketa edo galtze kasuan tartean zabarkeria larria bada, funtzionarioak ordaindu beharko du dokumentu berria ematearen kostua.
Udaltzaingoko funtzionario izateari utziz gero edo segurtasun-zerbitzuen eremuko zerbitzu aktibo edo bigarren jardueratik bestelako administrazio-egoeraren batera edo zerbitzu berezietara pasatuz gero, dokumentazio profesionala entregatu beharko da.
Horrelakoetan, dagokion udalak dokumentua kentzeko akta beteko du, eta horren berri emango dio udaltzaingoen koordinazioaren arloko eskumena duen zuzendaritzari; halaber, kendutako akreditazio-dokumentua entregatu egingo du.
Hilez gero, dagokion udalak hildako udaltzainaren senitartekoei eskatuko die akreditazio-dokumentua entregatzeko.
Euskal Autonomia Erkidegoko Udaltzaingoen Erregistroa eta Udaltzaingoko kideen akreditazio profesionalerako sistemak arautzen dituen 2012ko urriaren 16ko 203/2012 Dekretuaren xedapen iragankorra betez, udaltzainen akreditazio profesionaleko dokumentuak, udalek agindu hau argitaratu aurretik eman badituzte, araubide berriarekin bat etorriz berritu beharko dira, agindua argitaratu eta hamazortzi hilabeteko epean, salbu eta dokumentu horiek Udaltzaingoak eta Segurtasun Pribatua Koordinatzeko Zuzendaritzak egiten baditu, ekitaldi honetan, eta araubide horretako baldintzak eta ezaugarriak betetzen badituzte.
Agindu hau Euskal Herriko Agintaritzaren Aldizkarian argitaratu eta biharamunean sartuko da indarrean.
Vitoria-Gasteiz, 2012ko azaroaren 13a.
Herrizaingo, Justizia eta Herri Administrazioko sailburua,
IDOIA MENDIA CUEVA.
(Ikus .PDF)
(Ikus .PDF)
Gaiarekin lotutako edukiak
Arauaren historia (3)
- Garatzen du: 203/2012 DEKRETUA, 2012ko urriaren 16koa, Euskal Autonomia Erkidegoko Udaltzaingoen Erregistroa eta Udaltzaingoko kideen akreditazio profesionalerako sistemak arautzeko dena.
- Indargabetutakoa: AGINDUA, 2020ko otsailaren 14koa, Segurtasuneko sailburuarena, Euskal Autonomia Erkidegoko Poliziaren akreditazio profesionalerako elementuei buruzkoa.
- Zuzendutakoa: HUTSEN ZUZENKETA, honako agindu honena: «Agindua, 2012ko azaroaren 13koa, Herrizaingo, Justizia eta Herri Administrazioko sailburuarena, udaltzaingoko kideen akreditazio profesionalaren dokumentuaren diseinu eta oinarrizko ezaugarriei buruzkoa».
